رواية حالة نادرة "هي وهو وشخصياته "بقلم نوران جمال

البارت الاول

استيقظت من النوم علي صوت المنبه لتنظر به فتقف بصدمه
ضحي بصدمه:يالهوي اتأخرت ..لتقف بسرعه وترتدي ملابسها وتأخذ مفتاح الشقه وتخرج بسرعه لتذهب الي المستشفي وبعد انتظار نصف ساعة وصل الاتوبيس الي المشفي لتدخل هي بهدوء وتخفي حتي لا يراها المدير وفجأه
المدير بحدة:انتي يا دكتورة..
ضحي بغيظ:هو واقف مستنيني من الصبح مدير رخم..لتلتف له
ضحي بإبتسامه مصتنعه:نعم يا دكتور..
المدير بحدة:مش شايفة انك اتأخرتي شوية يا استاذه..
ضحي بتمثيل:ده الطريق زحمه والاتوبيس زحمه واتاخر عقبال ما جيه وجيت مشي والاتوبيس وصل هنا متأخر ورجلي وجعتني من المشي والمنبة مرنش والدنيا حلوه واحلي سنين ..
المدير بصداع :خلاص خلاص اخر مرة وعشان كده هتاخدي الشيفت المسائي كمان..
ضحي بصوت مرتفع:يعني ايه هرجع بيتي الساعة اتنين بليل ليه بشتغل في كازينو الليل..
المدير بحدة:انتي في مكان محترم..
ضحي وهي تكتم غيظها وبهمس:عشان المرضي بس اما لو انت كنت قتلتك وكسبت في الدنيا الثواب ده..
المدير :بتقولي حاجه يا دكتورة..
ضحي بإبتسامة:بدعيلك يا دكتور ربنا ياخدك احم يخليك لينا..
فأومأ هو لها بهدوء وذهب الي مكتبه بينما هي ذهبت الي مكتبها فوجدت صديقتها تتصل بها
ضحي بهدوء:ها مريم عامله ايه..
مريم بضحك:اكيد اتهزأتي صح..
ضحي بغيظ:اومال ..
مريم بضحك: طيب كويس بقولك انا في الغرفة اللي جنب غرفتك مع المريضة اللي جاية امبارح بسبب حالة الاكتئاب لو عايزة تيجي انتي مكاني في الحاله ديه تعالي لو مش عايزه براحتك بس الصراحه انا بقالي ساعة معاها انها تتكلم ابدا عماله تبص علي الشباك وبس ..
ضحي بهدوء:طيب خلاص انا جيالك اهو..
لتخرج ضحي وتذهب الي مريم
ضحي بتساؤل:فين البنت..
مريم بهدوء:هي اللي واقفه عند الشباك ..
لتذهب ضحي لها وتقف بجانبها فتجد فتاه لم تكمل العشرون من عمرها جميلة للغايه
ضحي بإبتسامه: ممكن نتعرف..
فلا تنظر الفتاه لها لتأتي ضحي بكرسيين وتضعهم بجانبها لتجلس الفتاه علي واحد منهم وتجلس هي علي الاخر وكل هذا ولا احد يتكلم
ضحي بإبتسامه: اسمك جميل يا قمر..
لتنظر الفتاه لها بهدوء لتكمل ضحي:علي فكره انا عارفه انك نفسك تخرجي من هنا وعايزه اقولك انا كمان نفسي اخرج بس المدير الرخم رافض تفتكري نعمل فيه ايه ..فنظرت الفتاه الي الجانب الاخر
ضحي بإبتسامه: انا مش بحب اتكلم لوحدي اتكلمي معايا طيب اقولك بتحبي ترسمي وتلوني مثلا ..
فنظرت الفتاه لها لتجلب ضحي ورقة وقلم دائما يكونان معها في حقيبتها فهي تعلم بأن الكتابة لغة اخري وطريقة للتواصل غير الكلام
ضحي بهدوء:عرفت انك بتحبي الرسم جدا وانا الصراحه مش بعرف خالص فانا هحاول ارسم وانتي اتفرجي وقوليلي رأيك او العكس ..لتعطيها هي الورقه وتكمل:جربي ترسمي انتي..
لتنظر الفتاه لها ولا تأخذ الورقه
ضحي بهدوء:خلاص هرسم انا ..لتبدأ ضحي في الرسم والتلوين والفتاه تشاهدها حتي جائت لتلون فأمسكت الالوان وكانت ستضع اللون الاصفر وفجأه وجدت الفتاه تمسك يدها لتنظر ضحي لها بإستغراب
لتشاور الفتاه لها علي اللون الاخر لتبتسم ضحي وتأخذه وتبدأ بالتلوين به و مع كل لون تستخدمه تأخذ رأي الفتاه حتي شعرت الفتاه بالنعاس لتقف وتذهب الي السرير لكي تنام
ضحي بإبتسامه: علي فكره يا قمر اختيارك للالوان جميل وانا او مريم كل شوية هنيجي نلون  ونرسم معاكي ..ثم خرجت لتخرج معها مريم
مريم بإبتسامه: انا ابدا مش جيه في بالي الفكره ديه ..
ضحي بفخر:اتعلمي بقي..لتضحك مريم ويذهبا هما الاثنان الي مكتب ضحي
مريم بتساؤل:اهلك هيرجعوا من السفر امتي..
ضحي بهدوء:علي اخر الشهر كده انتي عارفه لازم يسافروا من كل فتره للتانيه عشان شغل بابا بعيد وكل مره بنسافر مكان معين وانا ما صدقت نستقر هنا فهستناهم مش هسافر معاهم تاني..
مريم بهدوء:طيب وعمك وعيلتك ايه الاخبار..
ضحي بهدوء:كالعاده يا دوبك بنسلم علي بعض بالتليفون وخلاص..
لتقف مريم
مريم بإبتسامه: همشي انا بقي عشان الوقت خلاص هيتأخر...
ضحي بغيظ:اعتبر انك بتغيظيني..
مريم بضحك:اه هههه..
لتذهب مريم بينما ظلت ضحي في مكتبها تنظر الي الاوراق امامها
ضحي بإبتسامه: ياما نفسي ابقي من اشهر الدكاترة واعمل حاجه مختلفه ..لتقف وتنظر الي الامام وتكمل: راهنت قبل كده علي اني هختلف عن كل دفعتي وهعمل بحث مافيش حد قدر يعمله بس ازاي وفين وامتي وعن ايه..
لتجلس مره اخري
ضحي بغيظ:هو المدير اجننه واعمل عليه بحث اووف حارق دمي اوي ..لتنظر في ساعتها فتجد الوقت قد تأخر وانتهي معادها وعليها الذهاب لتقف وتاخذ اشيائها لتخرج من المشفي حتي تعود الي بيتها
اما في مكان اخر
كان يجلس في السيارة يفكر في ابنه وحالة الانفصام الذي يعاني منها
سالم بهدوء واستغراب:الانفصام بيبقي شخصيتين لكن ده عنده خمس او ست شخصيات كأنه بيشتريهم..
لينظر له ابنه..
حازم بهدوء: لسه بتفكر فيه..
سالم بهدوء :وهعمل ايه يا بني مافيش حاجه نافعه معاه..
حازم بتفكير:طيب نغير الدكتور بواحد تاني افضل..
سالم بسخرية:الدكتور استقال اخوك افتكر نفسه مدرب ملاكمه وحط الدكتور مكان كيس الملاكمه يا حازم انا الدكتور بيكلمني بقوله انت مين انا شخصيا معرفتهوش..
حازم بضحك:هههههه مش قادر الصراحه كان دكتور رخم ..ثم بهدوء:بس ده رابع دكتور ييجي لكرم هنجيبله دكاترة تانيين منين المشكله ان كل اللي بيعتذروا عن علاجه ويمشوا بيقولوا لاصحابهم فبيخافوا ييجوا..
سالم بهدوء: ربنا يكرم ويوقفلنا ابن الحلال اللي يعالجه..وهنا توقف حازم بالسياره بسرعة..
سالم بإستغراب : في ايه..
حازم بصدمه:في بنت انا خبطها بالعربيه..
سالم بصدمه:يالهوي انزل بسرعه يا حازم شوفها.. لينزلا هما الاثنان فيجدوا فتاه جالسه علي الارض
ضحي بغيظ:كشفت راسي ودعيت عليك يا مدير يا بارد انت السبب في اني كنت هتخبط.. لتنظر الي حازم فتجده لا يستطيع الوقوف من كثرة الضحك ويخفي وجهه بيديه
ضحي بغيظ:كمل ضحك يا استاذ ما هو يوم مش هيعدي ..
لتنظر الي الجانب الاخر فتجد سالم ينظر لها
سالم بهدوء وإستغراب:مش انتي ضحي فريد..
فأومأت ضحي له ثم نظرت له جيدا
ضحي بإبتسامه: عمي وحشتني..
سالم بإبتسامه: كبرتي يا ضحي انتوا رجعتوا من اسماعيليه من امتي..
ضحي بإبتسامه: لسه من خمس شهور بس بابا وماما سافروا تاني وانا فضلت هنا..
سالم بضيق:ومش قالولي..
ضحي بضحك:عشان كنا فاكرين ان حضرتك بره مصر..
حازم بهدوء: مين ديه يا بابا..
سالم بهدوء: ضحي بنت عمك..
حازم بتذكر:اه ضحي الهبله..
ضحي بغيظ:مش عشان انت اكبر مني هتشتم ..
حازم بضحك:خلاص خلاص بس انتي بتعملي ايه في الشارع الساعه اتنين بليل..
ضحي بغيظ:الظالم المفتري المدير قالي افضل في المستشفي لحد دلوقتي تخيل..
سالم بتساؤل:انتي دكتورة..
ضحي بهدوء:اه دكتورة نفسيه..
لينظر سالم وحازم الي بعضهما فيبدو بأن دعوة سالم قد استجابت ..
سالم بإبتسامه: طيب قومي من علي الارض وتعالي نوصلك كمان عايز اتكلم معاكي شويه..
فوقفت هي من علي الارض وركبت معهم السيارة
سالم بهدوء:ضحي انا عايزك تساعديني..
ضحي بهدوء:في ايه ..
سالم بهدوء:ابني كرم ..
ضحي بهدوء:انا مش فاكراه الصراحه عشان مكنتش بقابله بس ليه هو تعبان..
سالم بهدوء: عنده انفصام بكذا شخصية مش اتنين بس حتي..
لتنظر هي الي سالم بشده ويأتي في بالها ما كانت تحلم به وبحثها الذي تريد عمله وها قد اتت لها الفرصه ومن عمها اذا لماذا لا
ضحي بهدوء:انا موافقه اساعد حضرتك يا عمي مافيش مشكله بس المشكله في حاجتين الاولي في المدير الرخم بتاع المستشفي والتانيه في بابا اقنعه ان انا اجي اعيش معاكم لحد ما هما يرجعوا من السفر تمام..
سالم بفرح:تمام طبعا فريد هيوافق وبالنسبه لمدير المستشفي فواضح انك مضايقة منه اوي..
ضحي :اوي اوي الصراحه..
سالم بإبتسامه: لما تروحي جهزي هدومك عشان من بكره الصبح اللي هو كمان خمس ساعات ده هبعت حازم ييجي ياخدك تمام..
حازم بغيظ:انا بقيت السواق الرسمي يعني..
سالم بحده:اخرس..
حازم بغيظ:حاضر ..
لتضحك ضحي وبعد ربع ساعة وصلت الي منزلها

بينما في فيلا سالم
كان الجنايني وابنه والحراس والخدم جميعهم يجرون خلف بعضهم امام كرم الذي ينظر لهم برضا لتنزل لهم لمار
لمار بإستغراب وهي تسأل الخادمه:في ايه ..
الخادمة:اخوكي كرم بيه جاتلوا الحاله تاني وفاكرنا رايحين بطولة بكرة وبيدربنا علي الجري ..ثم بغيظ:خلانا نعمل مية وعشرين ضغط وريحنا خمسه وعشرين ثانيه وبنكمل دلوقتي الجري..
لمار بحزن:ياعيني عليكم ..
كرم بصوت مرتفع :انتي يا بنتي اجري بسرعه انتي عايزاهم يكسبونا في البطوله..
الخادمه:حاضر اهو يا كابتن...
بينما نظر كرم الي لمار
كرم بغضب: وانتي يا استاذه واقفه بتعملي ايه..
لمار بإستغراب: انا يا كرم ..
كرم بحده :تجري ولا تبدأي الضغط ..
لمار بخوف:لا لا هجري ..لتبدأ بالجري بينما هو جلس برضا ينظر لهم وهو يفكر ماذا سيحدث في البطوله الاتيه التي ليس لها اي وجود حتي ولكن بالنسبه له فالبطوله غدا .

لو عجبتكم وعايزيني اكمل بليز متنسوش التصويت وكومنت حلو تشجعوني بيه❤❤