{Unicode}
[Vol-1 : The Great Wall]
အတိတ်သို့ပြန်တမ်းခြင်းယွီဟောက်တစ်ယောက် ကျောင်းဆေးပေးခန်း၏ မျက်နှာကျက်ကိုသာ ငေးလျက် ကုတင်ပေါ်တွင် လှဲလျောင်းနေလေ၏။ အပြင်ဖက်မှ ရွှဲလုံ၏ ဆရာဝန်အား မိမိကျန်းမာရေး အခြေအနေအကြောင်း မေးမြန်းနေမှုကိုလည်း ကြားနေရပါသည်။
" အခြားဆေးရုံ လွှဲပြောင်းပေးစရာမလိုပါဘူးဗျ, သူ (Carbon Monoxide) မီးခိုးငွေ့လည်း သိပ်မရှူမိလိုက်ဘူးလေ, ကျွန်တော်တို့ ခနလောက်သေချာစောင့်ကြည့်ပြီးတာနဲ့ အဆင်ပြေသွားမှာပါ "
ရွှဲလုံက ယွီဟောက် အသက်အန္တရာယ်စိုးရိမ်စရာ မရှိတော့ကြောင်း သေချာကာမှ ပြန်သွားလေသည်။
အများပြောလေ့ရှိကြ၏။ တခါသေဖူးသူသည် နောက်တစ်ခေါက်ထပ်ပြီး သေခြင်းတရားကို ရှာဖွေတော့မည်မဟုတ်။ ယခုအချိန်တွင်, ယွီဟောက်သည်လည်း နောက်ထပ် အဆုံးစီရင်ရန်ဆိုသော အတွေးကို ဆက်တွေးတော့ပုံမပေါ်ပေ။ ကြည့်ရသည်မှာ Generalက မိမိနှလုံးသားထဲတွင် ရှိနေရင်း "မင်းအဆင်ပြေသွားမှာပါ" ဟု တဖွဖွပြောပေးနေသလားပင် ။
ဒေါက်ဒေါက်..
တစ်စုံတစ်ယောက်က အခန်းတံခါးကိုလာခေါက်သည်။ ယွီဟောက် လှည့်ကြည့်လိုက်သောအခါ မျက်လုံးများပြူးကျယ်လျက် အံ့ဩသွားရ၏။ ဝင်လာသောသူသည်ကား ကျောပိုးအိတ်လွယ်ထားကာ အားကစားဌာန ဘက်စကတ်ဘောအသင်းခေါင်းဆောင် ဖုလိချွင် ဖြစ်နေလေသည်။ ယွီဟောက်သည် မိမိသတိမရတရဖြစ်နေစဉ်က ကြားလိုက်ရသော ရင်းနှီသည့် အသံကိုပြန်တွေးမိသွား၏။ မိမိအား ဆေးရုံသို့ ခေါ်ဆောင်လာခဲ့ပေးသူကား ဖုလိချွင်ဖြစ်နေသည်ကိုး!
သူ ဖုလိချွင်ကို သိသည်ဟုပြောလို့ရ၏။ Work-study program လျှောက်ရန် ထိုသူကသာ ကူညီပေးခဲ့ပြီး မိမိနှင့်လည်း စကားအနည်းငယ်လောက် ပြောဖူးသည်။ ယခုအချိန်တွင်တော့, ထိုသူ၏ ဆံနွယ်များမှာ ချွေးများရွှဲလျက်ရှိနေသော်ငြား လူကတော့ တက်တက်ကြွကြွရှိနေသေးပုံပေါ်၏။ ထိုသူသည် မျက်ခုံးထူထူနက်နက်များကို ပိုင်ဆိုင်ထားပြီး သူ၏ နာမည်ပြောင်သည်ကား 'အားကစားဌာနရဲ့ ဝမ်လိဟုန်' ။
YOU ARE READING
Duo Meng《夺梦》// Seizing Dreams Translation
Fantasy• Author : 非天夜翔 ( Fei Tian Ye Xiang ) • 2018 Released • 165 Chapters • Genre : Action, Adventure, Fantasy, Romance, Yaoi • English Translator : Zryuu I don't own any of this novel, just fan translation. Everything belongs to original author. Both Z...