"မနက်ဖြန်ကျရင် အိမ်မှာ စတုဒိသာလုပ်မယ်။ ဘရဏီနဲ့လာခဲ့နော် အစ်ကိုနေသော်"
မိန်းကလေးတွေနဲ့ ရောရောနှောနှောမနေတတ်တဲ့အညာသားနဲ့ မိန်းမဆန်တဲ့ ယဥ်တစ်ကိုယ်မယ်တို့က ရင်းနှီးပုံမရ။ အဖွဲ့လိုက်သွားလာတာတွေရှိပေမယ့် ခုချိန်ထိ တေ့ဆိုင်စကားခြင်းမျိုးမတွေ့ဖူးသေး။
"ဟ နင်က ငါတို့ကျ မဖိတ်ဘူး"
နောက်ထပ်ရောက်လာသူက ဇော်ထက်ဖြစ်သည်။ ရေစိုစိုအဝတ်တွေကြား စူးရှနေတဲ့ယမကာနံ့ကြောင့် ယဥ်တစ်ကိုယ်မယ်တစ်ယောက် ထိုင်နေရာကရို့သွား၏။ ယဥ်တစ်ကိုယ်မယ်နား ဝင်ထိုင်တော့မယ့် ဇော်ထက်လက်ကိုလှမ်းဆွဲပြီး ကျွန်တော်နဲ့နေရာလဲလိုက်ရသည်။
"အရင်ရက်တည်းကပြောတယ်လေ။ နင့်ဘာသာမမှတ်မိတာ။ ဇာမဏိကိုတောင်ခေါ်သေးတယ်"
"ပြောသေးလား။ ငါမေ့တာနေမယ်။ ဘရဏီက ငါ့ကို fb acc အပ်ထားတာလည်း confirm ဖို့မေ့နေတာဟာ။ အပြောခံလိုက်ရတာ အကြာကြီး သိလား အစ်ကိုနေသော်။ ဘရဏီက အရမ်းစွာတယ်။ ကြုံတုန်း အစ်ကို့အကောင့်ကို ကျွန်တော်လာအပ်ဦးမယ်။ ဒီဟာမလား"
"အင်း ဟုတ်တယ်"
"ညီမလည်း အပ်မယ်နော်"
"Ok နှစ်ယောက်လုံးကို confirm လိုက်ပြီ"
"ဘာတွေ confirm နေကြတာလဲ"
ရေကစားနေရာဆီက ညီမလေးတို့ပါ ရောက်လာတော့ အဖွဲ့က မျက်နှာချင်းဆိုင်လူစုံသွားသည်။ မကြာခင် နေ့လယ်စာစားချိန် ခဏနားကြဦးမည်။
"ကိုနေသော့် Facebook acc လေဟာ။ ဇာမဏိ ဘယ်လဲ!"
"ဟိုဘက်"
"နေ့လယ်စာချိန်နားတော့မှာ ဟေ့ရောင်..."
ဇော်ထက် ထပ်အော်ပြောတာကို လှည့်မကြည့်တော့။ အစောပိုင်းကပဲ စကားတွေဖောင်ဖွဲ့နေသူက ရုတ်တရတ်ဘာဖြစ်မှန်းလဲမသိ။ သင်္ကြန်ရနံ့ထဲမှာ ဆယ်ကျော်သက်တို့ရဲ့ပျော်ရွှင်ခြင်းလေပြည်တို့ပါ သင်းပျံ့မွှေးလို့...။
×××××××××××××××××××××××××××××××××××××
- ကျွန်တော် တစ်မျိုးကြီးဖြစ်နေတယ် အစ်ကို။
Epi_19
Start from the beginning
