جاء اليوم التالي
لتستيقظ ضحي علي صوت الهاتف مجددا
ضحي بنعاس :الو مين..
مريم بغيظ:انتي يا بنتي بتصل بيكي طول الليل مبترديش ليه ..
ضحي بألم وهي تضع يدها علي وجنتها المتورمه :اه عربيه داست عليا فرمتني يا مريم..
مريم بإستغراب: طيب انتي في اني مستشفي ..
ضحي بسخرية:انا عند عمي يا مريم ..
مريم بهدوء:لو عايزاني اجيلك قوليلي متتكسفيش..
ضحي بهدوء:لو فاضيه تعالي لو مش فاضيه براحتك ..
مريم بهدوء:تمام اه كنت بقولك عارفة انتي قمر اللي وصتيني عليها امبارح ..
فجلست ضحي جيدا
ضحي بهدوء:اه طبعا هي كويسه..
مريم بهدوء:دخلت النهارده عليها الاوده لقيتها عند الشباك وعايزة تنتحر لولا ستر ربنا ان انا دخلت في الوقت المناسب كانت ماتت..
ضحي بحدة:والممرضات فين..
مريم بهدوء:تعبانين طول اليوم والبنت راحت تنام وهما خرجوا فمش ذنبهم..
ضحي بهدوء:طيب خلاص انا هبقي اجي بكره بس وشي يتحسن عشان وارم اوي ..
مريم بضحك:ايه اللي حصل بجد لوشك..
ضحي بضحك:موضوع كبير عايز قاعده ..
مريم بإبتسامه: حاضر هحاول اجيلك النهارده او بكره يالا سلام دلوقتي المدير بيناديني.
ضحي بضحك:روحيله ده ابتلاء هههه..لتضحك مريم ثم تغلق الهاتف مع ضحي وتذهب الي المدير لكي تعرف لما يناديها
بينما نظرت ضحي في المرايا
ضحي بحزن:اه ياني علي شبابك اللي ضاع بقي انا وشي البريئ يحصل فيه كده ماشي يا كرم لما اشوفك ..لتخرج من الغرفة فتصتدم بكرم
كرم بغيظ:مش تحاسبي حد يخرج من اودته كده ..ثم بقلق:يالهوي مين داس عليكي ..
ضحي بحزن:مفتري داس عليا ده مفتري وظالم..
كرم بهدوء:بتكلم بجد لو عايزه تروحي المستشفي قوليلي اخدك معايا وانا رايح الشركه اوصلك انتي برضه ضيفه عندنا مينفعش عمو ييجي يلاقيكي كده..
ضحي بإبتسامه: لا تشكر يا ذوق ..
كرم بهدوء:براحتك اه قولتي اسمك ايه..
ضحي بهدوء:اسمي ضحي ..ليومئ هو لها بهدوء
كرم بإبتسامه هادئه: انا بعتذر اني قولتلك تعملي القهوه وافتكرتك الخدامه بس الصراحه انا مكنتش اعرف واتلغبط بينك وبين البنات هنا و اسلوبك كان غريب شوية و ..ثم صمت وتكلم مره اخري:انا عكيت الدنيا صح..
ضحي بسخرية:صح اوي ..
كرم بهدوء:طب عن اذنك بقي ..ثم ذهب من امامها وخرج من الفيلا ليذهب الي الشركة
ضحي بضحك:لا فعلا مجنون بس هو دلوقتي واضح ان ديه شخصيته الحقيقيه بما انه رايح الشركة ..ثم بتفكير:يا تري هترجع كده ولا هترجع ايه المرادي ..لتنزل الي الاسفل فوجدت سالم وحازم ولمار
ضحي بإبتسامه: عاملين ايه..ثم بصراخ:يالهوي انتوا كلكم قاعدين اومال مين راح مع كرم الشركة ..
ليقف حازم بفزع
حازم بفزع:ايه ده هو راح لوحده ..ليخرج بسرعة حتي يلحقه قبل ان يدخل سيارته ومن حسن حظه استطاع ان يلحق كرم قبل ان يقود السيارة
كرم بهدوء:ايه يا حازم طالع بتجري ليه..
حازم بهدوء:عيني واجعاني شويه و خايف اسوق عربيتي النهارده فهروح معاك ..
كرم بغيظ:انت كل يوم كده ..
حازم بإبتسامه هادئه: اخوك الكبير احترمني بقي..
كرم بإبتسامه هادئه: طيب يالا رغم انهم سنتين بس ..ليضحك حازم ويدخل السيارة ثم ذهبوا الي الشركه بينما في الداخل
سالم بهدوء وتساؤل:موصلتيش لحاجه مع كرم يا بنتي ..
ضحي :انكل انا مش بطله عشان اعرف في يومين بس اللي اتوصلت ليه من كلام كرم انه بيفتكر كل شخصية بأحداثها يعني النهارده افتكر ان حازم راح معاه الاسبوع اللي فات كله الشركه رغم ان حازم راح معاه امبارح واول امبارح لا يعني هو مش فاكر احداث اول امبارح وحاطط بدلها حدث من الاسبوع اللي فات لما كان في الشخصية ديه اللي هي شخصيته الحقيقيه يعني مثلا لو اتحول للمعلم كرم هيفتكر اللي حصل اول امبارح بس لكن مش هيفتكر اللي حصل امبارح او النهارده فهمتوني ..
لمار بهدوء:فهمناكي بس ديه حاجه كنا عارفنها ايه الجديد..
ضحي بغيظ:طيب شجعيني وحسسيني ان انا عملت مجهود وعرفت حاجه جديده لكن متصدمنيش كده ..
سالم بهدوء:المهم يا ضحي انه هيقدر يتعالج صح..
ضحي بإبتسامه هادئه: ان شاء الله صح بس لازم اعرف ايه اللي سببله كده ..
لينظر سالم ولمار الي بعضهما
لمار بإبتسامه هادئه: مش دلوقتي استني كمان يومين كده تكوني درستي حالة كرم كويس ونقولك ..
ضحي بضحك:رغم ان انا عارفة انك بتوهيني وبتلهيني عن الموضوع بس مافيش مشكله في كل الاحوال هعرف يا قطتي..
لمار بضحك:حاضر يا ضحي ههه..
ليقف سالم
سالم بهدوء:هروح غرفة المكتب لو في حاجه مهمه تعالولي غير كده لا وكفاية هبل ومتعملوش مصايب..
ضحي ولمار :حاضر ..
سالم بهدوء: مش مطمن ..ليدخل الي الغرفة بينما جلست ضحي ولمار ليتحدثوا سويا وفي تلك اللحظه جائهم اتصال من حازم
لمار بإستغراب: الو يا حازم بتتصل ليه..
حازم بضيق:اخوكي اغمي عليه ومش عارف هيفوق بأني شخصية وخايف الصراحه..
ليأتيه صوت ضحي
ضحي بصوت مرتفع:وديه اي حتي متجيبهوش هنا انا لسه متعالجتش ..
حازم بغيظ:لمار سكتي البت اللي عندك ديه المفروض هي الدكتوره اللي هتعالجه ..
لتأخذ ضحي الهاتف من يد لمار
ضحي ببرود:اصل انا اعتزلت الطب وهبتدي في كورس الرقص قريب ..
حازم بضحك:الكورس بكام..
ضحي بإستغراب: ليه..
حازم بضحك:احجزيلي معاكي في الكورس ..
ضحي بضحك:من عنيا هههه..
لمار بغيظ:حازم انت نسيت اخوك..
حازم بصراخ:يالهوي الواد فين كرم يا كرم..ليغلق معهم الهاتف ويظل يبحث عن كرم حتي وجد مشرط موضوع حول رقبته من الخلف
حازم بخوف: ا انت م مين..
كرم بحدة: مش لازم تعرف فين الفلوس اللي هنا ..
حازم بخوف:يا معلم كرم اهدي انا ..
كرم بحده :معلم مين يالا فوق كده انا جاي اخد اللي فيه المفيد من غير كلام كتير فين الفلوس...
حازم بخوف:طيب انا معايا فلوس في فيلتي هديهوملك كلهم بس سيبني اعيش..
كرم بحدة وصوت منخفض:هنخرج من هنا من غير شوشرة ..
حازم بخوف:طيب قولي انت مين ..
كرم بفخر:انا الزعيم ..
حازم بهدوء:طيب خلاص يا زعيم تعالي معايا وانا هديك اللي انت عايزه بس هنا الامن موجود ولو عرفوا بوجودك يا زعيم هيقبضوا عليك..
كرم بتفكير:عندك حق طب هنخرج من فين..
حازم بهدوء:من الباب الخلفي ..ليخرجا هما الاثنان ويدخلا السياره ويعودا الي الفيلا وكل هذا وكرم يحمل المشرط ويضعه علي عنق حازم حتي وصلوا الي الفيلا
كرم بحده:انزل يالا بسرعه ..لينزل حازم فيجد الحرس مجتمعين عند الباب وعندما شاهدوا كرم ابتعدوا عن البوابه بسرعه واختفوا
دخل كرم وحازم من البوابه لتقف ضحي ولمار ويخرج سالم من الغرفه ليشاهدوا كرم وهو يهددهم بحازم
كرم بحدة :فين الفلوس ..ثم نظر الي ضحي ولمار :والقطتين دول يلزموني ..
ضحي بصدمة:احيه ده متحرش..
كرم بحدة:مش متحرش انا حرامي بس..
ضحي بإبتسامه سخرية:لا ارتفعت في نظري..
سالم بهدوء: طيب اهدي لو سمحت وسيبه..
كرم بحدة:خمس دقائق لو ملقتش الفلوس اللي في الفيلا ديه قدامي لقلبها مجزره هنا واسيح دمه..
ضحي بهدوء:طيب يا استاذ حرامي ممكن تسيبوا..
كرم بإبتسامه: اسكتي انتي يا فراوله ..ثم بإبتسامه: مين لعب في وشك كده يا فراوله...
فنظرت ضحي الي سالم
ضحي بضحك:ابنك ثبتني يا حاج طبعا انت مبهور بيه ..
سالم بصدمة:لا انا مصدوم فيه ..
وفجأه سمع الجميع صوت سيارة الشرطه لينظروا الي بعضهم بصدمه
كرم بصدمة وحدة :كبسه كبسه الشرطة كبست علي المكان ورحمة امي منا سايبك وجايلك تاني ..
ثم ذهب بسرعه حتي يهرب من الفيلا ولكن في طريقه للخروج قام احد رجال الشرطه بإمساكه
كرم بحدة:ابعدوا عني..
الظابط:مش عايز كلام اخرس خالص..ليدخل بداخل سيارة الشرطة ويذهب خلفه الجميع في سيارة حازم وبعد نصف ساعة وصلوا وقبل ان يأخذوا كرم الي السجن
اسرع حازم الي الضابط
حازم وهو يخرج بطاقته وبهمس:انا حازم سالم ..ثم اخرج بطاقة كرم :وده يبقي كرم سالم اخويا الصغير ..
لينظر الضابط له بعدم استيعاب كيف سيسرق كرم منزله ..
لتقترب منهم ضحي
ضحي بهدوء:ممكن حضرتك نتكلم شوية بس لو سمحت متدخلوش السجن سيبه هنا في الكوريدور..فنظرت الي كرم فوجدته يكاد يضرب العسكري الذي يمسكه ..
ضحي بهدوء:او احبسه بس لوحده ارجوك في حاجه مهمه لازم تعرفها ..ليوافق الضابط علي ذلك ثم يذهبوا الي مكتبه ..فيا تري عن ماذا سيتحدثوا ..
بينما في الخارج كان كرم ينظر حوله ليجد طريقه للهروب ولكن فجأه التمعت عيناه عندما جائت في باله فكره "فيا تري ماذا سيفعل"
انتظروا
ايه رأيكم في البارت رأيكم يهمني ومتنسوش التصويت❤🖤
أنت تقرأ
رواية حالة نادرة "هي وهو وشخصياته "بقلم نوران جمال
غموض / الإثارةهو له اكثر من شخصية حاول العديد من الاطباء معالجته ولكن لم يستطيعوا فهل ستستطيع طبيبتنا المجنونه مواجهة كل تلك الشخصيات شخصية شخصية ومعالجتها ام ستفشل .. هي مرحة للغاية طبيبة نفسية تحاول ان تتميز في عملها . هو لا يمكن وصفه فكيف سنصفه وهو اكثر من واح...
