رواية حالة نادرة "هي وهو وشخصياته "بقلم نوران جمال

البارت الواحد والعشرون قبل الاخير

مر يومان دون احداث فقط روفان التي كانت تلزم غرفتها مما جعل الجميع يستغرب خاصة كرم... ولمار ومريم في فرحه شديده كل واحده منهم تبحث عن فستان مناسب ....وحازم واحمد يشعرون بالفرح بشده وكم كانوا يتمنوا ان يكون اليوم زواجهم وليس خطوبتهم ...وضحي كانت تتكلم مع والديها وقد علمت بإقتراب نزولهم من السفر ...وكرم الذي يحاول ابعاد كريم عن ضحي بشتي الطرق...وسالم الذي يشعر بأن امرا سيئا سيحدث ولكن لا يعلم متي وكيف .. ليمر اليومان ويأتي يوم الخطوبه ..
كانت ضحي تشرب الشاي في الحديقه وهي تحدث صديقتها في الهاتف
ضحي بهدوء:ايوه يا شهد قمر عامله ايه انا قصرت معاها بس بجد مشغوله الفتره ديه انا ومريم ..
شهد بإبتسامه : لا متقلقيش قمر خلاص في اخر مراحل العلاج اخر كلمتين انتي قولتيهم ليها ريحوها وفرقوا معاها كتير ...
ضحي بإبتسامه: طيب حلو المدير عامل ايه معاكي هههه..
شهد بغيظ:مطلع عيني اول ما رجعت من الدكتوراه اللي عملتها في المانيا ولقيته في وشي ..
ضحي بضحك: ههههه فظيعه انتي يالا ربنا معاكي انا هستناكي بليل في خطوبة مريم وكمان عشان اعرفك علي لمار الحفله هتبقي عندنا هنا كلها ساعه وهلاقي العمال بيظبطوا الجنينه..
شهد بهدوء:طيب يالا سلام عشان الحق ارجع البيت ..لتغلق ضحي معها وتنظر امامها فتجد كريم يجلس وهو يأكل الموز..
ضحي بفزع: انت هنا من امتي ..
كريم بهدوء:مين شهد ديه صحبتك..
ضحي بضحك : اه صاحبتي وجايه في الخطوبه هعرفك عليها ..
كريم بمرح : طب كويس ..
ضحي بضحك:انت دايما بتاكل موز..
كريم بضحك: انتي متعرفيش فايدته ده عامله ازاي هههه..
لتضحك هي الاخري
كريم بهدوء:تعالي نقوم نشوف العمال عملوا ايه في الجزء الخلفي ..لتقف هي معه ويبدأوا في السير ولم يلاحظوا مشاهدة كرم لهم من الاعلي لينزل كرم بسرعه من غرفته حين وجد كريم يقترب قليلا من ضحي اثناء السير فخرج من الشرفه وامسك خرطوم المياه وفي لحظه كانت ملابس كريم مبتله بشده
كريم بغضب :ايه ده ..
كرم بتمثيل بصدمه : ايه ده هي جت فيك ده انا كنت بسقي الورد..
ليدخل كريم بسرعه الي الداخل ليبدل ملابسه قبل ان يصاب بالبرد بينما ضحي تنظر الي كرم بإستغراب
ضحي بضحك: كرم مافيش هنا ورد..
كرم بإبتسامه: ناوي ازرع هنا ..
ضحي بهدوء:فين خطيبتك..
كرم بهدوء:في اوضتها..
ضحي بهدوء : لحسن يكون حصلها حاجه فوق بقالها يومين مشوفناش وشها غير ساعة الاكل..
كرم بإبتسامه: اصل مبتعرفش تاكل غير وانا قدامها بفتح نفسها علي الاكل ..
ضحي بسخريه:ده انت تقطع الخميره من البيت وسع يا كرم..لتدخل الفيلا بينما هو ضحك بشده ثم دخل فوجدهم مجتمعين علي طاولة الطعام
كرم بإبتسامه: صباح الخير يا روفان..
روفان بدلع:صباح النور يا حبيبي..
ضحي بغيظ وهمس : يا حبيبي حبك عفريت يا شيخه..
كريم بإبتسامه : جهزتي فستانك يا ضحي ...
ضحي بحيرة: مش عارفه البس البينك ولا البنفسجي..
كريم بإبتسامه : البنفسجي هيبقي عليكي احلي..
لتبتسم له ..ليرفع كرم حاجبه هل قال كريم رأيه في فستان ضحي الان
روفان بإبتسامه: وانا محتاره بين الاحمر ولا الاصفر ..
كرم بضيق:اي حاجه..
روفان بإستغراب: ايه..
كرم بسرعه:اقصد الاصفر ..
روفان بإستغراب: كنت فاكراك هتختار الاحمر..
كرم بإبتسامه: لا الاصفر احلي..وهو يفكر في امر اخر
حتي جاء الليل دخلت ضحي غرفتها وكانت تضع الفساتين علي السرير وهي تنوي علي اختيار البنفسجي بسبب كريم ولكن سمعت صوت الباب فسمحت بالدخول فوجدت كرم
ضحي بإستغراب : خير يا كرم ..
كرم بضيق:انتي ناويه تلبسي البنفسجي..
فأومأت له
كرم بضيق:لا الفستان وحش وسعي كده..ليقوم بإبعادها ويقف هو امام الخزانه وهو ينظر الي الفساتين..
كرم بتفكير:اممم الاسود ده حلو والاحمر ده كمان بس الاحمر رجله باينه..
ضحي بسخريه:وايه المشكله في الرجل ..
كرم بإبتسامه: هقطعهالك..
ضحي بغيظ:روح نقي لخطيبتك فستانها يا كرم ..
كرم بإبتسامه ليغيظها:نقيته ليها وكان روعه هي اي حاجه عليها حلوه..
ضحي بضيق:كرم انت عايز ايه بالظبط..
كرم بإبتسامه: بحب اختار الفساتين بس خلاص هو الاسود ده حلو ومحترم ولا رجل ولا كتف يظهروا..
ضحي بغيظ:رجل وكتف انت بتكلم فرخه..
كرم بإبتسامه: لا بكلم قطتي ..ليخرج من الغرفه في وقت مرور كريم وحازم
حازم بإستغراب: انت بتعمل ايه في اوضة ضحي ..
كرم بلا مبالاه: مافيش اتلغبط في الاوضتين وبعدين روح الحق البس بدلتك وروح هات خطيبتك ..ليدخل غرفته بينما نظر كريم وحازم الي بعضهما
حازم بتفكير:كرم فيه حاجه..
كريم بضيق:مش عارف انا ماله كل ماجي اتكلم الاقيه جيه بسرعه زي القضي المستعجل ..
حازم بإبتسامه هادئه: حاسس ان في حاجه ولو صح ساعتها في حاجات كتير هتتغير..
كريم بتنهيده:روح البس يا حازم ..ليذهب حازم بينما نظر هو الي غرفة ضحي ثم ذهب الي غرفته بينما في غرفة روفان كانت روفان تتحدث في الهاتف
روفان بغضب:تامر لازم اللي عايزينه يتنفذ النهارده ..
تامر بضيق:استني لبكره..
روفان بهدوء:المهم دلوقتي اخلص من ضحي اتصرف ..
تامر بتفكير:نقتلها يعني..
روفان بتفكير:ممكن لو خطتنا فشلت نقتلها انا حاسه ان كرم بيحب البنت ديه ..
تامر بهدوء :انتي متأكده انه فاقد الذاكره..
روفان بتأكيد:ايوه متأكده وانا مراقباه لو حسيت بأي حاجه هجيلك..
تامر بهدوء:تمام ودلوقتي سيبيني اخطط هعمل ايه مع ضحي خلال الحفله ديه ..ليغلق معها ليأتي معاد الحفله وينزل الجميع الي الحديقه كانت الفرحه تعم المكان وصوت الاغاني مرتفع فكانت بطلاتنا كملكات الجمال خاصة ضحي بفستانها الناري الذي قامت بإرتدائه لتغيظ كرم الذي عندما رأاها احمر وجهه وظل ينظر حوله فوجد الجميع يسلط نظره عليها ليشد علي قبضته متناسيا روفان التي كانت ترتدي فستان يظهر اكثر مما يخفي .ذهب كريم ووقف بجانب ضحي
كريم بإبتسامه :انتي جميله اوي ..
ضحي بإبتسامه: شكرا ..لينخفض كريم قليلا لها
كريم بمكر:وعصبتي كرم برافو ..فنظرت له بشده
كريم بضحك: انا فاهمك اوي يا ضحي ..ليحمر وجهها ليبتسم هو ويلفت انتباهه دخول فتاه جميله ترتدي فستان اسود انعكس علي بشرتها ليعطيها جمال خاص بها ليستيقظ علي صوت ضحي
ضحي بنداء:شهد ..لتذهب شهد لها
كريم بإبتسامه :هي فعلا شهد ..
لتذهب ضحي وتتحدث مع صديقتها ويذهب هو ويقف بجانب حازم واحمد
حازم بإبتسامه لمريم: واخيرا بقيتي خطيبتي عقبال ما تبقي زوجتي..
مريم بضحك:كل ما افتكر وانت بتتقدملي اموت من الضحك..
حازم بإبتسامه هادئه: بعد الشر عليكي ..
كريم بضحك: يا حنين يا ملاك...
حازم بغيظ:ابعد عني روح لآحمد هو اللي بيعرف يتصرف معاك...
كريم بضحك:احمد بيرقص وفي جيبه سلاحه اللي هيقرب منه هيطلع علي المستشفي ..
لتضحك مريم ليذهب هو بعيدا قليلا عنهم ليتكلم في الهاتف مع والده بينما علي الجهة الاخري كان احمد يرقص مع لمار
احمد بإبتسامه: مشيلتيش برضو الصورة بتاعة الواتس..
لمار بضحك:وده وقته ههه..
احمد بضحك:حاولت اكون رومانسي بس كل ما احاول افتكر الصورة فاتعصب هههه..ثم بإبتسامه: مش عارف ليه حاسس ان في حاجه هتحصل ..
لمار بإبتسامه: تفائل بالخير..
وقبل ان يرد احمد سمعوا صراخ كرم الذي ارتفع في المكان بحدة
احمد بضيق:ملحقتش اتفائل ..
كرم بصراخ:هي فين انطقوا ..
Flash back
بعد ذهاب كريم وقفت ضحي مع شهد
شهد بإبتسامه: وحشتيني اوي انا سلمت علي مريم وفضيت ليكي عشان نتكلم ..
ضحي بضحك:هههه كنت حاسه ..ليتحدثوا قليلا بينما علي الجهة الاخري كانت روفان تقف بجانب كرم ولاحظت انه غضب عندما وجد ضحي بهذا الفستان ليزداد شكوكها اكثر بأنه لم يفقد الذاكره
روفان بإبتسامه: كرم انا هدخل الفيلا اظبط الميك اب وارجع..
كرم بلا مبالاه:ماشي روحي ..لتدخل الفيلا وهي تنظر حولها جيدا ثم تدخل غرفة كرم ولكن لم تجد بها شيئا لتتصل بتامر وتحكي له ما حدث
تامر بهدوء:في كل الاحوال انا هنفذ الخطه واخلصك من ضحي وانتي لو حسيتي بأي قلق هتلاقي عربيه مستنياكي عند الباب الخلفي ..
روفان بإبتسامه: تمام ..
لتخرج من عندها وهي تنظر الي ضحي بشر بينما علي الجهة الاخري
ضحي بإبتسامه: انا هروح اجيب عصير عشان تعبت من الكلام ..
شهد بإبتسامه: تمام عقبال ما انا اروح اتصور شويه ..لتذهب ضحي وفي طريقها اتي اليها رجل
الرجل :لو سمحتي يا انسه ..فنظرت له ضحي فأكمل: ممكن لو سمحتي تقوليلي فين الباب الخارجي عشان كنت راكن عربيتي هناك ومش عارف اروح ..
كانت ضحي سترفض ولكن شعرت بالاحراج فذهبت معه وهي تظن ان الحرس موجودين عند الباب الخلفي وبمجرد اقترابها من البوابه ورؤيتها للحرس فاقدين للوعي قام بوضع منديل مخدر علي انفها لتحاول هي ان تبعده عنها ولكن لم تستطع لتفقد الوعي ليقوم بإختطافها وعلي الجانب الاخر كانت شهد تأخذ العديد من الصور فذهب كريم لها
كريم بإبتسامه : انتي شهد ..
شهد بإستغراب: ايوه انا في حاجه..
كريم بتوتر:لا مافيش بس كنت بسألك هي ضحي راحت فين ..
شهد بهدوء:في شاب جيه كلمها وراحت معاه من الطريق ده ..
فنظر كريم حوله فوجد كرم يتحدث مع سالم وأحد رجال الاعمال..
كريم بإستغراب: كان شكله عامل ازاي..
شهد بهدوء:مش عارفه كان شكله غريب شويه بس واضح ان هو اللي طلب منها تروح معاه ممكن يكون قريبها... ليومئ لها كريم ويذهب في ذلك الطريق ولكن قام كرم بإيقافه
كرم بتساؤل:ضحي فين ..
كريم بقلق:مش موجوده ..
كرم بقلق:يعني ايه ..ليذهبا هما الاثنان
ليجدا البوابه الخلفيه مفتوحه والحرس فاقدين للوعي بإستثناء واحد كان يحاول الاستيقاظ ..
كرم بغضب :هي فين ..ليمسك الرجل ويحاول افاقته
كرم بحدة:ضحي فين انطق ..
الرجل بخوف:معرفش فجأه اغمي علينا اخر حاجه شوفتها راجل كان بيخدرها ومحستش بحاجه بعد كده...
Back
كرم بصراخ :هي فين هي فين ..
احمد بقلق:في ايه ..
كرم بغضب وصراخ : والله لو عملولها حاجه لادفنهم والله ما هسيبهم ...ثم نظر الي بعض الحرس الموجودين واكمل: مشوا الضيوف الضيوف كلهم يمشوا ..
ليذهب الجميع بالفعل فلا يجب ان يعلم احد ما يحدث لهم
سالم بقلق:في ايه يا ابني ..
كرم بغضب:خطفها عايزين يئذوني فيها ...
ليفهموا ان ضحي تم اختطافها ليتصل احمد بسرعه بأصدقائه ليستمعوا الي صوت كريم
كريم وهو يمسك روفان بحده من زراعها:كانت بتحاول تهرب ..
حازم بحده :من غير كلام كتير انطقي ضحي فين ..
روفان ببكاء وتمثيل:معرفش ..
ليقترب منها كرم وهو ينوي قتلها فإلي الان وكفي
روفان برعب:تامر تامر خطفها ..
كرم بحده:فين..
روفان بخوف:في فيلته ..
ليقوم اصدقاء احمد بإلقاء القبض عليها ويذهب كرم واحمد وكريم وبعض رجال الشرطه الي الفيلا بينما بقي سالم وحازم مع البنات ..
وفي الفيلا
استيقظت ضحي فنظرت حولها جيدا فوجدت رجل غريب امامها
ضحي بخوف:انت مين ..
تامر بإستغراب: انتي متعرفنيش ..ثم بضحك:انا تامر التهامي يا قطه ..ثم  بإبتسامه ماكره: ليه حق يحبك يااا..ثم بتساؤل :اسمك كان ايه ..ثم بإبتسامه: اه افتكرت يا ضحي ..لتبتلع ضحي ريقها بصعوبه بسبب خوفها خاصة بعد معرفتها بأنه ابن التهامي....
فيا تري ماذا سيحدث ..."انتظروني في البارت الاخير" ومتنسوش تقولولي رأيكم في الكومنتات عايزه تفاعل حلو تصويتات وكومنتات عشان انشر البارت الاخير ❤❤
وبالنسبه للمعرض فأنا هبقي موجوده يوم  ٧/٢ و  ٧/٩ للي عايزه تقابلني هناك لو هتروحوا قولولي في الكومنتات برضو....
دمتم سالمين🖤🖤🖤