ဒီအချိန်ဆို တာဝန်ကျ ဆရာဝန်တွေ အများကြီးမရှိပေ။ လွီနင် တံခါးအပြင်ဘက်ကနေပြီး အခန်းထဲကို ချောင်းကြည့်လိုက်သည်။ ချက်ချင်းပဲ မျက်စိလျှင်တဲ့လူတစ်ယောက်က သူ့ကို မြင်သွားလေ၏။
" လွီနင် ! "
စီနီယာအကိုက မယုံကြည်စရာတစ်ခုကို မြင်လိုက်ရသလို ပြေးထွက်လာ၏။" မင်းဘယ်တွေသွားနေတာလဲ။ ငါတို့ မင်းကို ဘယ်လိုရှာနေရလဲ သိရဲ့လား။ လျိုကျင်းက မင်းအိမ်ကို နေ့တိုင်းသွားကြည့်နေခဲ့တာ။ "
စီနီယာ၏ စကားနှင့် အကြည့်တွေကနေ နွေးထွေးမှုကို လွီနင်ခံစားမိသည်။
" ကျွန်တော် တစ်နေရာကို ခဏသွားနေတာ။ "
သူတောင်စကားမဆုံးခင် စီနီယာက သူ့အသံကို ပိုကျယ်ကာ အော်ပြောလိုက်၏။
"လျိုကျင်း ! လျိုကျင်း ! ဒီမှာ လွီနင်ပြန်ရောက်နေပြီ ! "
လွီနင် နှလုံးသာက အကြိမ်အနည်းငယ် တုန်လှုပ်သွားသည်။
" အကို သူ့ကိုခေါ်မနေပါနဲ့တော့။ နောက်မှပဲ ကျန်တဲ့သူတွေရော တွေ့ဖို့ပြန်လာခဲ့ပါ့မယ်။ အခုတော့ သွားလိုက်ပါဦးမယ်။ "
" မင်းဘာလို့ ငါတို့ကို အဆက်အသွယ်ဖြတ်ထားတာလဲ ..."
စီနီယာက သူ့ကိုပြန်ကြည့်လာပြီး သူ့မျက်နှာပေါ်က အမူအရာတွေက ရုတ်ခြည်းပဲ ထူးဆန်းလာလေသည်။
" လွီနင်... မင်း အခုထိ လျိုကျင်းနဲ့မတွေ့ရသေးဘူးလား။"
" မဟုတ်ပါဘူး။ "
" ဒါဆိုရင် …"
ထိုအချိန်မှာပဲ လျိုကျင်းက အချိန်ကိုက် လူနာတစ်ယောက်နှင့် စကားပြောရင်း ထွက်လာသည်။
" လွီနင် ပြန်လာပြီလား။ "
စီနီယာက လွီနင်ကို အမြန်ပဲ တားဆီးကာ သူကပဲ ပြန်ဖြေလိုက်သည်။
" အာ... ခုဏကမှ ရောက်တာ။ "လွီနင် လျိုကျင်းကို ပြုံးပြပြီး ယဥ်ကျေးစွာပဲ နှုတ်ဆက်လိုက်သည်။
" မတွေ့တာကြာပြီနော်။ "လျိုကျင်း၏ မျက်နှာပေါ်ရှိ အပြုံးက အေးခဲသွားသည်။
" အင်း... မတွေ့တာ ... ကြာနေပြီ ..."
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 29
Start from the beginning