Unicode
လွီနင် တက္ကသိုလ်တက်ချိန်က အချိန်ပိုင်းအလုပ်တွေအများကြီးလုပ်ခဲ့တာကြောင့် မနက်တစ်ပိုင်းသာ စာလုပ်ချိန်ရှိခဲ့သည်။ သူ့အတန်းဖော်ကို နှောင့်ယှက်မိမှာလည်းစိုးရိမ်တာကြောင့် မနက်စောစောထားတာ အကျင့်ဖြစ်လာတော့သည်။
လန်းဆန်းတဲ့မနက်ခင်းလေးမှာ လွီနင် ပဲနို့ဝယ်ထွက်ခဲ့ကာ တစ်ဘူးကိုသူသောက်ပြီး နောက်တစ်ဘူးကို စားပွဲပေါ်တက်ခဲ့လိုက်သည်။
ဝေ့ဒါ ဒီအချိန်ဆိုအိပ်နေဦးမယ်လို့ လွီနင်တွေးလိုက်သည်။ အမှန်က ဝေ့ဒါက အိပ်မောကျရုံသာ။ သူကအများအားဖြင့် မျက်လုံးတွေကိုပ်ိတ်ပြီး အိပ်ပျော်ချင်ယောင်ဆောင်နေတာပင်။ ဒါပေမယ့် ဒီနေ့တော့ တစ်စုံတစ်ယောက်ရဲ့ ပုံမှန်အလေ့အကျင့်တွေ ကူးစပ်သွားတာကြောင့် အိပ်ရာပေါ်မှာ ထိုင်နေလေသည်။
"ဒီနေ့စောလှချည်လား။ "
" အစ်ကို့ဖုန်းလာတယ်။ "
ဝေ့ဒါက ဖုန်းကို ပစ်ပေးလိုက်သည်။
လွီနင် ဖုန်းကိုယူကြည့်လိုက်တော့ လျိုကျင်းခေါ်ထားတာဖြစ်နေသည်။ သူပြုံးလိုက်ပြီး ဖုန်းပြန်ခေါ်လိုက်သည်။ ဖုန်းကနှစ်ခါလောက်မြည်ပြီး ဝင်သွားရုံရှိသေး ရုတ်တရက် ဝေ့ဒါက သူ့လက်ကို ဆွဲလာသည်။
"ဘာဖြစ်လို့လဲ။ "
လွီနင် ဝေ့ဒါစိတ်ရှုပ်နေတာကို တွေ့လိုက်ရသလို သူ့လက်ကောက်ဝတ်ကအားကြောင့် လွီနင် မျက်မှောင်ကြုတ်လိုက်မိသည်။
"…"
" လွီနင် ငါတို့ ဒီနေ့အတူသွားကြမလား။ "
ဖုန်းထဲက ကောင်မလေးရဲ့အသံက ထွက်ပေါ်လာသည်။
" အင်း... ငါဆင်းလာခဲ့လိုက်တော့မယ်။ "
ဝေ့ဒါကိုင်ထားတဲ့လက်ကို ဖယ်ရင်း ပြန်ဖြေလိုက်သည်။ ထူးဆန်းနေတဲ့ ဝေ့ဒါကို လွီနင်ခေါင်းမော့ကြည့်လိုက်သည်။
" ငါ အလုပ်သွားတော့မယ်။ ပဲနို့ကို ပူတုန်းလေးသောက်လိုက်နော်။ "
လွီနင့်အသံက နူးညံနေလေသည်။
ဝေ့ဒါသူ့ကိုလွှတ်လိုက်သည်။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
