رواية حالة نادرة "هي وهو وشخصياته "بقلم نوران جمال

البارت الثالث عشر

كانت ضحي نائمه بهدوء كعادتها حتي شعرت بدخول احد الي غرفتها وكالعاده لم تعطي للامر اهتمام فمن سيكون غير كرم في شخصيه من شخصياته ولكنها لم تسمع صوته هل دخل دون ان يتكلم لتفتح عيناها فتقفز بفزع من علي السرير بسبب رؤيتها للمار بالقرب من وجهها بشده وهي لم تشعر بإقترابها ابدا
ضحي بفزع: اعععععع في ايه....
لمار بضحك:هههه كنت بشوفك نايمه ولا لا..
لتنظر ضحي لها وعيناها تكاد تطلق الشرر تكاد تقتلها
ضحي بغيظ :كنتي بتشوفيني نايمه ولا لا ..لتقف من علي الارض وقبل ان تقترب من لمار سمعت ضحي الباب وهنا فقط لاحظت ان مريم كانت موجوده منذ البدايه وها هي استطاعت الهروب لتعيد النظر الي لمار
لمار بقلق:سيد متتهورش ..
ضحي بسخرية:ده انتي قطعتيلي الخلف وجايه تقوليلي كده طب وسعيلي بقي ..لتهجم علي لمار التي لم تعلم هل تصرخ ام تضحك من ما يحدث ليأتي سالم وحازم لهما
سالم بغيظ:في ايه يا جلابين المصايب مش كفايه مصيبه واحده عليا "يقصد كرم"...
ضحي بغيظ:بنتك هتجنني ولا بنتك ايه ده عيالك كلهم الكبير اهبل والصغيرة مجنونه والوسطاني لا تعليق ..
حازم بضيق:من ده الاهبل..
ضحي :انت ..
حازم بإستغراب: انتي صدمتيني بالرد السريع ده ..
ضحي الي سالم:شايف يا انكل..ثم بإستغراب: انتوا مين قال ليكم ان انا هنا بضرب في لمار..
حازم بإبتسامه: ومين غيرها مريومه..لتزفر ضحي بضيق ليكمل حازم بهدوء وسخرية:لا بقولك ايه مريم ديه متجيش ناحيتها انتي فاهمه يا هولاكو ..
ليخرجوا جميعا من الغرفه واثناء نزولهم علي السلم سمعوا صوت يعلمونه جيدا
كرم بحدة لمريم:قولتلك اعملي التمارين بسرعة ونشاط وكفايه كسل ..لينظر حوله بإستغراب: هو فين الباقي ..لتلمع عيناه عندما شاهدهم علي السلم بينما هم
عندما رأي حازم ولمار كرم في شخصية الكابتن بدأوا بالصعود مره اخري قبل ان يراهم ولكن قبل ان يوصلوا الي الطابق الثاني جائهم صوته
كرم بحدة: الاتنين اللي بيهربوا من التمرين ينزلوا حالا ..ليزفروا بضيق بينما وضعت لمار يدها علي وجهها بغيظ فها هو بعد ان اصبح وجهها بخير من الكدمات سيصبح لها كدمات اخري بينما بدأ حازم يفكر في حجة يخرج بها من ذلك المأزق
كرم بإبتسامه هادئه لسالم:واتفضل حضرتك استريح علي الكرسي ..لينظر الي ضحي :وانتي يالا تعالي ..
لتقترب منه ضحي قليلا
ضحي بهدوء :لا ..
كرم بحدة:بقولك تعالي انا الكابتن..
ضحي بهدوء:لا انت كرم ..لتفتح هاتفها وتأتي بصور عديده له وهو ذاهب الي الشركه او ذاهب الي النادي ولكن ليتدرب وليس ليدرب لينظر كرم لها بشده
كرم بإستغراب :ايه ده ..لتمر في ذاكرته ذكريات تلك المواقف ليشعر بألم كبير في رأسه وكأنه صراع داخلي
لتقترب منه ضحي عندما رأت عينيه التي تنظر في كل مكان بعدم انتظام
ضحي بهدوء:كرم انت كويس ..
مريم بقلق:ضحي ابعدي عنه ..
ولكن لم تعطي ضحي لها انتباه وظلت تقترب منه ليضع هو يده علي رأسه وهو يشعر بألم كبير فهي تعلم جيدا ما يشعر به فهي تشعر وكأنها هي من تتألم حتي وصلت اليه
حازم بحدة:ضحي اضربيه علي رقبته لازم يغمي عليه..
ضحي بجدية:لا لو اغمي عليه عن طريقنا احنا يبقي كأننا معملناش حاجه ..ثم بهدوء: كرم رد عليا ..بينما كرم واخيرا صمت لينظر الي المكان ثم ينظر لها
كرم بإبتسامه وغمزه: ايه المكان الجميل ده يا سكره..
لينظر الجميع الي بعضهم بشده فلأول مره يتحول الي شخصيتين دون ان يحدث له اغماء
سالم بقلق :ضحي هو كده عادي ولا ايه..
ضحي بتوتر:معرفش..
كرم بهدوء:بتقولي ايه يا سكرة..
ضحي بهدوء :مش بقول حاجه ..
ليقف كرم بجانب ضحي وينظر حوله
كرم بإبتسامه: احنا جينا هنا ازاي وايه الجمال ده كله انتي ورثتي يا بت ولا ايه..
ضحي بسخرية: لا مورثتش ده بيت سالم بيه..
لينظر كرم الي سالم وحازم بحدة
حازم بتوتر:هو بتاعنا بس كل حاجه تحت امرك ..
كرم بإبتسامه: جدع ياض..
حازم بإستغراب: ياض..
لمار بضحك:كويس انها جت علي قد كده هههه..
لتضحك مريم
كرم بتصفير: هي حلوة بنت سمرا ...
حازم بغيرة:بتقول ايه..
كرم بحده :انت بتزعق..
حازم بتوتر:ابدا انا كنت بقول هو شمس وسط رمله ..
كرم بإبتسامه هادئه: اه افتكرت ..
مريم بإستغراب وهمس للمار:هو مين ده..
لمار بضحك:ده المعلم كرم حرامي كبير ..
مريم بهمس:ده غير بتاع الفراوله...
لمار بضحك:بتاع الفراوله ده الزعيم كرم ..
ليأتيهم صوت كرم
كرم بإبتسامه لمريم:اسمك ايه..
مريم بهدوء:مريم..
كرم بإبتسامه: عاشت الاسامي يا مريومه..
حازم بغيظ:يارب صبرني..
ضحي بسخريه :وانا يا معلم نسيتني..
كرم بإبتسامه: ده انتي سكرة يا بت..
لمار بإبتسامه: الشمس طلعت يالا نلحق ننزل البحر ..وقبل ان يتحدثوا ذهبت هي بسرعة الي الخارج
لتنزل البحر ولكن في طريقها الي البحر وقعت في البسين
ليذهب حازم خلفها بسرعة
ضحي بإستغراب: في ايه..
حازم بغيظ: مبتعرفش تعوم ..
لتضحك ضحي ومريم بشده بينما ذهب سالم الي الخارج مع حازم
ليقف كرم بهدوء ويمر بجانب التحف الفنيه في المكان
كرم بنداء:بت يا سكرة..
ضحي بهدوء:نعم يا معلم..
كرم بهدوء:الفازه ديه لو اتباعت تجيبلنا كام..
ضحي بتقييم : ٣٠٠ او ٤٠٠ يا معلم ..
كرم بلهفه:هاتي كيس اسود بسرعة ...
ضحي بسخرية:كيس اسود ليه ده حتي مافيش بوفيه تاخد منه الاكل وتلمه في الكيس ..
كرم بضيق: متخليش مخك تخين انا لمحت حاجات كتير في المطبخ في طقم كوبيات زي فل..
ضحي بغيظ:طب كنت خد بالك من الطقم الصيني ..ليسمعا صوت تكسير في المطبخ فيجدوا الاكواب والاطباق الصيني وقعو وانكسروا لوحدهم
مريم بضحك:هههه مش قادرة لا وعيونكم صفرا وبتحسد كمان ههههه..
ضحي بضحك:قصدك عيونوا زرقاء ههه..
كرم بضيق:يا بنتي بسرعة يالا نلحق الطبق الصيني اللي متكسرش...ليقع الطبق علي الارض وينكسر هو الاخر .
ضحي بخوف:متجيبش سيرة الثلاجه لو سمحت..
كرم بإستغراب: ليه ديه حتي فيها بابين ..ليذهب الي الثلاجه ويمسك الباب يحاول فتحه ليخرج الباب في يده لتصبح ثلاجه من غير باب
لتضع ضحي يدها علي فمها بينما مريم جلست علي الارض من كثرة الضحك
مريم بضحك :هههه ماخدش باله من ..لتضع ضحي يدها علي فم مريم بسرعه
ضحي بخوف :بس بس متكمليش عمي هيقتلنا ..
مريم بضحك:ليه بس هههه ده انا مش قادره انا هاجي اقعد معاكم كل خميس وجمعه اروح فيهم عن نفسي ههههه مش قادره بصي بيبص ازاي للغساله هههه..
كرم بتساؤل:سكرة الغساله ديه تفتكري بكام..
ضحي بقلق:بجنيه ونص ..
كرم بهدوء:مش غاليه..
لتومئ ضحي له ليبتعد هو عن الغساله لتذهب ضحي لها حتي تراها واثناء دخولها انزلقت قدمها في ماء علي الارض لتستند علي الغسالة لتقع الغساله علي الارض .
مريم بضحك:انا قولت برضه اشمعنا الغساله لسه عايشه ههههه..
ليدخل الجميع من الداخل
لمار بصدمه:احييه المطبخ اتنسف ..
حازم بصدمه:مين عمل كده..
سالم بصدمه:فلوسي يالهوي طقم الاطباق بتاع امك اتكسر ديه هتطلعلي في المنام تقولي كسرت اطباقي يا سالم ..
مريم بضحك فهي لم تصمت بعد : هناكل ازاي دلوقتي ههههه..
حازم بغيظ:ده اللي همك ياختي..ثم نظر الي ضحي الواقعه بجانب الغساله علي الارض واكمل:وانتي يا مصيبه ايه اللي عملتيه ده ..
ضحي بضحك: الغساله كانت قليلة الادب فقولت اعلمها الادب ضربه مني علي ضربه منها اتهورت فزقيتها فوقعت علي راسها ماتت..
لمار بتمثيل:يا عيني عليكي يا بنتي وانتي بقي طلعتي بإصابات ..
ضحي بإبتسامه: لا ربنا ستر..
لمار بسخرية:وانتي يا مريم علي الارض ليه..
مريم بضحك وتمثيل: اتضربت بنيران صديقه يا لمار هههه..
سالم بغيظ:طيب كفايه هزار وروقوا الدنيا ديه ..ليكمل بحدة:كلكم هتروقوها بلا استثنا مفهوم..
الجميع:مفهوم ..
ضحي بتساؤل:ايه ده في حد ناقص احنا صوتنا اعلي من كده..لتنظر حولها لتشهق بقلق
ضحي بصدمه: كرم فين..ليسمعا صوت سياره في الخارج
حازم بصدمه:والفازات فين ..
لينظروا جميعا الي بعضهم
لمار بصراخ:اتسرقنااااا..
"فيا تري ماذا سيحدث..انتظروا" متنسوش التصويت بجد انا بتعب خاصة انها اول روايه اكتبها كوميدي كده فمحتاجه تشجيعكم متبخلوش عليا بالتصويت وقولولي رأيكم في البارت في الكومنتات 💜❤❤🖤
دمتم سالمين🖤🖤