Instant Mommy & Daddy

CHAPTER 53 : NULL AND VOID

Marie's POV

Nagmamadali akong lumabas ng classroom namin. Tinawagan kasi ako ni Jeca at sinabing nasa labas na raw sya ng Western Ville. Aabsent nalang ako sa dalawa kong subjects. Hindi kasi kami magka klase nina Van at Carine. Nasa kabilang building rin yung classroom nila.

" Excuse!!! Bilis-bilisan ang paglalakad! " sabi ko dun sa mga estudyante na nasa unahan ko.

Nang makalabas na ako, agad akong nagtungo kay Jeca na ngayon ay naka busangot ang mukha. Ba't ang tamlay nya? Tapos parang pumapayat na din sya. DIBA HINDI PWEDING PUMAYAT ANG BUNTIS?

" Napano ka? " tanong ko sa kanya pero nag pout lang sya. Parang naiiyak.

" Bakit? Ano bang nangyari? May problema ba? " tanong ko sa kanya pero yakap lang ang sinagot nya. Yakap na parang namatayan ng milyong-milyong lamok. Sobrang higpit kaya. 

The last time na niyakap nya ako ng ganito ka higpit tapos umiyak ay nung nalaman nyang namatay si Gino. Di namin sya nakausap nun ng mga one month yata. Kaya parang nagulat ako bigla sa ginawa nyang pag yakap. 

" Jec? Bakit? " tanong ko ulit pero humagolgol lang sya sa pag-iyak. Hinimas himas ko lang yung likuran nya para tumahan sya. Ano bang gagawin ko sa babaeng 'to? Parang walang planong tumahan.

" Ma....ma.......marrriiiieeee........ " pa utal-utal nyang sabi habang himihikbi.

" Oh? bakit? Ano ba kasing nangyari? " tanong ko sa kanya. Tumingin sya sa'kin na pulang-pula ang mga mata.

" Pwedi mo ba akong samahan! May aasikasohin lang akong inportante! " sagot nya. 

" Oo naman! Asan ba tayo pupunta? " tanong ko pabalik sa kanya. Nakikita kong naiiyak na naman sya. ANO BA 'TO! Baka may masama na namang mangyari, ako na naman ang mapapasabak sa gyera ng bunga-nga ni Vanessa.

" Punta tayong City Hall! May kailangan kasi akong asikasohin para sa'min ni Royce! " nabigla ako sa sagot nya.