رواية حالة نادرة "هي وهو وشخصياته "بقلم نوران جمال

البارت الخامس

ذهبوا جميعا الي مكتب الضابط ليجلس الضابط علي مكتبه ويجلس سالم وحازم امامه بينما تقف الفتاتان
الضابط بجدية:في ايه بالضبط انا وصلي بلاغ من جيرانكم ان في حرامي في الفيلا عندكم وانتوا جايين دلوقتي تقولوا ان هو ابنكم ده غير ان البنتين مضروبين ..
لمار وضحي بضيق:ملكش دعوه بوشنا..لينظر لهم بإستغراب فهما ليسا خائفين منه
سالم بهدوء: كرم ابني مريض بالانفصام وللاسف ده هو اللي بيعمل المشكله..
لينظر الضابط اليهم بإستغراب
حازم بهدوء:انت اسمك ايه..
الضابط بهدوء:انا الرائد احمد..
لمار بحدة فهي تشعر بالقلق علي كرم بشدة:طيب بص يا دكتور احمد احنا اصحاب الشأن نفسه وبنقولك ان هو لا حرامي ولا حاجه وان هو تعبان يبقي خلاص لو حصل اي حاجه احنا بنفسنا اللي هنبلغ..
احمد ببرود:اتكلمي بهدوء يا انسه عشان متباتيش انتي في الحبس..لتزفر هي بضيق
احمد بهدوء وجدية:احنا هنقفل الملف اللي اتعمل النهارده بس لو الموضوع ده اتكرر مش هيحصل كويس ..
ضحي بفرح:تشكر يا ذوق ..
بينما نظرت لمار له بغيظ فنظر هو لها بإستغراب من تلك المجنونه بينما حمد سالم وحازم الله علي ان الامر لم يتطور وفي تلك اللحظه سمعوا جميعا صوت الضباط من الخارج بأن احد المساجين قد هرب
ضحي بخوف:لا مش كرم صح..
العسكري بصوت مرتفع:الحق يا احمد بيه الحرامي الجديد هرب ..
ضحي بسخرية:هو كرم ..
ليخرج الجميع من المكتب فوجدوا كرم يجري ليخرج من القسم وجميع من في القسم يجرون خلفه..
لمار  بصدمة:لولا ان احنا في القسم كنت قولت ان ده هو كابتن كرم..
لينظر احمد لها بإستغراب هل له اكثر من شخصيه
ضحي بتفكير:انا عرفت هنوقفه ازاي ..
لتجري ضحي له
ضحي بصوت مرتفع:يا زعيم الحقني خدني معاك..
احمد بغضب:انتي بتقولي ايه يا بت انتي..
لمار بجدية:ممكن تهدي شويه وتسيبنا نتصرف..
نظر كرم الي ضحي
بعد ان توقف وهو يمسك احد المسدسات التي اخذها من العسكري بجانبه وعن طريقها هرب من القسم واستطاع الخروج
كرم بإبتسامه: في ايه يا فراوله..
ضحي بصوت هادئ وتمثيل:الحقني هيحبسوني ..
كرم بضيق:طيب وانا اعمل ايه..ثم شاور الي احد الضباط الذي كان يقترب منه واكمل:انت ابعد اياك تقرب..
ثم شاور الي ضحي
كرم بجدية:تعالي معايا..
لمار بصدمة:ده صدق..
لتقترب ضحي منه قليلا وبمجرد ان اقتربت كان حازم قد اقترب منه من الخلف ليقوم بوضع يده في منطقه محدده في الرقبه ليقع كرم علي الارض مغشي عليه.
ضحي بغيظ:واخيرا ده صعب اوي..
حازم بفرح:اشطا خلصنا يارب يقوم بكابتن كرم حلو الكابتن افضل من المجرمين دول...
سالم بفرح:جدعة يا ضحي ..
لمار بفرح:احسنتم جميعا..
احمد بصدمة:احسنتم جميعا اه يا عيله يا مجنونه..ليأخذوا كرم في السيارة ويعودوا الي الفيلا دون حتي الالتفات الي اي احد بالقسم بينما جميع من في القسم كانوا مستغربين من ذلك الفيلم الذي حدث امامهم
العسكري بقلق:احمد باشا دول هربوا بيه..
احمد بسخرية:سيبهم يابني دول معاهم شهادات معاملة اطفال..ليدخلوا الي القسم بينما في الفيلا وصل الجميع ونزلوا من السيارات ووضعوا كرم في غرفته ثم اجتمعوا سويا
حازم بهدوء:شخصية الزعيم ديه جديده اول مره نشوفها ..
ضحي بسخرية:ظهرت لما انا جيت..
حازم بسخرية:اسكتي انتي يا فراوله ..ثم بضحك:فراوله علي ايه ده انتي مش ظاهر من ملامحك حاجه..
ضحي بإبتسامه وفخر:بس برضه قمر بطل يالا حقد بقي ..
ليضحك حازم
سالم بهدوء:المهم هنعمل ايه مع كرم ..
ضحي بهدوء:والله ما عارفه ابنك حالته غريبه اوي يا عمو بس التميز في الاختلاف ده انا هعمله ملف يتحط في موسوعة جينيس انت بس اهدي عليا وانا هعملك شغل فل وعشره علي عشره...
سالم بسخرية:ليه انا طالب منك فرش الشقه ..
ضحي بضحك:بضحك معاك يا انكل ايه مضحكش المهم بقي مين هييجي معايا في كورس الرقص ..لينظر الجميع لها بضيق وسخريه من تلك المجنونه ويذهبوا الي الاعلي
ضحي بغيظ: خلاص هدرب نفسي بنفسي انتوا الخسرانين ده الرقص ده هو اللي بيخلينا فريش ..ثم ذهبت الي غرفتها وهي ترقص
ضحي بغناء:احنا فريش وفرافيش احنا فريش نحب نعيش..ثم دخلت الي غرفتها اما في الاسفل كانت الخادمات ينظروا الي مكان ضحي
الخادمه:متأكدين ان هي دكتوره دي حالتها اصعب من كرم بيه..
الخادمه الاخري:هما ياختي عيله مجنونه مافيهمش حد عاقل غير سالم بيه يالا نشوف شغلنا عشان نلحق نريح منعرفش يمكن يصحي البيه في دور الكابتن ويخلينا نجري تاني وانا ضهري مقسوم وتاعبني ..
الخادمه : لا ان شاء الله لا ..ليذهبوا لرؤية عملهم بسرعة حتي يستطيعوا ان يرتاحوا .
في غرفة لمار
لمار بضيق :ظابط حمار بيهددني بالحبس لا ده حمار وحشي مش حمار عادي ..ثم نظرت الي المرايا
لمار بحزن:ربنا يسامحك يا اخويا علي وشي اللي ضاع ده بس ..ثم بإبتسامه: خدي اليمين بقي كويس فاضل خدي الشمال وعيني وبوقي الحمدلله هانت..لتذهب لتنام بينما في غرفة حازم
كان حازم يضع يده علي رقبته فالمشرط قد قام بخدشه خدش بسيط
حازم بإبتسامه: كويس انها جات علي قد كده ..ثم جلس علي السرير
حازم بتفكير:بفكر اروح لضحي يمكن توافق تاخدني معاها في كورس الرقص الواحد يفرفش شويه بدل القاعده ديه ..ليضحك بشده علي تفكيره وينام
وفي غرفة ضحي
كالعاده كتبت كل ما حدث في دفترها فهي في البدايه تكتب كل الشخصيات ثم ستحاول ان تجد لهم حل وعلاج ولكن يجب ان تدرسهم جيدا اولا ثم استلقت علي السرير حتي تنام فتذكرت كرم
ضحي بضحك:بيقولي يا فراوله هههه اللي يشوفه ميقولش انه مكانش مجمع جملتين علي بعض الصبح وهو بيكلمني ..ثم ابتسمت بهدوء واكملت:حكايتك كبيرة اوي يا كرم معايا ويارب اقدر اعالجك ده تحدي والمفروض ابقي قده ..ثم بضحك:انا فراوله ههههه مجنون ابن اللذينا وكالعاده يا تري هصحي بكره الاقيك مين ... ثم نامت
اما في غرفة كرم
كان كرم يحلم بأغاني وطبلة وبدلة رقص .
فيا تري ماذا سيحدث ..انتظروا.
متنسوش الكومنتات برأيكم في البارت والتصويت لو سمحتوا ده تشجيع ومش هتخسروا حاجه
دمتم سالمين ❤❤❤❤🖤