اسكريبتات ل سلمى ياسر

اسكريبت 33

-سلمي
=نعم
-انا بحبك
=طيب
-وانتي بتحبيني
=حبك برص
-لا متقوليش على نفسك كده
=ايه يا عره
-ايه يا قلب العره
=ايوه وبعدين
-ولا قبلين هنتجوز
=بس انا مش بحبك
-لا بتحبيني انتي ايش عرفك
=أحمد
-يقلبه
=اتكتم
-حاضر
=مؤدب اووي يواد
-قلب الواد
=يادي القرف
-انا قرف يا سلمى
=بقولك ايه انا هطلع شقتنا
*أحمد يبقي ابن عمي واحنا ساكنين ف بيت عيله هو اكبر مني ب سنتين *
=ماما
_ايه يا اخره صبري
=لو لقياني علي باب جامع قولي ومتتكسفيش
_قصري عايزه ايه ؟
=عايزه اخرج مع صحابي
_مفيش خروج
= ليه بس يا ست الكل ؟
_انا مبحبش خروج البنات ده بلاش قله ادب
=حيث كداا بقى نلجأ أحمد .. أحماااااا
-مبكلمكيش
=طب رد هقولك بس
-عايزه ايه؟
=عايزه اخرج
-والمطلوب؟
=تقنع ماما
- اني اخرجك يعني ؟!
=لا طبعا انا هخرج مع صحابي
-طيب خلي صحابك يقنعوها
=وحياتي يا أحمد
-مش هضعف لا
=عشان خاطرك بنوتك الصغننه
..
-ياا مراات عمااي
_ايه يا واد في ايه ؟
-هخرج انا وسلمى
_هي عايزه تخرج مع صحابها
-م انا هروح علي قلبها متقلقيش
_لا هي كمان مبتذاكرش وهي ثانويه عامه الفاشله الساقطه
-بصي طيب هخرجها واخليها تفك كده واسحلهالك ف المذاكره حاضر
_طب م انت يابني وراك الكليه بتاعتك ومش فاضي
-هتصرف انا متقلقيش ها موافقه؟
_طيب يابني اللي تشوفه صح
-حبيبتي يا مرات عمي ولله
..
- انتي ياا بت
=اسمي سلمى
-طيب انا هروح اقول ل مرات عمي تحبسك ومفيش خروج
=يا قلب البت انت يا ميدوو يا قمر
-دلوقتي قلب البت وميدوو وقمر
=متبقاش قفوش بقاا
-هي وافقت بس بشرط
=ايه؟!
-اجي معاكي
= بس ..
-مفيش بس ها هننزل امتاا ؟
=هجهز اهو دلوقتي
-طيب يلا مستنيكي
=طيب *جهزت ونزلنا اتقابلنا ف اول دور عند جدي *
-ايه اللي انتي لبساه ده؟!
=ماله!
-حلو اوي
=ايوه فين المشكله !
-هتتعاكسي وهتبقى جنايه
=متبقاش اوڤر
-مفيش خروج
=وبعدين يعني؟
-تطلعي تغيري
=انا لو طلعت ماما مش هتنزلني تاني
-اه والمطلوب
=هنخرج كدا زي ما انا وانت معايا اهو ومش هيحصل حاجة
-طب استني
=ايه ؟
*طلع خاتم من جيبه ولبسهولي *
=ايه ده
-عشان اللي يبصلك يعرف انك مخطوبه
=بس انا مش مخطوبه
-بس انتي بتاعتي
=يوووه
-غصب عنك بتاعتي
=شكلها خروجه لطيفه
-جداا
=مستفز
*ضحك ومشي الحمدلله مقاليش قلب المستفز😒*
-سلماااه
=اييه بتزعق كده ليه !!
-صحابك معاهم ولاد كتير
=مش كتير ولا حاجة هي كل واحده جايه مع خطيبها بس
-وانتي كنتي عايزه تسيبي خطيبك وتيجي لوحدك؟
=انت مش خطيبي
-هبقى خطيبك
=بس يا أحمد
* لقينا صحابي واقفين وفي ناس جايبه صحابهم تانيين * وبدأو يبصوا ل أحمد ب اعجاب بس انا مضايقه ليه !! لقيتني بمسك ايده عشان يعرفو انه ليا لوحدي وهو فرح بغيرتي ومسك ايدي جامد وسلمنا عليهم هو مانعني اسلم ع رجاله ف سلمت ع البنات بس وهو سلم ع الرجاله بس ،، قمر أحمد ولله 😹♥ دخلنا كافيه كالنا وهو كان بياكل عادي وانا براقب ف البنات اللي بتبص عليه ولقيتني بأكله ب المعلقه بتاعتي وبقوله خد دي من ايدي يا حبيبي ! وهو بصلي وابتسم وكالها وباس ايدي ف بصيت للبنات اللي بيبصوا عليه لقيتهم متغاظين فرحت 😹💃 خلصنا أكل وطلعنا نتمشى كلنا سوا لقيته  بيقولهم ..
-  معلش هاخد خطيبتي ونتمشى لوحدينا ومسك ايدي وشدني وانا فرحت اووي انا هبله اصلاا زي ما هو بيقول علياا
اتكلم هو : غيرتي عليا صح؟
=لا طبعاا
-اومال عملتي كدا ليه؟
=عشان انت ابن عمي انا
-بس انتي مش هتتجوزيني ف هشوف واحده تانيه بقا
=انت مش هتصمم وتقولي انتي بتاعتي وكده
-م لما بقولك كده بتتقمصي وتمشي
=مش همشي
-يعني ايه؟
=يعني طلعت بحبك فعلا
-هتتجوزيني؟
=مليش غيرك ومحدش ينفعلي غيرك
-بس انا اخوكي
=هنغلس بقا !
-هحبك اكتر بقاا
=أحمااد
-يا مجنناه
=هم حلوين ؟
-هم مين
=البنات دي
-انتي احلى واحده ف البنات واحلى واحده شيفاها عيني 💛
=يا راجل انت طلعت قمر خالص اهو 😹💛

💛لولا وجودك ما حييت💛
#سلمى_ياسر

" متنسوش لو عجبكم الاسكريبت تدعمونا بفولو ولايك 💛 "