اسكريبتات ل سلمى ياسر

سكريبت 13

- أحمد انت حلو اوي
= قلبي يارب
- بتكلم بجد على فكرة
= حلو ازاي طيب ؟
- يعني مبتزهقش مني ، انا طفلة جدا ومملة وبزهق اي حد بس انت مزهقتش ومكمل معايا ، بتقولي انا بغير متكلميش ولاد وبييجي موقف يحكم اني اتعامل مع ولد واجي احكيلك ف تزعل مع إني ببقى جايه اقولك بس غيرتك بتغلبك ، عارف لما بزعل وانت تيجي تصالحني مع اني غلطانه .. بفرح وبحس إني فارقه معاك .. بحس بحبك ليا وبحب حنيتك ، ولما بعيط وتضايق وتزعقلي عشان بعيط .. بضحك .. بضحك اوي وبفرح من قلبي بجد إنك مش عايز تشوفني زعلانة
= انا بحبك يا سلمى ومش عايز اشوفك زعلانه ، عايزك ديما كويسة وبتضحكي ، ضحكتك حلوة اوي ، ضحكتك دي اللي معيشاني .. انتي بنتي قبل ما تكوني حبيبتي وانا عمري ما هستحمل اشوف دموع بنتي
- بنتك بتحبك اوي
= وانا بحبها اوي
- المهم
= إيه ؟
- هتخطبني امتا ؟
= هخطبك امتا ؟ امم ، انتي تحبي امتا ؟
- دلوقتي
= واقعة اووي
- مش اكتر منك
= دي حقيقة ، ده انا دايب يا ناس
- ايوه هتخطبني امتا ؟
= بصي هي المفروض مفاجأه بس انا هقولك.
- ايه !
= حضرتك إحنا قراية فاتحتنا اخر الاسبوع
- إيه ؟ احلف ! اخر الاسبوع ! ايه ده استنى .. اخر الاسبوع ايه ده .. ده بكره !!
= بالظبط كده
- يعني من بكره هتبقى خطيبي رسمي ؟
= ايوه
- وهكتب خطيبة أحمد ؟
= ومرات أحمد كمان
- يا فرحة قلبي
= عارفة ؟
- عرفني
= مش مصدق إنك معايا وإنك جمبي كده ، مش مصدق إنك بكره هتبقي خطيبتي رسمي ، هتبقي بتاعتي لوحدي قدام الناس كلها
- انا ليك لوحدك من زمان
= بس بكره الدنيا كلها هتعرف إنك خطيبتي وليا لوحدي
- قلبي يا ناس
= دنيتي كلها
* تاني يوم *
"" الموبايل بيرن ""
- الو
= صباح الخير يا ست البنات
- صباح النور يا حبيبي
= يلا قومي النهارده قراية فتحتنا واول خطوة ف مشوارنا عقبال ما نوصل ل كتب الكتاب وتبقي مراتي بقا
- ضحكت ،، خطيبي القمر
= قلبه من جوا
- يلا هروح اشوف ورايا ايه
= سلمى
- قلبها
= بحبك
- بموت فيك اصلا
* قومت اتوضيت وصليت وحمدت ربنا النهارده قراية فتحتي على أحمد حب سنتين *
لقيت فستان متعلق على الدولاب فتحته اشوفه ، كان لونه فضي وحلو .. حلو اوي شبه أحمد
جهزت والضيوف جت وكل حاجة كانت متظبطة وانا اخر من يعلم حلو اوي الكلام ده
= سلمااااة
- حبيبي وصل
= ايه القمر ده ما شاء الله
- اجي جمبك ايه يعم الحلو
= يقلب الحلو ، زي القمر يا ناس بحب بطل
- قلبي يارب

لبسنا الدبل ورقصنا وهيصنا وضحكنا وخلاص اخيرا بقيت خطيبه أحمد بيه
""
عدت فترة على خطوبتنا وكان فيها الحلو والوحش بس كنا بنقدر نعديه ، انا كنت عارفه أحمد من قبلها بسنتين وعارفه دماغه وطريقته وهو عارف طفولتي وهبلي وبيعرف يتعامل مع تقلباتي المزاجية وهو الوحيد اللي بيعرف يضحكني ويطلعني من الزعل والكآبة
= هنكتب الكتاب امتا بقا انا عايزك تبقي مراتي كده كتير
- لا استنى شويه مش هتدبسني بسرعه كده
= ده انا احلي تدبيسه
- دي حقيقه
= طب ايه ؟!
- ايه !
= هنكتب الكتاب امتا ؟
- اسأل بابا
* كلم بابا واتفقوا على اخر الاسبوع ، هم بيغفلوني ليه هاا !! اخر الاسبوع ده بكره ! وكل حاجة متظبطه بردو ! هو انتو بتعطفوا عليا وتقولولي قبلها بيوم ؟ قولولي ومش هزعل
* الموبايل بيرن *
= مراتاااااي
- ايه ايه في ايه ؟!
= كتب كتابنا النهارده يا ست البنات وست قلبي وست الدنيا كلها
- خضتني يا أحمد
= سلامتك من الخضة يا روح أحمد
- مش مصدق نفسي يا معتز ، هتبقى جوزي النهارده .. يا فرحة قلبيي
= بحبك يا سلمى ، بحبك اوي
- بحبك يا قلب سلمى

العيلة والصحاب والناس كلها اتجمعت عشان كتب كتابي على احلى واعظم راجل ف الدنيا وكلهم فرحانين إننا خلاص بقينا لبعض وهيبقى جوزي 💃

= سلماااه
ايوه هو أحمد وصل *
- قلب سلمى
= هانت ، كلها دقايق وتبقي ليا وتسكني حضني

* ضحكت وبصيت ف الارض *

= لا كده هحضنك قبل كتب الكتاب والدنيا هتبوظ
- ضحكت ومردتش

"" بارك الله لكما وبارك عليكما وجمع بينكما في خير ""

* ساب الناس كلها وبيدور عليا ، وقف قدامي وضحك ودموعه نازله
= اخيراا
- بدموع - اخيراا يا أحمد
= عمري ما هزعلك ولا هبعدك عني ثانيه هتفضلي طول عمرك في حضني ومش هتغيبي عني
- حضنك ده بيتي ، المكان الوحيد اللي راحتي فيه
= بحبك يا سلمى 💛
- بحبك يا قلب وروح سلمى💛

💛👑 لولا وجودك ما حييت 👑💛
#سلمى_ياسر