Your Boyfriend Sucks

- douzième -

TWT's NOTE: Hi guys! Sa mga fans ng Sashimi, may spin-off po ang MSB1. One shots lang about sa Sashimi, walang story line so thanks sa mga magbabasa! ^_^

x - - - - - - - - - - x

- douzième (indulge for more) -

"Hi!" masayang bati ko sa kanya nang dumating ako sa Seattle's Best Coffee malapit sa Rockefeller. Naabutan ko siyang nakaupo sa isang two-seater table at nagbabasa ng libro.

"Oh, hello." ganting bati niya sa akin. "Have a seat." umupo na ako pagkasabi niya niyon. Ewan ko lang kung bakit ganito ang paningin ko. Parang gumwapo si Lyle sa paningin ko. Alam ko good-looking na siya noong High School pa lang kami pero parang mas naging gwap0 siya ngayon. Refreshing ang aura niya.

"Um-order ka na ba?" tanong ko sa kanya.

"Nope. I was actually waiting for you." nakangiting sabi niya sa akin.

"Tara." aya ko. Tatayo na sana ako pero pinigilan niya ako sa braso.

"Akong taya. Sabihin mo na lang 'yung orders mo."

"Large mocha frappe lang. Okay na 'yun." simpleng sagot ko sa kanya.

"Ayaw mo kumain ng kahit ano maliban dyan?"

Umiling ako tapos nginitian siya. "Okay na ako. Hindi naman ako gutom masyado e."

Tinanguan niya ako tapos pumunta na siya sa counter para mag-order. Habang nag-aantay kay Lyle, tumunog ang cellphone ko at pagtingin ko, si Jessica ang tumatawag. Agad kong sinagot ito.

"Oh Jess, bakit?" bungad na tanong ko sa kanya.

"Nasaan ka?"

Kinabahan ako bigla sa tanong niya. Shit, hindi pa pala niya alam ang tungkol kay Lyle! "Uhm, nasa Seattle's Best ako malapit sa Rockefeller."

"At sino naman kasama mo?"

Napapikit ako sa tanong niya. Wala naman sigurong masama na sasabihin ko 'to sa kanya, afterall she's my best friend and yeah, I have a huge crush on Lyle on our high school days.

"Ahm, natatandaan mo pa ba 'yung crush ko sa Asters noong High School pa lang tayo? 'Yung captain ng swimming team, Kuya ni Zanessa Ortega?"

"Err, yeah. Si Lysander Lee Ortega? Gosh! 'Yung parang Greek God?! Aba, oo naman! Bakit? Ano'ng connect nun sa kasama mo ngayon aber?"

Huminga muna ako ng malalim bago ko sinagot ang tanong niya. "Eh siya ang kasama ko ngayon dito. Nag-order lang siya sa counter."

"Ahhhhhhh~!"

Inilayo ko sa tenga ko 'yung cellphone ko sa lakas ng tili ni Jess. Grabe talaga ang babaeng 'to, napaka-hyper! "Jessica? Relax ka nga dyan. Nakakahiya sa mga kasama mo."

"Well, I don't care. Pero, nah! Hindi nga? Kaka-make over mo lang kahapon tapos may date ka na agad ngayon? And take note, 'yung HS crush mo pa. Don't tell me matagal na kayong may ugnayan na 'di mo sinasabi sa akin?" nang-uuyam ang tono ng pananalita ni Jess, napailing na lang ako.

"Okay, my fault if I didn't tell this to you last time kasi wala lang naman talaga. Masters professor ko siya, naging magkaibigan kami at ito ang unang beses na lumabas kami. But don't get me wrong, we're not on a date." paliwanag ko sa kanya.

"Asus, aba tigilan mo ako Reimi Suri Shadows! Kahit na ba walang label 'yan, as long as you two are opposite sex and going out, date na rin yan! Well, I'm so proud of you, girl. Tama lang yang ginagawa mo. One step at a time para maka-recover ka na ng tuluyan! At sabi nga ni Taeyang my loves, dahan-dahan lang. 'Di ba ang saya?" at tumawa siya na kilig na kilig.