My Native Wife 2: The Jason & Lara Story [COMPLETED]

Chapter 5

Habang kasalukuyang naglibot sa mga magagandang tanawin ang team ni Lara, si Jason nama'y nagmumuni-muni sa nangyari at para bang hindi makapaniwala na nagkita sila uli ng insekiyurang babae. Ang liit talaga ng mundo at dito pa mismo sa liblib na lugar sila nagkita uli. Well, aminado naman siyang maganda talaga ang babae pero naiinis lang talaga siya sa mga maaarte. Natuturn-off kasi siya sa ganoong klaseng babae na kapag pakawalan sa bundok ay hindi na mabubuhay. Napailing nalang siya nang 'di namalayan sa mga bagay na naiisip niya.

"Ang liit ng mundo, ano?" Pinutol ni Gab ang pagmumuni-muni ni Jason. Nakangiti pa ito habang papalapit sa kaniya sa balkonahe.

"What do you mean, bro?" Patay-malisya niya. Mahirap na baka makarating pa sa lolo nila ang isyung ito. Kapag nagkataon, tiyak na tapos ang maliligayang buhay-single niya.

"Huwag mo nang ikaila. Alam ko ang nangyari sa inyong dalawa ni Lara kanina. Well, excited lang naman ang asawa ko sa natuklasan niya." Tinapik pa nito ang balikat ni Jason at tumawa nang makahulugan.

"Ano?" Parang namutla nang bahagya si Jason sa narinig niya. Alam na kaya ng lolo nila ang nangyari sa kanila ni Lara? Hindi niya napigilan ang sariling mabalisa, tanging dalangin niya na sana'y hindi pa ito nakarating sa lolo nila. Napasapo nalang siya sa kaniyang noo habang paroo't-parito sa balkonahe.

"Relax lang, bro. Ganiyan din ang pakiramdan ko noon eh. What a cliche! Pupuwedeng mangyari sa'yo ang nangyari sa'kin last year." Lalo pa itong tumawa nang malakas.

"Tumigil ka nga!'' Asik nito kay Gab.

"Whoa! Relax. Binibiro lang kita eh." Itinaas pa ni Gab ang mga kamay niya na waring sumusuko.

"Then, it's not funny!"

"Alright. Sorry na. Natutuwa lang talaga ako sa mga nangyayari. Pero sigurado naman akong hindi mangingialam ang asawa ko sa bagay na 'yan."

"Sana nga. Pero kailangan kong makasigurado."

"Baka pauwi na sila kaya abangan mo nalang para matiyak mo."

"Right! You're right. Diyan ka lang, huwag kang susunod." Wika nito habang kumaripas ng takbo palabas.

Nag-abang siya ng may kalayuan sa bahay nila. Mahirap na baka makita pa sila ng lolo nila at maghinala. Inabot siya ng 20 minuto bago niya natanaw ang grupong pauwi. Hindi na niya natiis at sinalubong niya ang mga ito. Binati siya ng mga kasamahan ni Lara pero deadmahan lang silang dalawa.

"O kuya, saan ka pupunta?" Tanong ni Ariya sa kaniya.

"Ikaw ang sadya ko. I wanna talk to you." Seryoso niyang tugon. Kinabahan naman si Ariya sa tinuran niya.

"Uhm, Ms. Lara, you better go ahead. I guess we have an import matter to discuss."

"Okay, no problem.''

Hinayaan nila munang makalayo si Lara saka sila nag-usap.

"So, what now?" Bungad ni Ariya.

"I have a favor to ask..."

"Uh hmmm."

"I know I caused so much trouble on you last year but please, don't tell apo about Lara, okay?"

"So, you're afraid that it might happen to you. Hmmm, this is funny!" Hindi napigilan ni Ariya na humagalpak sa kakatawa sa reaksiyon ng pinsan niya.

"Please, I beg you. I don't want another trouble again. What happened to you last year is more than enough." Malungkot na wika ni Jason.

"Don't worry. I'm not holding a grudge nor planning to revenge, okay? I promise, I will not meddle your love life."

"Thank you." Sa sobrang tuwa, niyakap niya ito nang 'di oras.