رواية حالة نادرة "هي وهو وشخصياته "بقلم نوران جمال

البارت الخامس عشر

نظر كرم في المرايا فوجد ميك اب كثيف علي وجهه
كرم بإستغراب: ايه ده ايه اللي حصل..ليتذكر ما قالته ضحي عن الانفصام
كرم بحزن:عندها حق فعلا ..ليتنهد بضيق ثم يمسح وجهه ويخرج من الغرفه ليقابل ضحي
ضحي بضحك:هو كل شويه الاقيك اول ما اصحي من النوم...
كرم بإبتسامه هادئه: النصيب بقي ..ثم بهدوء:ضحي انا امبارح كنت ازاي..
ضحي بهدوء :كنت كارمن..
كرم بضيق:انتي لازم تخلصيني من اللي انا فيه ده غير ان انا امبارح فجأه لقيتني لابس لبس التدريب وحاسس بصداع كأني بيغمي عليا وبقوم اكثر من مره..
ضحي بإبتسامه: احنا امبارح يعتبر هزمنا الكابتن كرم فاضل الباقي ..
ليبتسم كرم لها بهدوء وجاء ليذهب فأوقفته هي
ضحي بهدوء:كرم ايه الحادثه اللي عملت فيك كده ايه اللي اثر نفسيا للدرجه ديه فيك..
لينظر كرم لها بشده
كرم بهدوء:مظنش ان الموضوع ده ليه لازمه دلوقتي..
ثم بتساؤل:انتي بقالك فتره معانا وواضح انك تعبتي معانا ايه اللي مخليكي تكملي ..
لتنظر هي له بتردد وتوتر هل تقول له انها هنا من اجل ان تكون متميزه في عملها وتعمل بحث لم يقوم بعمله احد من قبلها ولكن الن يعتبر ذلك استغلالا ولكن ماذا تقول له غير ذلك حتي حسمت قرارها
ضحي بهدوء:عشان انا طبيبه ومكلفه بمعالجتك وعشان كده من واجبي الاهتمام بيك..
كرم بإبتسامه هادئه: فعلا عندك حق يالا ننزل دلوقتي ..لينزلا هما الاثنان
بينما في الاسفل
كان احمد يجلس وامامه تجلس لمار ويتحدثان معا علي الهاتف دون ان يعلم البقيه ولكن ما لم يعلموا ان كل من في المكان قد لاحظ انهم يتحدثون علي الهاتف ولكن ابدا لن يقولوا
احمد بكتابه:برضه مشيليتيش صورة الواتساب..
لمار :احمد ربنا ان انا اصلا حذفت البلوك..
احمد:علي اساس ان انتي كان ممكن مش تحذفيه..
لمار انت بتتكلم معايا كده ليه..
احمد :عادي ..
لمار:لاوالله انا مش بحب التحكمات خاصة من واحد ملوش الحق انه يتحكم..
احمد :لا ليا الحق..
لمار:لا ملكش..
احمد :لا ليا..
لمار:لا ملكش..
احمد بصوت مرتفع ليلفت انتباه الجميع:لا ليا ..
حازم بإستغراب وهو يكتم ضحكته:ايه اللي ليك..
احمد بتوتر:ليا حقي اصل انا كنت بتكلم مع اللوا علي عمليه جديده وكنت نازل اجيب حاجات ففاجئه ابن عمي اتصل بيا قام التليفون رن ..
حازم بضحك:بس بس انت مش عارف تجمع كلمتين هههه..
مريم بضحك وسخريه:خد الموضوع بالهدوء مش بالعناد ..
احمد بإستغراب: موضوع ايه..
مريم بضحك وغمزه وهي تشاور علي لمار:موضوع اللوا يا حضرة الظابط هههه..
ليحمحم احمد بخجل لتضحك لمار فهي تعلم ما قد حدث ليأتيهم صوت كرم
كرم بإبتسامه :صباح الخير ..
الجميع :صباح النور ..ليلتفت احمد له ليصرخ بفزع ويقف خلف حازم
حازم بسخريه:لا اجمد كده..
كرم بإستغراب: في ايه وانت مين ..
احمد بهدوء:انا احمد...
كرم بسخريه:طيب ايه اللي حصل عشان تتفزع كده شوفت عفريت..
احمد بضيق:اوحش من عفريت..
لتهمس ضحي الي كرم ما حدث بالامس ليتنهد كرم بضيق
كرم بهمس وضيق:يعني انا عملت كده امبارح..
ضحي بتوتر:مش انت ديه كارمن..
كرم بغيظ:مفرقتش ياختي مانا وهي واحد..
لتمنع ضحي ضحكتها عن الظهور لينظر كرم لها
كرم بشده:اضحكي متكتميش في نفسك يا دكتورة نص كوم انتي ..
ضحي بصدمة:انا نص كوم قصدك ان انا مش شاطرة..
كرم بغيظ ليبدو مضحكا :اه يا فاشله الا ما شوفت منك اي حاجه تخليني اصدق انك دكتورة ده حتي الشيزلونج اللي المفروض انام عليه ده ساعة العلاج مشوفتوش بت انتي هاتي البطاقه اشوفك خريجة كلية ايه ..
ضحي بغيظ:لا ياخويا خريجة طب ما هو مش بعد الدراسه ديه تقولي كده..
ليقلدها كرم بسخريه لتزفر هي بضيق ويضحك الجميع ليخرج سالم من غرفته
سالم بهدوء:كفايه هبل ويالا نفطر..
مريم بضحك:كان زمان الثلاجه باظت..
سالم بهدوء: طيب هات اكل من بره يا حازم ..
ليقاطعه كرم
كرم بهدوء:لا هروح انا عشان انا حافظ المكان اكتر منك يا حازم..
وقبل ان يتحدث اي احد
كرم بجدية:انا محتاج اخرج شويه ومتقلقوش مش هتحول ..ثم بحزن:او هحاول ..ليخرج من البيت بينما الجميع ينظر له بحزن حتي احمد شعر بالحزن اتجاهه
بينما كانت ضحي تنظر الي مكان كرم وهي تتذكر عيناه فرغم طريقته في الكلام بسخريه وضحك الا انه بالفعل كان حزين ويعاتبها علي تأخرها في معالجته ولكن بالفعل هو حاله نادره بالنسبه لها لتتمني ان يعود وهو بخير بينما كان سالم وحازم يشعران بأن شيئا سيئا سيحدث ليكمل كل منهما ما كان يفعله
ليجلس حازم فتجلس مريم بجانبه
مريم بإبتسامه: هيبقي كويس متقلقش ..
ليبتسم هو لها بهدوء
حازم بضيق:الفكره ان احنا جايين ومعانا حرس وبرضه نسيناهم وخليناه يروح لوحده..
لتضحك هي فيضحك هو علي ضحكتها
لتنظر هي الي ضحي بحزن وقد شعرت بالحزن بداخل صديقتها
وعلي الجهة الاخري
كان كرم يقود وهو يفكر فيما حدث له قبل ان يتعرض لتلك الصدمه التي جعلته يعاني من الانفصام يتذكرها ويتذكر ضحكتها له يتذكر اول يوم قابلها به يتذكر ما كانت تحب ان تأكله والاماكن التي تحب الخروج بها يتذكر كل شئ يتعلق بها حتي تذكر خيانتها له تذكر نظرة تامر له بخبث وانه اخذ منه حبيبته تذكرها وهي تنظر له حتي دون ان تبرر فماذا ستبرر فهي حقا خائنة ليضع يده علي وجهه وهو يشعر بألم في قلبه لتأتي ضحي في باله في تلك اللحظه نعم فهو عندما يتذكر ضحي ترتسم الابتسامه علي شفتيه وفجأه يشعر بألم رهيب في رأسه وكأن العالم يهتز به امامه صورة ضحي وصورة روفان ليغمض عينيه واخر ما جاء في باله هي روفان لتصتدم سيارته في جانب سيارة اخري لتنقلب السيارة ليصبح حقا لا يشعر بما يحدث حوله فقط اخر شئ سمعه صوت الناس وهم يقولون الله اكبر ليخرجوه من السيارة
في البيت كانوا جميعا جالسين قلقين بشده علي كرم واحمد يقوم بالاتصال بكل من يستطيع افادته حتي علم بوجود كرم في المشفي
احمد بهدوء وجدية:كرم في المستشفي دلوقتي عمل حادثه بالعربيه لازم نروح ليه..ليذهب الجميع بسرعة وقلق غير مصدقين خاصة سالم الذي يعلم الان ان ابنه بين الحياه والموت للمرة الثانيه وبعد ربع ساعه كانوا قد وصلوا لتذهب ضحي ومريم للاطباء حتي يفهموا ما يحدث بينما لمار منهاره واحمد يحاول تهدئتها وسالم وحازم لا يشعرون بما يحدث حولهم حتي اخيرا خرج الطبيب من غرفة العمليات
الطبيب بعمليه: استاذ كرم كويس وقدرنا بفضل ربنا ان احنا ننقذه بس الحادثه كانت صعبه ممكن تأدي لمشكله في الدماغ ..
ضحي بجديه:وبالنسبه للجسد..
الطبيب بعمليه:لا جسده متأثرش هي بس شويه كدمات وكمان عشر دقائق هيفوق وهدخل اشوفه..
ليذهب الطبيب بينما ظلت ضحي تسير في الممر حتي مرت العشر دقائق ليدخلوا الي كرم
بينما في مكان اخر
كان تامر يجلس مع روفان
تامر بمكر:الخطه نجحت وكرم عمل الحادثه ..
روفان بهدوء:بس هو مش مات ..
تامر بإبتسامه ماكره: الحظ لعب معانا وعرفت من الدكتور بتاعنا هناك انه فقد الذاكره وده معناه ان احنا هنشتغل من الاول ..
روفان بإستغراب: طيب وسالم بيه وحازم ما هما اكيد هيفكروه..
تامر:كرم مش هيصدقهم زي ما حصل زمان ..
لتقف روفان وهي تستعد للذهاب الي كرم .
عند كرم في المشفي
كان الطبيب يراه ليقوم الطبيب بالخروج لهم
الطبيب بهدوء: هو كويس تقدروا تتفضلوا ..ليدخل الجميع
حازم بإبتسامه: قلقتنا عليك..
كرم بإبتسامه هادئه: متقلقش اخوك بطل..
ضحي بهدوء:انت كويس يا كرم..
كرم بإستغراب: انا كويس بس انتي مين..
لتنظر ضحي له بشده فهي تستطيع فهم ان كان يكذب ام لا ولكنه بالفعل لا يتذكرها فهو لا يكذب
سالم بهدوء: ديه ضحي يا كرم الدكتوره...
ضحي بمقاطعه:انا ابقي بنت عمك يا كرم ولسه راجعه من السفر..
كرم بإبتسامه هادئه: تعبناكي معانا يا ضحي..
ضحي بهدوء:ولا يهمك ..ولكن من داخلها كانت حزينه للغايه فهو لا يتذكرها وقد نست ان البحث الذي كانت تعمله لن تستطيع اكماله فهو بفقدان ذاكرته لن يكون مصاب بالانفصام ولكنها حقا لم تتذكر ذلك الامر بل انها قد نست امر البحث وما صدمها اكثر وصدم الجميع دخول فتاه غاية في الجمال لترتسم بسمه محبه علي وجه كرم
كرم بإبتسامه: كنتي فين قلقت عليكي..
روفان بإبتسامه هادئه:الطريق كان زحمه اوي يا حبيبي ..
ضحي بصدمه:حبيبي..
حازم وعينيه تطلق الشرر :دلوقتي انا عرفت سبب الحادثه..
لتنظر روفان له بإنتصار ..
"فيا تري ماذا سيحدث ..انتظروا"
متنسوش التصويت وقولولي رأيكم في البارت❤🖤❤