" မွေးနေ့လက်ဆောင် ဘာလိုချင်လို့လဲ။ "
လွီနင်သည် ဝေ့ဒါ၏ ကလေးဆန်သည့်အပြုံးလေးကို မြင်လိုက်ရတော့ သဘောတကျရယ်လိုက်မိသည်။ အတူနေတာ အချိန်တွေကြာလာတာနှင့်အမျှ ယခင်က အေးစက်စက်နှင့် လူတွေအဝေးမှာ နေတတ်သည့် သူ့ညီကို လွီနင်ပုံဖော်မရတော့။
သူတို့နှစ်ယောက်၏ ဆက်ဆံရေးက ပိုမိုအဆင်ပြေလာခဲ့သည်။ စတွေ့ချိန်က ဝေ့ဒါကိုယ်က အေးစက်စက်နှင့် မျှော်လင့်ချက်မဲ့စရာ လေထုကလည်း ပျောက်ကွယ်သွားလေပြီ။ လူတွေကို မသက်မသာခံစားရစေသည့် အကြည့်စူးစူးတွေလည်း မရှိတော့။ ဒါက ကောင်းမွန်သော ပြောင်းလဲမှုတွေပင်။
" ဘာမှမလိုချင်ပါဘူး။ ဘာပဲဖြစ်ဖြစ် မွေးနေ့ပွဲလည်းလုပ်မှာမှမဟုတ်တာကို။ ကိုကို့ကိုသာ ကျွန်တော်က မကြာခင် လူကြီးဖြစ်တော့မယ်ဆိုတာ သိစေချင်လို့။ "
ဝေ့ဒါက ဂရုမစိုက်ဟန်ဖြင့် ပြောလာ၏။
" မင်းက လူကြီးဖြစ်လာပြီဆိုတော့ သေချာပေါက် မွေးနေ့လုပ်ရမှာပေါ့။ ဒီနေ့အပြင်သွားရဦးမှာလား။ "
" အင်း "
လွီနင် မျက်မှောင်ကြုတ်သွားရ၏။
" ဒီရက်ပိုင်း အပြင်ခဏခဏထွက်နေရတယ်။ ညလည်း code ရေးရဦးမှာမလား။ မင်းမပင်ပန်းဘူးလား။ "
" အဆင်ပြေပါတယ်။ "
" ဒါဆို ... မွေးနေ့လက်ဆောင် ဘာလိုချင်လဲ။ "
" ကျွန်တော်ဘာလိုချင်လည်းဆိုတာ ... ကိုကိုသိပါတယ်။ "
ဝေ့ဒါက မျက်လုံးတွေကို မှေးကျဥ်းကာ လွီနင်ကို စိုက်ကြည့်လာသည်။
လွီနင် ကြောင်အသွားပြီး သူ့မျက်နှာက ပူလာတော့သည်။
" ငါက ဘယ်လိုလုပ် သိမှာလဲ။ "
ဝေ့ဒါအသံက ပျော်ရွှင်မှုတွေနှင့် မြူးထူးနေသည်။
" ကျွန်တော်ကနောက်တာပါ။ ပုံမှန်ရက်တွေလိုပဲ ဘာမှထွေထွေထူးထူးပြင်ဆင်မနေပါနဲ့။ "
ဝေ့ဒါက ဘာမှမပြင်ဆင်ဖို့ပြောပေမယ့်လည်း လွီနင်ကတော့ မွေးနေ့ကို လျစ်လှူမရှုနိုင်တာကြောင့် သူ့စိတ်ထဲမှာပဲ တေးမှတ်ထားလိုက်သည်။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 26
Start from the beginning
