သူ့ညီလေးကို ပုံမှန်လောကထဲကို ပြန်ဆွဲခေါ်ဖို့ စဥ်းစားလိုက်မိပေမယ့် ဝေ့ဒါကရော ဘယ်လိုသဘောထားမလဲဆိုတာ သူမသိတော့။
ဘာကြောင့် ဒီလိုတွေ ဖြစ်သွားရတာလဲ...
ဒါက သမရိုးကျ မဟုတ်ဘူးလေ ...
သူက မိသားစုတစ်ခုအနေနဲ့သာ ချစ်ခြင်းမေတ္တာကို လဲလှယ်ချင်ခဲ့ရုံလေးပါ။
သူဘာအမှားတွေ လုပ်ခဲ့မိတာလဲ...
ဘာမှားခဲ့တာလဲ...
" လွီနင်... ဘာဖြစ်လို့လဲ။ "
လွီနင် သေချာမော့ကြည့်လိုက်တော့ ထောင့်နားမှာ သူ့ကိုကြည့်နေသည့် လျိုကျင်းကို တွေ့လိုက်ရသည်။
" ဇာတ်ကားတောင်ပြီးတော့မယ်။ ဝေ့ဒါက ပြန်လာပြီး နင်က အပြင်မှာကျန်ခဲ့တယ်ဆိုလို့ထွက်လာတာ။ နေမကောင်းလို့လား။ "
လွီနင် အိမ်မက်ထဲမှာ လမ်းလျှောက်နေတဲ့လူလို ဗလာကျင်းနေသည့် အကြည့်တွေနှင့် ပြန်ကြည့်လိုက်မိသည်။ လျိုကျင်းက ရယ်လိုက်သည်။
" ဘာဖြစ်တာတုန်း။ အဲ့ဒီပုံစံက... လာ... ငါကြည့်ပေးမယ်။ "
ရေနစ်နေသူတစ်ယောက်က ကောက်ရိုးတစ်မျှင်ကိုဆွဲသလို လွီနင် လျိုကျင်းလက်ကိုဆွဲပြီးထလိုက်ကာ လျိုကျင်းကို ဖက်လိုက်သည်။
" အမ်…"
လွီနင် တစ်ခါမှ ဒီလိုအပြုအမူမျိုးမလုပ်ဖူးသည့်အတွက် လျိုကျင်းအံ့သြသွားပေမယ့် သဘောတကျ ပြုံးလိုက်သည်။
ရုပ်ရှင်ပြီးသွားပြီဖြစ်၍ ပရိသတ်တွေက နှစ်ယောက်တစ်တွဲ သုံးယောက်တစ်တွဲ ထွက်လာကြသည်။ တစ်ယောက်နှင့်တစ်ယောက် ဖက်ထားကြသည့် စုံတွဲကို သိပ်ပြီး အာရုံမထားကြပေ။
ဒါကမှ တကယ့်လူ့လောကပဲ။
လျိုကျင်းကို ဖက်ထားရင်း ရုပ်ရှင်ပြီးလို့ ထွက်လာကြသည့် လက်တွဲထားကြသော မိသားစုသုံးယောက်ကို ကြည့်လိုက်သည်။
ဒါကမှ ပုံမှန်မိသားစုပင်။
သူ အရမ်းကြီးမရူးနှမ်းသေးဘူး။ သူလမ်းမှန်ကို ပြန်ပြောင်းလို့ ရနိုင်သေးသည်။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
Chapter 15
Start from the beginning
