الفارس والوردة

البارت الرابع والعشرين

الكاتبة : عليا الناصر

الفارس والوردة

البارت : 24

شذر : بعد ما هنوها وباركولها  أهلها اللي جوي همة وحجية صفية جابتلها الممرضة إبنها ومن شافته أخذته منها وحظنته بلهفة وشمته وباستة حبيبي وگامت تبچي

حجية أمينة : أدري ليش تبچين يا أمي هسة والله البچي مو زين إلچ

حجية صفية : إي خالة كلام أمچ صحيح لا يروح يجف حليبچ من صدرچ هسة عليش هالبچي هذا هاي وليدچ وبحظنچ والله سهلها عليچ وإثنينكم بخير

شذر : والله ما أدري بس أحس حسرة بگلبي

بارق : حب يخفف عليها شوي لا هاي دموع الفرح لأن شذر ما مصدگة تجيب ولد عبالها راح تجيب بنية

حجية صفية : خالة وشبيها البنية والله نعمة من الله وأنة دومي تمنيت تصير عندي بنية ومن صارت الله خذاها برحمته ولنها مو من قسمتي بس الحمدلله الله عوضني بشذر اللي هي مثل بنيتي وتقربت عليها لشذر حظنتها وباستها من راسها

طارق : دخل شايل باقة مالت ورد كبيرة وبعد ما سلم عليهم وباركلها لشذر لا تگولين عليه بخيل بس أدري بيچ تحبينه للورد هواية ووالله بقيت أفرفر ووگعت رجليه لما لگيتلچ ورد طبيعي وجبته الچ

حجية أمينة : خالة ليش كلفت على روحك ومكسر رجليلك خطية بالفر جيتك لهنا كافية

طارق : لا خاله هاي شذر أخيتي الغالية وتستاهل أكثر من الورد بعدين إذا إلها ما أجيب الورد لعد إلمن أجيبه

شذر : تسلم طارق وعاشت إيدك وهذي أحلى هدية والله

طارق : تدللين شكم شذر عدنا وتقرب من سرمد وباسه وربت على راسة ما شاء الله .. ما شاء الله يوم شوفيه شلون حلو أكيد طالع عليه ويشبهني مو بالله ومن ضحكوا عليه شبيكم تضحكون هاي تغارون مني لأن طلع إبن أخوية عليه ويشبهني شذر شسميتو لهذا البطل حبيب عمة وشبيهة

ساطع : دخل وراه سرمد وتقرب على طارق ها شفته زين أحسن ما خبصتني من البارحة بس تنگ وتريد تشوفة

شذر : ما كانت تدري راح يسميه سرمد لأن عبالها راح يسميه بعنادها على إسم أبوه بقت صافنه عليه ودنگت عليه وباستة عمري سموك سرمد

حجية صفية : والله خوش إسم وإن شاء الله يكون مثل إسمه شهم وقوي ومثل الأسد

حجي عبدالله : أكيد راح يطلع شهم وقوي مثل أبوه الله يحفظة

ساطع : الله يسلمك عمي ويحفظك إلنه وورى يومين طلعوها لشذر من المستشفى هي وإبنها بعد ما تطمنو على صحتها وأهلها ودعوها وراحوا لبيتهم وهي رجعت لبيتها وطلب من فرج وخلف يذبحوله وأول ما وصلو ذبحوله خرفان إثنين ودخلوهم للبيت وإجني نوفة ورضوى وزينة وهنوها لشذر وباركولها وحتى سلمى هم إجتي تبارك لشذر