رواية حالة نادرة "هي وهو وشخصياته "بقلم نوران جمال

البارت التاسع

في مكان بعيد كانت تجلس وهي تتذكر حبيبها او من كانت تمثل انها تحبه لتفوق من شرودها علي صوت بجانبها
تامر بهدوء:بتفكري في ايه يا روفان..
روفان بضيق :تامر ابعد عني دلوقتي ..
تامر بضيق:اكيد بتفكري في حبيب القلب ..
روفان ببسمه:ايوه يا تامر ارتحت غبائك هو اللي ضيع كل حاجه من ايدينا ..
تامر بسخرية:غبائي فعلا ..ثم امسكها بحدة من شعرها واكمل:اوعي يا بت تكوني فاهمه ان لما تلبسي هدوم عدله وتقعدي في مكان نظيف تبقي بقيتي في مستوايا لا فوقي انا تامر لو عايز ادفنك دلوقتي هدفنك بس انا سايبك بمزاجي..
روفان بضيق والم:طيب سيب شعري ..
ليتركها هو لتجلس هي بجانبه وتكمل بمكر:هنعمل ايه معاه..
تامر بمكر:مش دلوقتي انا مراقبه وفي الوقت المناسب نتدخل فاهمه واياكي تعملي اي حاجه من غيري ..
روفان بهدوء:فاهمه ..

في الفيلا
كانت ضحي نائمه بهدوء لتستيقظ وهي تشعر بالظمأ فتخرج من غرفتها فتجد ان الظلام يحيط المكان
ضحي بضيق وسخرية:انا دخلت بيت الرعب ولا انا اتعميت انا مش شايفه حاجه ..لتدخل الي غرفتها مره اخري وتأخذ هاتفها لتشغل الكشاف حتي تري
وصلت ضحي الي المطبخ لتملئ كوب من المياه لتتذكر ما حدث اليوم
ضحي وهي تقوم بتقليد كرم لتضخم صوتها مثل الرجال قليلا : انتي يا بت يا سكرة ..لتتكلم بهدوء مرة اخري: عمره ما هيقول كلام في وقته المناسب هههه...وجائت لتلتف حتي تعود الي غرفتها وفجأه صرخت بحده وخوف عندما وجدت من يقف خلفها
لينزل الجميع اليها ويفتح سالم النور ليروا فتاتين واحده هي ضحي اذا من تكون الاخري التي تعطيهم ظهرها
حازم بتصفير :اول مره اشوف قمر بيطلع بليل ..
سالم بسخرية:يا بن الهبله اومال بيطلع امتي...
حازم بضحك: جاريني يا سلومه ..ثم اكمل بإبتسامه وهو يريد رؤية وجه الفتاه :مقولتيش ليه انك هتجيبي صحبتك يا ضحي بس ايه ديه قمر و احييييه ايه ده..صرخ حازم بفزع بعدما التف ليري وجه الفتاه فوجد فتاه توأم لكرم تشبهه كثيرا
ليختبئ بسرعة خلف ضحي
حازم بفزع:اوعي يكون كرم ..
كرم بضيق وهو يتكلم كالفتيات:انا مش كرم انا كارمن وانتي مين يا انسه وبتعملي ايه في بيتي ..
لمار بإستغراب وهمس ليسمعها الجميع بإستثناء كرم: هي كارما غير كارمن ..
ضحي بهدوء:طبعا كارما كانت قالتلي يا ابلتي مش يا انسه ديه النسخه المحترمه ..
سالم بضيق:وبتعملي ايه هنا يا كارمن ..
كارمن بإبتسامه: بابا مكنتش عارفه انام ونزلت عشان اشرب فلقيت البنت ديه هنا ده غير انها جايبه عشيقها معاها يا بابا ..
ضحي بصدمة:عشيقها ايه هو في ايه بالظبط..
لتضحك عليهم لمار بشده
كارمن بغيظ للمار:انتي يا بنتي هاتيلي كوباية مايه بسرعة وبعد كده متقعديش معانا ..
لتنظر لمار له بإستغراب هل يري انها الخادمة لتضحك عليهم ضحي تلك المره
لمار بضيق:بس ..
سالم بهدوء:يالا يا لمار ..لتزفر لمار بضيق وذهبت لتملأ له كوب من الماء
وذهب البقيه ليجلسون في الصاله
كرم وهو يضع قدم فوق الاخري :سؤال واحد انتوا مين لإلا هنادي الحرس..
ضحي بهمس:هو جاب الباروكه ديه منين ..
حازم بهدوء:اكيد من لمار لانها كانت بتعمل عروض في المدرسه وفي الكليه بس ليه..
ضحي بهدوء:عايزه اصبغ شعري نفس اللون ده ومكنتش عارفه اسمه...ليضحك حازم بشده فهو لم يتوقع ردها
ضحي بهدوء وصوت مرتفع ليسمعها كرم :انا قريبتك يا كارمن وضيفه عندكم هنا هقعد يومين كده وماشية..
لتومئ كارمن لها ثم تنظر الي حازم
كرم بهدوء:وانت جاي مرافق ولا ايه نظامك..
حازم بهدوء:انا اخوها ..
لتأتي لمار لكرم
لمار بغيظ:خد اشرب بالسم الهارب..
كرم بحده:بتقولي ايه ..
لمار بضيق:مبقولش انا رايحه اودتي ..
لتذهب الي غرفتها بينما في الاسفل
كرم بحدة: ديه لازم تترفد قليلة الذوق..
ضحي بضيق:وانت قليل الفهم ..
كرم بإبتسامه جميله فهو لم يسمعها:انا هطلع انام في اودتي ..ليذهب الي غرفته بينما نظرت ضحي الي حازم فوجدته شارد
ضحي بسخرية:لا ده بالذات مينفعش تسرح فيه
ده اخوك الله يخربيتك..
حازم بضيق:يخربيتك انتي تفكيرك كله كده انا بس مستغرب هو ازاي حلو كده في الميك اب لا والسؤال الاكبر ازاي حطه بالطريقه ديه ده كارمن في الميك اب افضل من كارما ..
سالم بضيق:ضحي خلصيني من حوار كرم ده انا ابتديت اقلق ..
ضحي بسخرية:لا تخاف ولكن احذر ..ثم بهدوء:متقلقش يا عمي هيحصل كل خير ..ليذهبوا جميعا الي غرفهم
في غرفة ضحي
نامت ضحي مره اخري ولكن شعرت بالباب يتم فتحه لتفتح عينيها فتجد كرم امامها وهو في زي كارمن
ضحي بضيق:انا هعمل للاوده ديه مفتاح ما هي مش متنزه عام ده ايه ده..
كرم بهمس ودموع:انا خايفه انام لوحدي ..
ضحي بإستغراب: ليه يا كرم اقصد يا كارمن..
كرم بدموع:مش عارفه واودة بابا بعيده ممكن انام معاكي النهارده ..
ضحي بغيظ في داخلها:كان نفسي ارفض بس الدموع ديه متهنش عليا ..
ضحي بهدوء:تعالي يا حبيبتي نامي علي السرير وانا هنام علي الكنبه..
كارمن بهمس:بس كده مش هتبقي مرتاحه..
ضحي بهمس وغيظ:اللهم طولك يا روح ..ثم بهدوء:لا يا كارمن هبقي مرتاحه...
ليبتسم كرم بفرح
كرم بصراخ وسعاده:شكرا ليكي ..ليقوم بإبعادها بحده حتي ينام لتقع هي من علي السرير علي الارض فهو اقوي منها علي اية حال
كرم بقلق: انتي كويسه..
ضحي بضيق:يخربيتك تنام عليك حيطه يا بعيد اه يا ضهري هيجيبلي الغضروف اه ..
كارمن بإستغراب: بتدعي علي مين كده..
ضحي بغيظ وهي تقوم من علي الارض:بدعي علي واحد مفتري وظالم ..
لتذهب وتنام علي الاريكه بينما نام كرم علي السرير
كارمن بهدوء:ضحي انتي نمتي..
ضحي بهدوء:اه..
كارمن بإستغراب: بس ازاي بتردي عليا وانتي نايمه...
ضحي بهدوء:موهبه من عند الله..
كارمن بهدوء:انتي عارفه انا نفسي في ايه يا ضحي..
ضحي بهدوء:ايه..
كارمن بإبتسامه: في شنطه من فيكتوريا سيكريت الاصليه ..لتشتم ضحي في سرها
كارمن بضحك:ههه بهزر معاكي ..ليقف كرم من علي السرير ويجلس امام ضحي
كارمن ببكاء:انا مافيش حد بيهتم بيا ..
لتتنهيد ضحي بضيق
ضحي بهمس:الجفاف العاطفي ساعة الفجر ده انا عارفاه ..ثم بصوت مرتفع قليلا :طيب والمطلوب مني ايه يا كارمن ..
كارمن بحزن:مافيش عندي اي اصحاب ممكن تبقي صاحبتي ..
ضحي بإبتسامه هادئه: طبعا اوماال..
كارمن بفرح:بجد ..لتحتضن ضحي بسرعه وفي تلك اللحظه دق قلب ضحي بشده ليتجمد جسدها هل احتضنها كرم للتو
ضحي بتوتر:كرم احم كارمن ابعدي..
كارمن بإبتسامه وهي تحتضنها اكثر:انا حبيتك اوي وفرحانه انك بقيتي صاحبتي خليكي هنا علي طول ونبقي نروح النادي سوا ..
ضحي بغيظ: مش وقت نادي ابعدي ..وفي تلك اللحظه تم فتح الباب
لمار بهدوء:ضحي انا وحازم وبابا كنا ...ثم بصراخ:يالهويييي ..ليدخل حازم وسالم بقلق
لتبعد ضحي كرم بسرعه
ضحي بتوتر :اوعوا تفهموني غلط ..
حازم بسخرية:ولا حتي ينفع نفهمك صح ياختي ..
"فيا تري ماذا سيحدث ...انتظروا"
متنسوش التصويت عشان انزل البارت الجاي وقولولي رأيكم في البارت بليز في الكومنتات 🖤🖤😂❤
دمتم سالمين "ودعواتكم لأهل فلسطين ..💔💔"
🖤🖤🖤🖤🖤