သူ နိုင်ငံရပ်ခြားမှာဘယ်လိုအခက်အခဲတွေနှင့်ကြုံတွေ့ခဲ့ရသလဲ၊ နစ်နာထိခိုက်မှုတွေရှိခဲ့သလား လင်းကျစ်ရန်မသိ၊ သို့သော်သူ၏ ခေါင်းမာသောစရိုက်အရဆို အခက်အခဲတစ်ခုခုကြုံခဲ့လျှင်တောင် သူ့ကိုဘယ်တော့မှပြောမည်မဟုတ်။
'မင်းနေကောင်းရဲ့လား? ငါ့ကိုခွင့်လွှတ်နိုင်သွားလို့ပြန်လာခဲ့တာလား???'
ဤစကားများအားလုံးကို ပြော၍မဖြစ်သောကြောင့် လင်းကျစ်ရန် တောင့်တင်းစွာရပ်နေမိသည်ပင်၊ လုဆွေ့ကရုတ်တရတ် လက်နှစ်ဖက်ကိုဆန့်ကာ သူ့အားပွေ့ဖက်ပြီး နားရွက်ဘေးမှတိတ်တဆိတ်ရယ်လျက်ပြောသည်။
" အင်း၊ပြန်လာပြီ "
လင်းကျစ်ရန် ခဏမျှကြောင်တက်သွားပြီး လုဆွေ့အားတင်းကျပ်စွာပြန်ပြီးပွေ့ဖက်လိုက်သည်။စိတ်လှုပ်ရှားမှုကြောင့်သူ့အသံကမတည်မငြိမ်
"မင်းပြန်လာတာကောင်းတယ် "
ထို့နောက်သက်တောင့်သက်သာရှိသလို သက်ပြင်းချပြီး မေးလိုက်သည်။
"အိမ်မှာပြန်နေမှာမို့လား "
လုဆွေ့ ခဏမျှတိတ်ဆိတ်သွားပြီးနောက်ခေါင်းငြိမ့်ပြသည်။
လင်းကျစ်ရန် သင်္ချိုင်းဂူကိုတစ်ချက်ကြည့်လိုက်သော်သူ့မျက်လုံးများမှေးမှိန်သွားသည်။သို့သော်လုဆွေ့ နောက်ဆုံးတော့အိမ်ပြန်လာရန်ဆန္ဒရှိခဲ့သည့်အတွက် သူအရမ်းပျော်ရွှင်ရသည်။ ဤနှစ်များအတွင်း လုဆွေ့၏အကွာအဝေးမှာ သူ့နှလုံးသားထဲမှဖယ်မထုတ်နိုင်သည့်အရာတစ်ခုပင်။ အခုဆိုလျှင် လုဆွေ့တွင်လည်းမိသားစု၀င်တစ်ယောက်သာကျန်တော့တာဖြစ်သောကြောင့်၊ သူတို့နှစ်ယောက်ကတစ်ယောက်အဖို့တစ်ယောက် အရမ်းအဖိုးတန်သည်။ သို့သော် လုဆွေ့အတွေးကရော်....
လင်းကျစ်ရန် ခဏမျှရပ်နေပြီးနောက်ဆုံးမှာတော့အမေးရှိလိုက်သည်
"မင်းစားပြီးပြီလား"
လုဆွေ့က ခေါင်းခါပြသည်။
လင်းကျစ်ရန်ကပြုံးပြီး
"ဒါဆိုအိမ်ပြန်ပြီးစားကြစို့"
![](https://img.wattpad.com/cover/283766113-288-k564845.jpg)
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
အပိုင်း(၂)
Start from the beginning