عشقت مجنونة (الجزء الأخير )

الحلقة الرابعة والستون ❤️

الحلقة الرابعة والستون .... ♥️

متنساش النجمه بتاعتي علي الواتباد قبل ما تقرأ البارت دا انا حتي لما كنت باخد عشرة من عشرة في ابتدائي كنت بقول للميس اديني نجمة 😂*
واللاف علي الفيس باليز علي صفحة الكاتبة آية يونس ♥️

~~~~~~~~~~~~~~~~~~~~~~~~~~~~~~

معظم الشخصيات التي تبهرك في البداية تتحول تدريجياً لشخصيات أقل من العادية، ذلك لأن النور المفاجئ عمى مؤقت ..
_ سارتر

دهشة ، صدمة ، حيرة ، هذة المشاعر التي اعترت قلب ميار عندما رأت صورتها أو صورة طبق الأصل عنها مُعلقة علي الجدار أمامها في غرفة ادهم التي ذهبت اليها ....

ميار بصدمة ...: معقول دي أنا ...؟!

اتجهت ميار ووقفت أمام الصورة بصدمة وهي تنظر لها مطولاً فهي لا تتذكر أنها التقطتت لنفسها صورة مثل هذه الصورة وبالأخص أن شعر تلك الفتاة طويل بعض الشيئ بينما هي شعرها متوسط الطول وقصير ....

ميار بعدم فهم ...: ممكن يكون ادهم فاهم في الفوتوشوب عشان كدا عملي الصورة دي او ... او ممكن يكون صورني لما أغمي عليا ووداني المستشفي بس ازاي برضه ...!!

دلف في تلك اللحظة الي الغرفة ادهم وقد كان عائداً للتو من المشفي الذي يعمل به ...

التفتت ميار له ، لينظر هو لها بصدمة ف متي دخلت تلك الي هنا ....؟

ادهم بصدمة ...: انتي بتعملي إية هنا ...؟

ميار بإستغراب ...: مين دي يا ادهم ... هي دي أنا ...!

ادهم بتوتر وهو يبتلع غصة في حلقة ...
_ دي ... ملكيش دعوة لو سمحتي واتفضلي برة يا يمن... يا ميار ...

ميار بغضب ...: انت كل شوية تغلط في اسمي .... أنا مش هخرج إلا لما افهم في إية ...!

ادهم بغضب اكبر ....: لو سمحتي مكانك في اوضتي وتواجدك فيها وانتي لسه خطيبتي دا اكبر غلط .... اتفضلي عشان عيب كدا ....

نظرت له ميار بحزن شديد .... ثواني وخرجت وهي تجر خيبة الأمل في حب هذا الشخص وخرجت من الغرفة وبداخلها حزن شديد فهي لا تفهمه حتي الآن لماذا خطبها إذا كان قلبه ملكاً لأخري ...! ولماذا يضع صورتها وفي نفس الوقت يذهب الي قبر حبيبته الأولي هي لا تفهم اي شيئ ...!!

نزلت ميار الي الأسفل لتلتقي ب صفاء والدة ادهم وهي خارجه من المطبخ ، تحمل بيدها صينية موضوع عليها بعض العصائر ...

صفاء بإبتسامة عندما رأت ميار ...
_ دورت عليكي ملقتكيش يلا تعالي عشان تشربي العصير اللي انا عملتهولك بإيديا ...