"ထိုင်ဖို့နေရာ သွားရှာထားလိုက်။ ကိုကိုမှာထားလိုက်မယ်"
"ကျွန်တော် အစ်ကိုနဲ့စောင့်မယ်"
"ဒါဆို ညီမလေး နေရာရှာထားလိုက်မယ်။ ကိုကို ရေညှိ rice box လေးထည့်မှာနော်"
"ဟုတ်ပြီ"
ကြက်ကြော်တစ်ကောင်၊ rice box၊ အာလူးကြော်နဲ့ လီမွန်တီးသုံးခွက်အပြည့်လျှံတင်ထားသည့်ဗန်းက ဇာမဏိလက်ထဲပါသွားသည်။ နှစ်ယောက်တည်းမဟုတ်ရင် စကားတွေနည်းနေတတ်တဲ့သူ့ကိုကြည့်ရင်း ကျွန်တော်မှာ ရယ်ချင်တာကိုမြိုသိပ်ထားရ၏။ နှစ်ယောက်တည်းဆိုရင် စကားတွေဖောသီနေတတ်တာ သူမဟုတ်ခဲ့သည့်အတိုင်းပင်။
"နှစ်ယောက်လုံးအတွက် ကြက်ကြော် ကိုကိုဖဲ့ပေးမယ်နော်။ အရမ်းပူတယ် မကိုင်နဲ့"
"ကိုကို့ကိုပြောပြရဦးမယ် သိလား။ ဒီနေ့ Speaking Class မှာ အပြင်ကျောင်းက Queen က ဇာမဏိကို marshmellow ဘူးကြီးပေးတာကိုလေ..."
"ကျွန်တော် မယူခဲ့ပါဘူး"
"အမယ်လေး... ဟိုက တကယ့်အလှလေး။ ချစ်စရာကောင်းတာမှ မိန်းကလေးချင်းတောင်ပြန်ငေးယူရတာကိုသိလား ကိုကို။ အားနာပါးနာနဲ့ ဘူးကိုတောင်လှမ်းမထိဘူး။ ချေချတာများဆိုတာ။ ဟိုက သင်တန်းစတည်းက သူ့ကိုသဘောကျနေတာ ပေါ်တင်တစ်မျိုးကွယ်ရာတစ်မျိုးနဲ့ သူမသိတာလည်းမဟုတ်ဘူး။ ညီမလေးသာဆို တစ်ချက်လောက် ကျွေးပစ်လိုက်ပြီ"
"ငါမှ မယူချင်တာ။ နင်ကြိုက်ရင် နင်ယူလေ"
"ငါ့လာမကြိုက်လို့ပေါ့။ အခု သင်တန်းအပြန် ကိုကို့ဆီလာဖို့ကိုလည်း လမ်းကြုံလိုက်ခဲ့ပါဆိုတာကို ဇွတ် တက္ကစီပေါ်ဆွဲတင်တာ။ ဟိုက မျက်နှာတော်တော်မကောင်း။ သနားပါတယ်။ အားနာပါနာနဲ့တောင် အလိုက်အထိုက်မပြောဆိုဘူး"
"ပြန်သဘောမကျနိုင်တာကြီးကို ဘာလုပ်ဖို့မျှော်လင့်ချက်တွေပေးနေရမှာလဲ"
"စာတော်တယ်၊ ရုပ်ချောတယ် နင်မကြိုက်နိုင်စရာဘာများရှိနေလို့လဲ။ ကြီးကြီးကျယ်ကျယ်"
Epi_25
Start from the beginning
