တွန်းလှည်းတစ်စီးကို တွန်းလာသည့် အလုပ်သမားတစ်ယောက်က လွီနင်အနားကိုလာပြီး နှုတ်ဆက်လာသည်။
" သူက မင်းညီလား။ "
လွီနင် ခေါင်းညိမ့်ပြလိုက်သည်။
" တအားတော်တဲ့ကလေး။ အကြမ်းလည်း အားကြီးခံနိုင်တယ်။ အခုခေတ်မှာ သူ့လိုကလေးမျိုး အများကြီး မရှိတော့ဘူး။ "
ဝေ့ဒါကို ချီးကျူးနေတာ ကြားရတော့ လွီနင် ကျေနပ်သွားသည်။
အလုပ်အကြောင်းကို သေချာဂရုတစိုက် နားထောင်နေသည့် ဝေ့ဒါ၏ အသွင်အပြင်က လွန်ခဲ့သော လအနည်းငယ်က မှောင်မည်းနေသည့် အခန်းထောင့်တစ်နေရာမှာ ဘာမှမလုပ်တတ်ဘဲ ထိုင်နေတတ်သည့် သူခိုးလေးတစ်ယောက်နှင့် လားလားမှ မတူတော့။
သူ့ညီက သူထင်ထားတာထက် ပိုသန်မာတာပဲ။ ဆိုးရွားပြင်းထန်သည့် မတော်တဆမှုကြီးကို ကြုံတွေ့ခဲ့ရတာတောင် ပိုမိုကောင်းမွန်သည့် ဘဝလမ်းကြောင်းကို ကြိုးကြိုးစားစား တက်လှမ်းနိုင်ခဲ့သည်။
ဝေ့ဒါက တော်လည်းတော် အလုပ်လည်းကြိုးစားပြီး ရုပ်ကလည်း ချောသေးသည်။ သူသာ ဆန္ဒရှိလျှင် အောင်မြင်တဲ့ ဘဝတစ်ခုကို အလွယ်တကူ ပိုင်ဆိုင်နိုင်သည်။ သို့သော်လည်း သူ့မှာ နာတာရှည်ရောဂါဆိုးကြီး ရှိနေတာကို သတိရမိတော့ လွီနင်စိတ်မကောင်းဖြစ်သွားရသည်။
" ဒါပေမယ့် ဒီအလုပ်က အရမ်းပင်ပန်းတယ်။ မင်းတို့မိသားစုသာ အဆင်ပြေရင် ဒီလိုကလေးမျိုးကို အလုပ်ကြမ်းတွေ လုပ်ခွင့်မပေးပါနဲ့ကွာ။ "
ထို့နောက် ထိုအလုပ်သမားက တွန်းလှည်းကိုတွန်းကာ ထွက်သွားလေသည်။
လွီနင် အားတင်းပြုံးလိုက်ကာ
" ဟုတ်ကဲ့... ကျွန်တော်သိပါပြီ။ "
သူ့ညီက အရမ်းအလုပ်များသည်။ သူထပ်ပြီး လျစ်လှူရှုလို့မရတော့။
အရင်ဆုံး အလုပ်တစ်ခုရှာပြီး ဒီပြဿနာကို ဖြေရှင်းရမယ်။ ပြီးရင်....
ပြီးရင်ရော … ဝေ့ဒါနေရာက်ို သူဘယ်လိုအစားထိုးပေးရမလဲ …
ကောင်မလေးနှင့်စကားပြောပြီးနောက် ဝေ့ဒါက သူဆီပြန်လာလေသည်။ သူ့အနောက်က ကောင်မလေးက အော်ပြောလာ၏။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 28
Start from the beginning
