رواية حالة نادرة "هي وهو وشخصياته "بقلم نوران جمال

البارت الثاني عشر

البارت الثاني عشر
لمار بصدمة عندما وجدت احمد يتصل ببوليس الاداب:انت بتعمل ايه ..
احمد وهو يتحدث في الهاتف:عايز بوليس الاداب يجيلي علي العنوان ..وقبل ان يقوله سحبت لمار منه الهاتف بسرعه
احمد بحدة:ايه اللي عملتيه ده..
اغلقت لمار الهاتف ثم نظرت له
لمار بضيق:اظن انك فهمت دلوقتي ان كرم مريض وان في اي وقت لو اغمي عليه هيصحي بشخصيه مختلفه ..
سالم بهدوء: تمام كده يا احمد باشا..
احمد بهدوء:خلاص يا سالم باشا انا همشي دلوقتي بس حاولوا لما يتحول كده انه ميخرجش من البيت انا صدقت ان هو مريض لكن غيري مش هيصدق...
ثم وهو يخرج من الفيلا كانت لمار تقف بجانب الباب
محمد بهمس وهو يخرج :شيلي صورتك اللي علي الواتساب يا لمار وشيلي البلوك ..
ثم خرج وهو يبتسم بينما نظرت لمار له بإستغراب ثم ضحكت بسخرية اذا هو صاحب الرقم الغريب ..
بينما كان حازم ينظر الي مريم التي كانت تضحك بشدة علي صوت كرم وهو يقلد البنات بينما سالم يشعر بالحزن الشديد علي ابنه
لمار بصوت مرتفع قليلا:يالا نطلع نشوف ضحي وكرم..ليصعد الجميع ودخلوا الغرفه التي يأتي منها الصوت فوجدوا ضحي تتحدث مع والدها في الهاتف
وكرم مغشيا عليه علي الارض
اغلقت ضحي الهاتف مع والدها ثم نظرت لهم
سالم بقلق:ايه اللي حصل ..
ضحي بهدوء:مافيش بس كنت بكمل كورس الرقص وفجأه بابا اتصل وابنك مش مبطل كلام قومت ضربته علي رقبته فاغمي عليه وكلمت بابا عادي..
مريم بهدوء:ضحي طيب انتي امتي هتبدأي في العلاج..
ضحي بإبتسامه هادئه: من النهارده خلاص لازم نبدأ العلاج الشخصيات بدأت تتكرر وده معناه ان مافيش شخصيات جديده..
سالم بهدوء:حازم خد كرم لأودته وتعالوا احنا نقعد تحت ..ثم بهدوء للمار:قولي للخدم يخرجوا كرم بقي كويس..لتومئ هي له
في الاسفل
مريم بإبتسامه: انا همشي عشان اتأخرت..
ضحي بإبتسامه: تمام مع السلامه..
فأومأت مريم لها ثم قامت بإحتضانها وبهمس:خدي بالك وحاولي تعالجيه في اقرب وقت ..
ضحي بهمس:حاضر ادعيلي انتي بس..ثم خرجت مريم بينما بقي الجميع يتحدثون بهدوء حتي بعد قليل
وجدوا كرم ينزل من علي السلم
كرم بهدوء: مش عارف ليه كل شويه احس بصداع كمان احنا كنا لسه علي الغدا ..ليجلس معهم ويكمل:انا في اقرب وقت هروح للدكتور ..
ضحي بإبتسامه: ايه رأيكم نسافر نروح اي مكان الصراحه الواحد اتخنق من قاعدة البيت..
كرم بهدوء :عندق حق يمكن ده اللي عاملي صداع..
حازم بهدوء:خلاص ايه رأيك يا بابا بليل نروح الشاليه اللي في مرسي مطروح..
لمار بسعاده:ايوه فعلا واحشني المكان والبحر ..
سالم بهدوء: تمام بليل نتحرك والشركه هبقي اتابعها من هناك ..
حازم بهدوء وتوتر:ممكن يعني لو امكن طبعا بموافقتكم اننا ناخد مريم معانا..
ضحي بضحك:صدقني كنت مستنياك تقولها هههه..
حازم بإبتسامه: وانا مستنيكي تقوليلها ..
ضحي بضحك:حاضر من عيوني هقولها دلوقتي وهي هتوافق ديه ما هتصدق اصلا انها تخرج ..
سالم بسخرية:اكيد فاكره المدير..
ضحي بضحك:طبعا ده كان رخم جدا ههههه...
فنظر كرم ولمار الي بعضهما بإستغراب فهما لا يعلمان شيئا عن ذلك الامر
وبالفعل جاء الليل واتصلت ضحي بمريم فوافقت مريم علي الفور ليفرح حازم بشده فهو يريد التعرف عليها اكثر .
ليأتي معاد الذهاب
كان الجميع في السيارات فكانت لمار وحازم ومريم في سياره وكرم وضحي وسالم في سياره اخري وخلفهم سيارة الحرس
في سيارة حازم
حازم بهدوء:وانتي بقي يا مريم عرفتي ضحي من امتي ..
مريم بهدوء:لسه عارفاها السنادي بس وكأننا عارفين بعض من سنين طويله..
لمار بضحك:طويله ولا قصيرة..
حازم بضيق:هنزلك تسافري مشي سيرا علي الاقدام يا لمار...
لمار بضيق:بضحك معاكم بدل قاعدة التعارف ديه..
حازم بهدوء لمريم:سيبك منها ركزي معايا ..ثم بإبتسامه: بس واضح انك دكتورة شاطره اوي..ليكملا حديثهما تحت ضحك لمار المستمر فهي تلاحظ ان مريم ترد عليه بصعوبه بينما هو لا يتوقف عن الكلام ..
بينما في السيارة الاخري
كان سالم يتحدث مع كرم حول شؤون الشركه
بينما ضحي تزفر بضيق من الملل
ضحي بضيق :كرم وحياة عيالك يا شيخ شغلنا كده حماقي ولا اليسا ولا نانسي عجرم ..
كرم بضحك:حاضر اهو ثانيه ..
ليقوم بتشغيل تامر عاشور
ضحي بضحك:فعلا النكد ده مش محتاج غير تامر عاشور ...
كرم بضحك:طيب انا اعمل ايه ..
ضحي بهدوء:هات الواصله ..ثم قامت بتوصيلها بهاتفها
ليصدر صوت حماقي
لتغني ضحي معه:عندك استني دقيقه هتجنن منك شوفلي طريقه ..
سالم بسخرية:مجنونه..
كرم بضحك:جدا ..
ضحي بغيظ:انكل سالم غني معايا وانت كمان يا كرم خلينا نفرفش شويه ..ثم بهمس:ده الواحد داخل علي ايام سودا بخطوط كحلي ..
سالم بهدوء: بطلي كلام يا مجنونه..
ضحي بغيظ: طيب خلاص غني انت يا كرم يالا ...لتكمل بغناء:انا نفسي مخدتش يوم يومين قدامي ملاك مش شايف بني ادمين ..
ليغني كرم:يا نهار يا نهار يوم يوم قربك اجمل يوم ده اللي استنيته سنييين ..
كرم وضحي بضحك: طب امتي وفين وازاي انا ناسي اصل انا عمري ما كدبت احساسي ..
ضحي بضحك:هههه مش قادرة ..
كرم بضحك:كملي ياختي مش نفسك تغني غني اهو ..
ليكملا هما الاثنان بينما سالم ينظر لهما بإستغراب وضحك وحب ..
واخيرا وصل الجميع الي الشاليه
وذهب كل منهم الي غرفته ليرتاح قليلا قبل نزول البحر في الصباح بإستثناء كرم الذي جلس امام البحر لتجلس ضحي بجانبه عندما شعرت بغيابه
ضحي بضحك:استاذ كرم ماذا تفعل هنا ..
كرم بضحك:اتكلمي عدل انا مصدع لوحدي ..
لتضحك ضحي وتجلس بجانبه
ضحي بهدوء:مالك شايل طاجن ستك ليه..
لينظر كرم لها
كرم بهدوء :طيب اضحك دلوقتي ولا اتكلم جد ..
ضحي بضحك:لا خلاص اتكلم جد ..
كرم بهدوء وهو ينظر الي البحر:مخنوق حاسس ان في حاجه مكتفاني حاسس ان انا مش انا في حاجه غلط يومي متلغبط فجأه الاقي اليوم خلص فجأه اكون فاكر احداث من يومين واحداث امبارح مش فاكرها ..
ضحي بهدوء : كرم في حاجه لازم تعرفها ..لينظر هو لها
ضحي بهدوء: مكنتش ناويه اقولك بس فعلا لازم تعرف انت يا كرم عندك انفصام..
كرم بسخرية:قصدك انفصام في الشخصيه يعني ولا ايه..
ضحي بهدوء:انت دلوقتي بتقول عليا مجنونه في سرك بس ديه هي الحقيقه انت عندك اكتر من شخصيه واكيدانت قرأت عن الانفصام بما انك مثقف..
كرم بهدوء وهو يحاول التصديق:وشخصياتي بقي اسمهم ايه..
ضحي بهدوء:كابتن كرم وده كابتن رياضي فاكر ان احنا ورانا بطوله والمعلم وده حرامي والزعيم وده حرامي علي كبير وكارمن بنت ناس وهاي اوي وكارما..
كرم بإستغراب: مالها كارما بقي..
ضحي بتوتر:رقاصه..
كرم بصدمه:نعم ياختي..
ضحي بضحك: بس مرقصتش قدام حد غيرنا ههههه ..
كرم بهدوء وسخرية :ايوه كده بحسب ..لتضحك ضحي
ليكمل كرم بتفكير:يبقي عشان كده لما بصحي من النوم بيبقا وشي احمر يبقي كده عشان الميك اب..
فأومأت هي له
كرم بتساؤل:وامتي ده بيحصل..
ضحي بهدوء : لما بتنام او بيغمي عليك وانا دكتورة نفسيه وبعالجك المفروض وانت لازم تساعدني انت هيبقي فيك صراع داخلي بما انك انتبهت للموضوع ده لازم تحاول تتغلب عليهم وتظهر شخصيتك الحقيقيه لحد ما تختفي الشخصيات التانيه نهائي ..
كرم بتساؤل:واشمعنا الشخصيات ديه..
ضحي بتفكير:مش عارفه يمكن شوفتهم زمان او حصلك حادثه بسببهم او اتعرضت لصدمه من حد بالشخصيه ديه ..
فأومأ كرم لها ثم نظر الي البحر بشرود
ضحي بضحك لتخفف عنه:قوم نام عشان من بكره نبتدي العلاج انا مش مصدقه ان انا قولت كلمتين جد كده هههه..
لينظر هو لها ويضحك بهدوء
ليقفا هما الاثنان ويذهب كل منهما الي غرفته
ليأتي اليوم التالي يوم بداية العلاج فيا تري ماذا سيحدث ...انتظروا....
متنسوش التصوييت والكومنتات برأيكوا في البارت ..
التصويت لو سمحتوا❤❤دمتم سالمين ❤🖤🖤