الفارس والوردة

البارت الخامس عشر

الكاتبة : عليا الناصر

الفارس والوردة

البارت : 15

شذر : راحت لدوامها الصبح صادفها دكتور عبدالفتاح ها دكتورة إرتاحيتي هسة وبرد گلبچ

شذر : عفواً دكتور إنتَ عن شنو جاي تحچي ترى ما فهمت عليك

عبدالفتاح : صارلي فوگ ال10 سنين مدير هنا ومحد فكر ينقلني لو يجمدني تالي عمري تجين إنتِ دكتورة صغيرة وتطيريني من وظيفتي

شذر : منو هاي اللي طيرتك ليش هو أني شلي علاقة بيك

عبدالفتاح : من يوم اللي إجيتي بي هنا للمستوصف وإنتَ شايله خشمچ عليه وعبالك أني أشتغل عندچ وما عاجبچ شي وخربتي كل شي وحتى النظام اللي أسسته من 10 سنين إنتِ غيرتي وما مشيتي عليه ويكون بعلمچ أني هسة طالع بوجهي رايح للوزارة حتى أعترض على الأمر مالت النقل والإستبعاد ونوب راح أروح لبيت الشيخ صقر وأرد أشوف يقبل هو وشيخ ساطع على سوايتچ هاي وعافها وطلع

شذر : سألت الممرضة هذا شبيه وشجاي يحچي والله كل شي ما إفتهمت منه

الممرضة : حقة مقهور اليوم صدر أمر نقله وجابولنة دكتور جديد خلوه هو المدير بمكانة وطلع يعرفچ على حسب كلام محروس ويمكن گرايبچ يصير وعلى هاي دكتور عبدالفتاح ضايج لأن يعتقد إنتِ اللي طيرتيه وجبتي لگرايبچ بمكانه وعلى أساس راح يسوونها للمستوصف مستشفى 

شذر : گرايبش هذا اللي أجيبه وأخليه بمكانة قابل أني وزيرة الصحة وبكيفي أحط وأشيل ومنو هذا الدكتور اللي تگولون عليه گرايبي خلي أشوفة بالله إجى لو بعده وبعدين مو زين تصير مستشفى حتى يجيبولكم بعد گادر طبي وتستفادون منها

الممرضة : دكتور عبد الفتاح متوالمة هالسالفة هذي والدكتور الجديد وصل وسأل عنچ أول ما دخل بالإسم ما تشوفين دكتور عبدالفتاح منغاض وشايط وهسة حالياً هو بغرفة المدير گاعد لأن إستلم الإدارة راساً من وصل

شذر : رايحة أشوفة منو وراحت دگت الباب وفاتت كرم شنو هالمفاجئة هذي لو لازم أگولك دكتور كرم

كرم : گام من مكتبه والله إنتِ تمونين هلا وكل الهلا بشذرتنا شلونچ شخبارچ گالوا تزوجتي هنا من أهل القرية مبروك ولو متأخرة

شذر : إي تزوجت والله يبارك بيك بس شلون هيچ إنتَ شجابك لهنا

كرم : والله صارت مشاكل بالبيت وإضطريت أطلع بيت وحد ووراها صارت شغلات مالت طائفية بالمنطقة اللي چنت گاعد بيها فما گدرت أظل هناك وخفت عالجهال ينخطفون ويذبحونهم فحولت أوراقي وقدمت نقل وطلبت من زيد يتوسطلي ويجيبني بمنطقة هادية ما بيها مشاكل وهو ما قصر وجابني هنا عاد أجرت بيت بالناحية وإستقريت

شذر : كل الهلا بيك بابا راح يفرح من يسمع بيك إجيت لهنا أمانه روح زورهم وبالذات ماما تكيف بيك وبهدى مرتك والجهال وخطية خليهم يشوفون المزرعة مالتنه وخيول بارق ويغيرون جو