ظلموني و بكاو عليا قصة ليلى " باللهجة الجزائرية "

6

#من_صفحة_هنا_نحكي_حكايتي
#ليلى
#الحلقة_6
قتلكم حصلت حصلة بزااف واعرة مصبتش قاع كي ندير ...كي بدينا القراية فالمعهد رحت عن هذ السيد لي تبعني سقسيت على اسمو داوني لدارو طبطبت فتحت عليا مرتو ستقبلتني ووصبت عندها حمتها لي خت السيد و لي تكون مرت الصياغ في روحو ...حكيتلهم كلش و قتلهم ني ندمانة و حكيتلهم كيفاه الطفلة راهي تبتز فيا ..وقتلهم منيش باغيتها توصل لابوليس ...مرتو زعفت مني و قريب تضربني بصح ختو بدات تسايس و تساعف فيا ...قتلهم انا علاه وك هي صابتهم وباه تتأكدو بلي ذهب مهوش عندي شوفو لي ميساج ....المهم فلول معجبهمش الحال بصح بينتلهم بلي ندمت و لازم نصيبو حل كيفاه نرجعو الذهب ...وقتلهم ويلا ديتوها لابوليس نعاود نشد غير في هدرتي و ننكر كلش قتلهم انا قتلكم وين راه ذهب باه نصفي روحي ...قاتلي ختو شوفي اعطيلنا لادراس تاع طفلة و تيمرو تاع تلفون تاعك ...عطيتولهم و رحت لدار..العشية عيطتلي و قاتلي اني جاي انا و خويا ...رحت حكمت يما و بابا و خبرتهم بكلش بابا بهدلتي و شد راسو نهار سمع و يما طلعلها السكر ...عولت نفضح ولي صرا يصير ..المهم جاو لدار تاع يمينة ويما طل من الباب رايحة و جاية فالحوش و تضرب في ركابها وبدات تقول يا يما على التبهدايل وانا ميتتة بالخوف المهم وحد الشوية جا فؤاد خو يمينة يجري لدارنا قلي رواحي ...ديت يما ورحنا صبناهم متقابضين ...حكيت انا كلش. لي عندي ...وريتلهم لي ميساج و قاع ذاك شي و تكذب....وقاتلهم منيش انا و بدات تحاوز فالمرا وبدينا مقويين الحس ....حتى دخل بويها ...خبارتو خت السيد كلش قاتلو شوف و شوف وقاتلو عندكم ساعة في يديكم متجبدوش الذهب والله غير نروح ضروك لبوليس ... .... حكمها بويعا من الشعر قلها ضروك تجبديه ..وهي تعيط ااي مديتوش اي مديتوش ...رحو فتشو كامل قشها و كامل الدار ..الاثر تاعو مصابوهش عياو يحوسو بصح مكان والو ...قلهم بابات يمينة روحو و عطونا يومين انا نجي ليكم لدار...ليصونصيال راحو واحنا رحنا بدينا نسمعو غير فالضرب في دارهم بات يضرب ...بصح والو راسها خشين ....المهم رقدنا غدوا من ذاك صباح على الفجر سمعنا الطبطيب انا مضتش خواتي ناضو يجرو وحد الشوية جاو ليا لشومبرة ..قلولي ....؟#يتبع