Unicode
" စျေးကြီးလိုက်တာ !"
လက်မှတ်ရုံရှေ့မှာရပ်ပြီး လက်မှတ်စျေးနှုန်းတွေကိုကြည့်လျှက် လွီနင် ပါးစပ်အဟောင်းသားဖြစ်နေ၏။
လွီနင် သူအပန်းဖြေဥယျာဥ်ကို မရောက်တာ ဘယ်လောက်ကြာပြီလဲဆိုတာတောင် သူမေ့နေပြီ။ သူမှတ်မိသလောက်ဆို လက်မှတ်စျေးက ၁၀ ယွမ်ပဲရှိတာကို အခုတော့ ယွမ် ၁၀၀ တောင်ကျော်နေပြီ။
" တခြားနေရာကိုပဲ သွားရအောင်။ "
" လက်မှတ်က ဝယ်ပြီးသွားပြီ။ "
ဝေ့ဒါ သူ့လက်ထဲက လက်မှတ်နှစ်စောင်ကို မြှောက်ပြလိုက်သည်။" ဒီနှစ်ပတ်ထဲ အကုန်အကျတွေများနေတယ်လေ။ "
လွီနင်မှာ အလုပ်မလုပ်နိုင်တာကြောင့် ငွေဝင်ပေါက်မရှိတော့။ ပိုက်ဆံတွေ အများကြီးသုံးလိုက်ရတာကိုမြင်တော့ သူ့နှလုံးသားလေး နာကျင်သွားရလေသည်။
" မင်းက လက်ဖွာလွန်းတယ်။ ရှေ့နောက်မကြည့် စိတ်လိုက်မာန်ပါလုပ်နေတော့တာပဲ။ ငါတို့ ထပ်တိုင်ပင်ဖို့လိုနေပြီ။ အတိုင်းအဆမသိဘဲ ဒီလိုသာဆက်သုံးနေရင် နောက်ရက်တွေ ငါတို့ရေပဲသောက်နေရလိမ့်မယ်။ "
" ကျွန်တော်သာ အားလုံးကို ကိုကိုနဲ့ လိုက်တိုင်ပင်နေရရင် ကျွန်တော်လိုချင်တာ ဘာမှရမှာမဟုတ်တော့ဘူး။ "
ဝေ့ဒါ ပြုံးလိုက်ပြီး လွီနင်ကို လက်မှတ်စစ်ရုံထဲ ဆွဲခေါ်လာခဲ့တော့သည်။
" ဘာလို့ ဒီကိုလာလဲဆိုတာ ကျွန်တော်ထက် ကိုကိုက ပိုသ်ိသင့်တာပေါ့။ "လွီနင် သူစကားလွန်သွားတာကို နားလည်သွားတာကြောင့် လွီနင်ခဏလောက်စဥ်းစားလိုက်ပြီး ပြန်မေးလိုက်သည်။
" အဲ့ဒီတော့ မင်း ကစားကွင်းကို အရမ်းတွေ လာချင်နေတာပေါ့။ "
"... ကိုကို မေ့သွားပြီလား။ "
" ဘာကိုလဲ။ "
" ကိုကိုပဲ ကျွန်တော့်ကို ကစားကွင်းလိုက်ပို့ပေးမယ်လို့ ပြောခဲ့တာလေ။ "
လွီနင် ကြက်သေသေသွား၏။
နွေဦးရာသီက နှစ်တစ်နှစ်၏ အလှပဆုံးအချိန်ပင်။ နေရောင်က အရမ်းကြီးမပူပြင်းဘဲ နွေးရုံလေးသာ။ ရုတ်တရက် ထိုအချိန်က နေရောင်အောက်မှာရပ်နေခဲ့သည့် ကောင်လေးကို အမှတ်ရသွားသည်။ ထိုကောင်လေးက အခုတော့ သူတောင်မသိလိုက်ဘဲ သူ့ထက်အရပ်တောင် ပိုရှည်လာပြီ။
VOCÊ ESTÁ LENDO
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.