Possessively Owned by Messiah

Chapter 5

Kinabukasan ay pumasok na kami ni Rebecca sa school. Matapos ko siyang ihatid sa classroom niya ay nagpunta muna ako sa practice room para puntahan ang mga kabanda ko. May 15 minutes pa bago ang klase namin kaya dumiretso muna kami dito.

Napansin ko naman na nakangiti si Aiden na nakaupo sa gilid ng drumset habang may katext ito sa hawak niyang phone. This is not the usual him dahil kadalasan ay tahimik lang naman ito at bibihirang ngumiti.

"Do you think Aiden is courting someone? He looks happier, look." Tanong ko sa katabi kong si Kris na busy sa pagkain ng breakfast niya. Itinuro ko si Aiden sa kanya na tinignan naman niya.

"Siguro? Napapansin ko nga na napapadalas na ang pagngiti ng gunggong na 'yan at palaging nakatutok sa hawak niyang cellphone. Inlababo siguro 'yang koreano na 'yan." Nakangising sabi nito.

"I'm here!"

Napukaw naman ang atensyon namin sa kakapasok lang na si Demi na may nakasukbit na bag sa balikat niya at ngumiti ito sa amin. Sumulyap naman ito saglit kay Aiden na busy pa rin sa sulok habang nagtetext. Tumabi naman siya sa amin ni Kris na nakaupo sa couch.

"Demi, sa tingin mo ba may nililigawan na 'yang si Aiden? Tignan mo ang loko, mukhang tuwang-tuwa pa sa sinumang katext o kachat niya sa cellphone niya." Sabi ni Kris kay Demi at nginuso nito si Aiden.

"Hmm.. Isaac, may kailangan pala akong sabihin sa'yo pero sana ay 'wag kang magagalit pre, ha?"

Sumeryoso ang mukha ni Demi bago ako nito harapin.

"What is it?" Tanong ko naman.

"May nakapagsabi kasi sa akin na nakita daw niya sina Rebecca at Aiden na magkasama sa park na nagjojogging nung isang araw. I said na baka kamukha lang ni Rebecca 'yung babaeng kasama ni Aiden but she said na si Rebecca daw talaga ang nakita niya. I mean paanong nangyari 'yon e, hindi naman close sina Rebecca at Aiden?" Takang tanong ni Demi.

Napatingin naman kami ni Kris sa isa't-isa. Awtomatiko nalang na kumuyom ang mga kamao ko dahil sa galit na bigla nalang lumukob sa sistema ko.

I look again at Aiden at mukhang napansin na nito ang masasamang titig ko sa kanya. Kaagad ko siyang nilapitan at nagtiim-bagang. Itinago naman niya kaagad ang hawak niyang cellphone sa bulsa ng pantalon niya.

"Is that true? May nakakita daw sa inyo ni Rebecca sa parke? At sabay pa talaga kayong magjogging?" Madiin kong sabi na ikinagulat niya.

Hindi siya kaagad nakasagot.

"Oh ano, bakit hindi ka makapagsalita, Aiden? Is that true?" Tumawa ako ng mahina at anytime ay gusto ko na siyang suntukin.

"Yes. That's true-"

Hindi na ako nakapagtimpi pa at kaagad siyang sinuntok sa mukha. Awtomatiko namang lumapit sa akin si Kris at pilit niya akong inaawat habang si Demi naman ay nanatili pa rin'g nakaupo sa couch.

Akmang susugurin ko na sana ulit si Aiden nang biglang pumasok dito sa practice room sina Earl at Colt at napigilan ako sa pagsugod kay Aiden na sapo-sapo ang panga niyang nasuntok ko.

"Mga pre, what's happening here? Bakit nag-aaway kayo ni Aiden?" Tanong sa akin ni Earl na walang ideya sa pinag-aawayan namin.

Tumawa ako at itinuro si Aiden na nakatitig na ng masama sa akin.

"Ang ayoko sa lahat ay 'yung tatraydurin ako! Wala akong pakialam kung kahit kanino pa kayong babae mainvolve 'wag lang kay Rebecca! Sa oras na taluhin mo ako, Aiden ay talagang papatayin na kita!" Sigaw ko at akmang susugod pa ulit nang ihinarang naman ni Colt ang katawan niya sa harapan ko.