ဝေ့ဒါ လွီနင်၏ အကြည့်ကြောင့် ထိတ်လန့်သွားသည်။ အမှန်တရားကို ထုတ်ပြောမိမလိုဖြစ်သွားပေမယ့် သူပြန်မျ်ိုသိပ်လိုက်၏။
" ကိုကို …"
ဝေ့ဒါ နုညံ့စွာ ခေါ်လိုက်၏။
" ကျွန်တော်ကပဲ ကိုကိုကို အရာအားလုံးကိုလုပ်ဖို့ တွန်းအားပေးခဲ့တာ။ အနာဂတ်မှာ ဘယ်လိုဆိုးဆိုးရွားရွား က်ိစ္စတွေပဲဖြစ်လာပါစေ ဘာမှမဖြစ်ဘူး။ ဒါ ကျွန်တော်ကိုယ်တိုင် လုပ်ခဲ့တာပဲ... ဒါ့အတွက် ကျွန်တော် လုံးဝနောင်တမရဘူး။ "
ဒီစကားတွေက လွီနင်ကို မနှစ်သိမ့်ပေးနိုင်ပေ။ သူက တစ်ခုခုပြောဖို့ရန် ပါးစပ်ကိုဟလိုက်သည်။ ဝေ့ဒါက ပြုံးပြီး ဟန့်တားလိုက်၏။
" ကိစ္စတွေအားလုံးက ဖြစ်ပြီးနေပြီ။ နှစ်ယောက်အတူအတူ ဖျာနားကြပြီး တစ်ယောက်အခက်အခဲကို တစ်ယောက်က ကူညီရင်း နေသွားကြရအောင်။ ကျွန်တော်ကတော့ ဒီအတိုင်းပဲ မျှော်လင့်တယ်။ "
" ဘယ်လိုနည်းနည်းပဲဖြစ်ဖြစ် မင်းကတော့ အဆင်ပြေမှဖြစ်မှာ။ မင်းဘဝ အဆင်ပြေမှဖြစ်မှာ။ "
လွီနင် ဝေ့ဒါအင်္ကျီကိုဆွဲကာ ထပ်ခါတလဲလဲ ဆိုနေမိသည်။
ဝေ့ဒါ ဒီအကြောင်းကို ဆက်မပြောချင်တော့တာကြောင့် သူထရပ်ပြီး ပြောလိုက်၏။
" ကိုကို တစ်ရက်လုံး ဘာမှမစားရသေးဘူးမလား။ ကျွန်တော် ခေါက်ဆွဲလေးသွားလုပ်လိုက်မယ်။ "
ဝေ့ဒါ မီးဖိုခန်းဖက်သို့ လျှောက်လာရင်း တစ်ခုခုကို နင်းမိသွားတာကြောင့် ငုံ့ကြည့်လိုက်တော့ မနေ့ကတည်းက ကြမ်းပေါ်မှာ ကျနေခဲ့သော လွီနင်၏ ဖုန်းဖြစ်နေသည်။
လွီနင် သူ့ကိုကြည့်နေတာကိုမြင်တော့ ဝေ့ဒါဖုန်းကိုကောက်ပြီး အားသွင်းဖို့လုပ်လိုက်သည်။
ထိုအချိန်မှာပဲ ဖုန်းဝင်လာ၏။
" စီနီယာတဲ့။ ကျွန်တော်ပြောလိုက်မယ်။ "
ဝေ့ဒါ စိတ်ထဲလေးသွားပြီး လွီနင်ကို လှမ်းပြောလိုက်၏။
လွီနင်က ပြန်မဖြေချေ။
" ဟယ်လို "
ဝေ့ဒါ နှုတ်ခမ်းကို ကိုက်လိုက်မိကာ ဖုန်းကိုယူပြီး တံခါးကို သေချာပိတ်လိုက်သည်။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 21
Start from the beginning
