Duo Meng《夺梦》// Seizing Dreams Translation

Chapter 23

အိမ်အတွင်းပိုင်ကမူ နွေးထွေးလို့နေပါ၏။ ယွီဟောက်ကသူ့ကို ဆိုဖာပေါ် နေရာချပေးထားလိုက်သည်။ ချန်းယဲ့ခိုင်ကမူ လှဲနေရင်း သူ့ဘာသူ တတွတ်တွတ်ရေရွတ်နေခဲ့ရှာသည်။

" ငါကြားရတယ်, ငါကြားရတယ်လို့--! "

ယွီဟောက်, " ရေနည်းနည်းလောက်သောက်လိုက်ဦး "

ထို့နောက်သူက နောက်လှည့်ကာ မီးဖိုချောင်သို့သွားပြီး ရေသွားယူနေခဲ့စဉ် ချန်းယဲ့ခိုင်ကတော့ ဆိုဖာထက်တွင်သာ လဲလျောင်းလျက် ပင့်သက်ရှိုက်ဖိုကာ အသက်ရှူနေခဲ့၏။

သူက ရေသန့်စက်ကို ဖွင့်လိုက်သည်။ ဘာအကြောင်းကြောင့်ရယ်မသိ, Generalနှင့်စတွေ့ပါပြီဆိုကတည်းက ယွီဟောက်အတိတ်မှတ်ဉာဏ်များမှာ တဖြည်းဖြည်း ပိုမိုထင်ရှားလာရ၏။ ယခင်မေ့လျော့နေခဲ့သော မှတ်ဉာဏ်များသည်ကား -- ဓာတ်ပုံဖလင်တစ်ခုရရန် မသဲမကွဲနက်ကတစ်လေးများကို ပျော်ရည်အတွင်း စိမ်ထားခဲ့ရာမှ တစ်စတစ်စ စတင်ရုပ်လုံးပေါ်လာခဲ့ရင်း ‌ရေမျက်နှာပြင်ပေါ် ပေါလောပေါ်လာခဲ့သည့်အလား ဆင်တူလှပါသည်။

ချန်းယဲ့ခိုင် ယင်မြို့သို့ရောက်ရှိလာချိန်ဟာ ထိုဖြစ်ရပ်ဖြစ်ခဲ့သည့်နေ့နှင့် တစ်ထပ်တည်းကျနေခဲ့၏။ သို့ပေသိ ထိုအချိန်မတိုင်ခင်အထိတော့ နှစ်ယောက်သားက မသိခဲ့ကြဖူးပေ။ လူတစ်ယောက်က တစ်ခါမှမတွေ့ဖူးတဲ့သူတစ်ယောက်ကို အိမ်မက်မက်နိုင်ပါရဲ့လား?

အကယ်၍သာ မက်နိုင်တယ်ဆိုလျှင်, Generalက အိမ်မက်ပိုင်ရှင်များနှင့် တွေ့ဖူးစရာမလိုဘဲ အိမ်မက်ထဲ၀င်ရောက်နိုင်သည်ဆိုသော ယူဆချက်အရ သူကအိမ်မက်များအတွင်း လွတ်လွတ်လပ်လပ် ၀င်ထွက်သွားလာနိုင်စွမ်းရှိသင့်သည်ပင်။ ဤသို့ဆိုလျှင် ဘာကြောင့်ရှစ်နီကိုကျ " ဒီနေရာကို မင်းကိုယ်တိုင်ငါ့ကိုဆင့်ခေါ်ခဲ့တာ "ဟု ပြောရသနည်း?

အကယ်၍သာ မဆုံဖူးတဲ့လူတစ်ယောက်ကို အိမ်မက်မမက်နိုင်ဘူးဆိုလျှင်, သူရော ရှစ်နီရောက Generalကို အရင်ကတွေ့ဖူးကြလိမ့်မည်ဖြစ်ပြီး နှစ်ယောက်စလုံးက တစ်ယောက်ယောက်မိမိတို့ကို လာကယ်ပါရန် တောင့်တနေခဲ့ကြခြင်း ဖြစ်ရပေမည်။ ဤသို့ဖြင့် Generalက မိမိတို့အိမ်မက်များအတွင်း သူ့အတွက်ကိုယ်ပိုင်နေရာတစ်ခုရယူရန် မိမိတို့အတွင်းစိတ်မှ သူ့အပေါ်ထားရှိသည့်အမြင်ကို အသုံးပြုပေလိမ့်မည်ဖြစ်သည်။