الفارس والوردة

البارت السادس والأربعون

الكاتبة : عليا الناصر

الفارس والوردة

البارت : ال 46 🥀

كل صبحٍ جاب لي حسّك تبارك
‏كيف لو تشرق على جيتك عيني
مقابلك في ليل ولا في نهار
‏تسوى بـ عيوني شي ماتتخيله
من عرفتك وأنت لـ عيوني حبيب
‏ماعرفت اشتاق من بعدك لأحد
وأنا حالف مادمت حي مع الحيين
‏ماياتي مثلك بالغلا واحدٍ ثاني
مكتفي بك .. مآ بقآ للنآس دآعي
‏يآ عوض نفسي عن الكل وكفآ !
‏وين مآ هبّيت .. وجّه لك شرآعي
‏أحتزم طآريك .. وأبحر لك وفآ
إن ضعت في مركبة عينك
يا ملح الغرام
‏جعلني آضيع في عينك
ولا عاد أدل
من يقابل رمش عينك
رضى ربي عليه
‏اشهد ان امه .. دعت له وربي وفّقه

-------------

شذر : ما راحت للصالون وياها لزينة من ورى ساطع فبقت شمس عدها ورضوى راحت وياها تقربت من زينة طالعة كلش حلوة الله يحفظك من العين والحسد

سلمى : جتي هي وريم بس وجهالها ما جابتهم وياها لأن راحوا لبيت جدهم أبو محمود أمين يا رب مبروك حبيبتي ويا حظ بارق بيچ اليوم شلون راح يتحمل وغمزتلها لزينة

حجية صفية : الله يحفظچ بنيتي من كل شر ويفتحها بطريقچ وباوستها وحقة بارق ينتظرچ كل هالسنين هذي وما يتخلى عنچ لنچ تستاهلين

سرمد : دخل يركض عمة زينة طالعة شگد حلوة مثل سندرلا والاميرة النائمة بالفلم هسة خالو بارق تسحرينه مثل الأميرة النائمة من سحرته للأمير وخلته يحبها بس هي نامت والا باسها الأمير يله گعدت هسة خالو بارق هم يب...

شذر : قاطعته بعد ما كفختة على كيفها على راسه شهالكلام هذا اللي جاي تگولة عيب ماما بعدين إنتَ شعندك هنا جاي ليش ما بقيت يم بابا وخزرته

سرمد : إعترض كله عيب وبعدين شأسوي أروح ويا بابا وهو ما يروح للعرس مالت خالو أني إجيت أشوف عمة زينة شلون طالعة وحتى أنتظر خالو بارق يجي حتى أصعد وياهم بالصدر مالت سيارة العروس

شذر : بعد لا ويتشرط الجني مالك كل صعدة بسيارة العروس وراح نروح ويا خالو عزام

سرمد : ما عليه أني أروح بسيارة العروس وعگد حواجبة مو عمة زينة تاخذوني وياكم

زينة : إنحنت عليه وباستة من خدة إي تعال وأصلاً لازم تجي وتركب ويانا لأن إنتَ حبيب عمتك ورجعت باسته من خده الثاني

ريم : يا معودة ضمي شوية لبارق خطية وسرمد عند شذر تحبة

سلمى : همستلها ريم خفي عليها شويه شوفيها شلون خجلت وراح تسيح من الخجل

رضوى : هم همستلها اي ريم صحيح كلامها لست سلمى ترى زينة بالگوة مصبرينها وهسة تگوم تبچي