" ကျွန်တော်ထင်တာ ဒီပိုက်ဆံတွေက လာဘ်စားတဲ့ အစိုးရဝန်ထမ်းအရာရှိ တစ်ယောက်ယောက်ရဲ့ငွေတွေ ဖြစ်နေလောက်တယ်လို့! "
ကျိုးရှန်းက ဆက်ပြောလေသည်။
" ရေရေရာရာဇစ်မြစ်မရှိတဲ့ ငွေကြေးဥစ္စာပမာဏ အများကြီးကို လက်ဝယ်ပိုင်ဆိုင်တာလေ, သတင်းမှာပါနေကျ အမှုမျိုးတွေမဟုတ်ဘူးလား? ကျားကြီးတစ်ကောင်ကောင်တော့ အဖော်ခံရတော့မယ်ဟေး.., ကျွန်တော်တို့နှစ်ယောက်က ဆုချီးမြှင့်ခံရသင့်တဲ့ အကူအညီမျိုး လုပ်ပေးခဲ့တာလေ, ခင်ဗျားတို့က ကျေးဇူးတောင်တင်သင့်တယ်မဟုတ်ဘူးလား? "
[T/N: တရုတ်ပြည်ရဲ့ မှုခင်းပုဒ်မ ၃၉၅အရ, အစိုးရဝန်ထမ်းအရာရှိတွေမှာ တရားဝင်သတ်မှတ်ထားတဲ့ ပိုင်ဆိုင်မှုငွေကြေးဥစ္စာထက် ကျော်လွန်နေရင် ပိုနေတဲ့ပိုင်ဆိုင်မှုရဲ့ မူလဇစ်မြစ်ကို သေချာရှင်းပြရပေးရမှာဖြစ်ပါတယ်၊ မရှင်းပြနိုင်ဘူးဆိုရင် တရားမဝင်ငွေမဲအဖြစ် သတ်မှတ်ခံရပြီး ငါးနှစ်ထက်မပိုတဲ့ ထောင်ဒဏ်ကျခံရမှာပါ၊ အမှုအသေးအကြီးပေါ်မူတည်ပြီး ကျတဲ့နှစ် ကွဲပြားသွားမှာဖြစ်ပါတယ် / ကျိုးရှန်းပြောတဲ့ ကျားကြီးတွေဆိုတာကလည်း အဲဒီလာဘ်စားတဲ့ အရာရှိတွေကိုရည်ညွှန်းတာပါ ]
တစ်ခါတစ်ခါ ချန်းယဲ့ခိုင်၏မျက်နှာထက်၌ ကျိုးရှန်းအား "ဆက်မပြောပါနဲ့တော့"ဟု တောင်းပန်နေသည့် အမူအရာမျိုးရှိနေလေ၏။ သို့သည်တိုင် သူမထင်မှတ်ထားခဲ့သည့် ယွီဟောက်ကပါ ဝင်ပြောလာလေသည်။
" ဒါတော်တော်လေးဖြစ်နိုင်တယ်, ဒီကိစ္စကို နှိုက်နှိုက်ချွတ်ချွတ် စစ်ဆေးသင့်တယ် "
" ဒါပေမယ့် ဒီကိစ္စက မင်းတို့နှစ်ယောက်နဲ့ မဆိုင်ဘူး "
ဟွမ်ထင်က သူတို့၏ ထွက်ဆိုချက်များကို မှတ်တမ်းယူပြီးနောက် လက်ပ်တော့ကိုပိတ်လိုက်ပြီး -
" မုန်လာဥဖြူအငံကို စားတဲ့သူအနေနဲ့ ရိုးရိုးမုန်လာဥဖြူအပေါ့က ဘယ်လိုအရသာရှိလဲ မင်းတို့သိစရာမလိုဘူး...... Yo! ရဲမှူးကြီးပါလား? "
[T/N: အဓိပ္ပာယ်က အားယားနေတိုင်း ကိုယ်နဲ့မဆိုင်တဲ့ ကိစ္စတွေကို လိုက်ပြီးဝင်ရှုပ်ချင်မနေနဲ့လို့ ဆိုလိုတာပါ ]
![](https://img.wattpad.com/cover/276217594-288-k333501.jpg)
YOU ARE READING
Duo Meng《夺梦》// Seizing Dreams Translation
Fantasy• Author : 非天夜翔 ( Fei Tian Ye Xiang ) • 2018 Released • 165 Chapters • Genre : Action, Adventure, Fantasy, Romance, Yaoi • English Translator : Zryuu I don't own any of this novel, just fan translation. Everything belongs to original author. Both Z...
Chapter 8
Start from the beginning