The Mighty Dawn

Chapter 3

"Wear this."

Binigyan kami ni Marlon ng tig iisang box, binuksan ko ang akin at bumungad ang isang necklace. It's pearl with color black string.

Tinignan ko ang iba, mayroon silang singsing, bracelet at necklace. Napansin kong hindi binigyan ni Marlon si Sebastian ng box, panigurado ay meron na talaga siya noon palang.

Umakyat muna ako para masuot ng maayos ang necklace, humarap ako sa salamin at hinawi ang buhok.

Iaangat ko na sana ang kamay ko nang bumukas ang pintuan, nakita ko si Sebastian na sinara ang pintuan at nilapitan ako.

Hindi siya nagsalita at kinuha ang necklace, pinaharap niya ako sa salamin. Pinag krus ko ang braso ko at hinayaan siyang isuot ang necklace sa akin.

"Where's yours?" I asked.

Nang masuot niya ang necklace ay humarap ako sa kaniya, tinaas niya ang kamay at pinakita ang ring niyang may black diamond.

"Persophone made this, and Hades ask Zeus to put the magic here," sambit niya.

I laughed. "Maka hades ah, tatay mo yon."

Umirap siya. "Ano naman?"

Napailing nalang ako at umalis sa harapan niya, kumuha ako ng malaking bag at ihahanda na ang damit na dadalhin ko sa mission namin.

"Where's the book?" I asked habang nag aayos ng gamit.

"Tinago ko, hindi kita mapapagkatiwalaan sa mga gamit. Masyado kang burara," deretsong sabi ni Sebastian.

Tumigil ako sa pag aayos at humarap sa kaniya.

"And the pages are.. blank," kunot noo kong sabi. "Anong gagawin natin?"

Wala na kaming nakitang nakasulat pagkatapos ng first page, ang weird lang. Tinignan pa namin ang mga kasunod pero wala nang mga nakasulat.

"Malalaman din natin 'yan," seryoso niyang sabi. "Sa ngayon, kailangan muna natin mag focus sa iba."

Kaya nagbigay si Marlon ng mga accessories namin, 'yun ang magbibigay ng shield namin pag nasa mundo kami ng mga tao.

Demigods are still on mortal world, and if they feel our presence there's a chance na ma eexpose ang mga uri namin sa mundo ng mga tao.

And for our mission, there's a conflict in Sinclair School. Childrens are missing, unti unti silang nawawala sa hindi malamang dahilan.

Tatlong araw na raw silang nawawala kaya naman humingi na ng tulong ang isang Demigod dito sa Academy.

"Bukas ang alis niyo, okay? Gumising ng maaga! Kailangan niyong makarating sa mga mortal ng walang nakakakita sainyo, kaya kailangan ay madaling araw palang ay makalapag na kayo," bilin ni Marlon.

Nagtaas ng kamay si Valerie. "Anong sasakyan namin?"

Marlon smiled. "Hermes made a car that has a swing, ang gagamitin niyo ay masyado ng luma kaya huwag dapat kayong magdala ng mga mabibigat. Ang pansamantala niyong tutuluyan ay si Zander na ang bahala, ang teacher na nanghingi ng tulong."

Tumingin ako ng orasan at nakitang 6pm palang, nagpaalam na si Marlon kaya naman nagtipon tipon kami sa sala para pagplanuhan ang mangyayari.

"So, anong gagawin natin?" Clay looked at me.

Napataas ako ng kilay. "Ha? Bakit sa akin ka nakatingin?"

Draven laughed. "Akala ko ay kayo ang magiging leader dito?"

"Anong leader leader? Hindi 'to groupings!" inis na sambit ni Sebastian. "Lahat tayo ay magpaplano rito, walang nakakataas dito at pantay pantay tayo. Itatak nyo yan sa mga utak nyo, kasi kung hindi niyo gagamitin ang utak nyo ako mismo ang tatanggal niyan."