Unicode
ဝေ့ဒါက ဆံပင်အတိုနဲ့ကောင်လေး ဘယ်သူဘယ်ဝါဆိုတာကို မပြောပြသလို လွီနင်ကလည်း မမေးပေ။
သူရော ဝေ့ဒါရော နှစ်ယောက်လုံး ပြန်အဆင်ပြေနေကြပြီ။ သူတို့ဆက်မေးလိုက်လျှင် ဒီအခြေအနေကို လက်လွှတ်သလို ဖြစ်သွားမည်။
လွီနင် ယန်မိန့်ချီကိုမုန်းပေမယ့် သူ့သားကိုတော့ မမုန်းပေ။ အထူးသဖြင့် သူ့သားရဲ့ လက်ရှိအခြေအနေကို တွေ့ပြီးနောက်ပေါ့။
ကလေးတစ်ယောက် မွေးဖွားလာတာက ဘုရားသခင်ရဲ့ ပြစ်ဒဏ်တော့ မဟုတ်ပေ။ ဝေ့ဒါကတော့ ဓားစာခံဖြစ်သွားရုံသာ။
"ဒါကို မယူနဲ့"
လီနင်က သူ့လက်ထဲက ခရမ်းသီးကို မြှောက်ပြပြီး ပြောလာသည်။
" ဒါက အရောင်ရင့်ပေမယ့် အခွံက နွမ်းနေပြီး အလေးချိန်ကလည်း ပေါ့ပေါ့လေး...""Oh,"
ဝေ့ဒါက ခရမ်းသီးတစ်လုံးယူက ပလပ်စတစ်အိတ်ထဲ ကောက်ထည့်လိုက်သည်။ဆိုင်ပိုင်ရှင်က သူတို့ကို ပြုံးပြပြီး
"မင်းတို့က ညီအစ်ကိုတွေလား""အင်း"
လွီနင်က ခရမ်းသီးနည်းနည်း ကောက်ထည့်လိုက်ပြီး ပိုင်ရှင်ကိုပေးလိုက်သည်။
"သူဌေး ဒါတွေ ချိန်ပေးပါဦး ""ဟုတ်ပြီ"
ဆိုင်ပိုင်ရှင်က အစားအသောက်တွေကို အီလက်ထရောနစ် ကတ္တားပေါ်မှာချိန်လျှက် မေးလာသည်။
" ငါ့ညီတို့က အစားသောက်အတူထွက်ဝယ်ကြတာဆိုတော့ နှစ်ယောက်သား အရမ်းရင်းနှီးကြတာပဲနော်။"
"ဟုတ်တယ်"
ဆိုတော့... တခြားသူတွေအမြင်မှာလည်း သူတ်ို့ဆက်ဆံရေးက အဆင်ပြေနေတဲ့ပုံပေါ့....
လွီနင် ဒီအချက်ကို နားလည်ပြီး ပျော်ရွှင်သွားတယ်....
ယောကျာ်တစ်ယောက်အနေနှင့် လွီနင်က သူ့ခံစားချက်တွေကို ဖော်ပြရမှာ မပေါ်လွင်တတ်ပေ။ လွီနင်က လူတစ်ယောက်ကို စေတနာနဲ့ ဆက်ဆံလျှင်တောင် ထိုလူက သူ့စေတနာကို နားလည်လားဆိုတာ သူမသိပေ။
လွီနင် သူနဲ့ ဝေ့ဒါ ဆက်ဆံရေးကောင်းလားဆိုတာလည်း သူမသိဘူး။ လွီနင်မှာ မွေးချင်းအမတွေရှိပေမယ့်လည်း အကုန်လုံးက အမြဲတမ်းရန်ဖြစ်စကားများနေတတ်ကြသည်။ တစ်ချက်ကြည့်ရုံနဲ့တင် သူတို့က မိသားစုနဲ့တူပေမယ့် ဝေ့ဒါလိုတော့ မရင်းနှီးကြပေ။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.