اسكريبتات ل سلمى ياسر

اسكريبت 25

- بتغيري من صحابه ؟!
= وأغير من امه نفسها عادي
ياسمين : انتي مجنونة !!
= ايوه هو بيقعد معاهم اكتر مني وبيكلمهم اكتر مني وهما بيشوفوه اكتر مني
ياسمين : هو مش بيكلمك وهو معاهم ؟
= ايوه
ياسمين : يعني حتى وهو مع صحابه فاكرك ومش مطنشك ؟
= ايوه
ياسمين : طب ايه !
= ميقعدش معاهم بردو
ياسمين : انتي فعلا مجنونة
= انا بغير حتى من صحابه ، مش عايزه حد أهم مني عنده وعايزه ابقاله انا كل حاجة ، انا انانية فـ حبي ليه
ياسمين : بس ده مش صح يا سلمى ، اي حد عنده صحاب وبيقعد معاهم وبيخرجوا مش عشان انتي بتغيري عليه من صحابه تمنعيه وبعدين بتغيري عليه من مين دي اشكال غريبه
= لا فيهم حلوين
ياسمين : اقول لـ أحمد دلوقتي انك بتعاكسي صحابه اللي مش بتحبيهم ؟
= مش بعاكس حد هم معفنين جمبه اصلاا
ياسمين : بتجيبي ورا ليه يا استرونج وومن
= عشان هو ممكن يزعل مني لو قولتيله كده
ياسمين : وانتي زي الهبلة كده فكراني هقوله !
= انا بحبه اوي ، بحبه بطريقة مؤذية لـ قلبي ومُرهِقة لـ روحي ، بغير لو قالي اسم بنت ، بغير لو حكالي على زميلته في الشغل ، لو قابل حد من صحابه بتوع الجامعة بغير وبفضل اتخانق معاه ، مببقاش عارفه بتخانق ليه بس هو ليا لوحدي ، انا بس اللي اشوفه واحبه وابقى معاه ، انا بس اللي في حياته ، عيزاه ليا لوحدي
ياسمين : طب نتكلم بعقل ؟
• تتكلمي بعقل مع سلمى ! لا بتهزري
= قصدك إيه يا بيه يعني انا مش عاقلة
• باس راسي - انتي ست العاقلين يا ست البنات
ياسمين : تعالى يا أحمد شوف سلمى بتقول إيه
• بتقول إيه ؟
= مقولتش حاجة يا حبيبي دي بتهزر
ياسمين : بتقول إنها عايزه تقدّم الفرح شويه وتتجوزوا بقا
= نتجوز ! تصدقي انتي مهزءه
• انتي مش عايزه تتجوزيني ولا إيه ؟
= مش عايزه اتجوزك ؟! يابني انا لو عليا نتجوز دلوقتي
ياسمين : واقعه اوي
= ملكيش دعوة
• هنتجوز بسرعة حاضر
ياسمين :  انا هقوم امشي بقا
= احسن بردو يلاا
ياسمين : واطية
= قلبي يارب'

( قامت مشيت وهو قعد جمبي )

• كنتوا بتتكلموا في إيه ومش عيزاها تحكيلي ؟
= طب سيب خدودي اللي عمال تشدها دي
• ابوسها طيب احلى ؟
= أحمد
• روح قلبه
= اتلم
• بشوفك مبعرفش اتلم مش عارف ليه
= عشان انا قمر
• انتي قمر فعلا انتي مش بتكدبي
= بتحبني ؟
• بحبك بس ! ده انا بحبك وبموت فيكي وبعشقك وإيه القمر اللي انا خاطبه ده يا جدعاان
= ربنا يخليك ليا يا حبيبي
• ايوه بردو مقولتليش كنتي بتتكلمي في ايه ومش عيزاني اعرفه ؟
= ومش هنتخانق ؟
• عملتي مصيبه صح ؟
= لا والله معملتش حاجة
• طب الحمدلله ، قولي في ايه بقاا !
= كنت بحكيلها على صحابك
• مالهم صحابي هي عايزه عريس ؟!
= عايزه عريس ايه دي مخطوبة وبعدين هي لو عايزه عريس هجبلها من صحابك يعني
• وانا صحابي وحشين يعني
= لا بس انا مش بحبهم
• بنفس طريقتي - ومش بتحبيهم ليه ؟
= عشان بياخدوك مني
• يا حبيبي محدش يقدر ياخدني منك وانتي عارفه انتي عندي إيه ، بس هقولك حاجة .. وانا معاهم بنساكي ؟
= لا مش بتنساني
• بعمل إيه بقا ؟!
= بتطمن عليا كل شويه وتسألني عامله ايه وكلت ولا لا وبعمل ايه وكل حاجة بردو
• اهو انتي قولتي يعني حتى وانا معاهم فاكرك ومعاكي ومش سايبك صح ؟
= صح
• مسك خدودي تاني - اومال زعلانه ليه بقا ؟
= عشان عيزاك ليا لوحدي
• ما انا في الاول وفي الاخر ليكي لوحدك اومال هبقى لمين غيرك !
= ليا انا بس ومش لحد تاني
• ضحك - والله هبلة
= والله ضحكتك بتاخد قلبي
• والله انا بموت فيكي
= وانا بحبك قد الجنة
• مكدبتش لما قولت طفلة والله
= قصدك إني عيلة صغيرة يعني
• لا يا حبيبي انتي طفلتي انا
= اتثبت خلاص
• ده مش تثبيت دي حقيقه
= يابني هحبك اكتر من كده ايه
• مش عارف والله
= ضحكت - رخم اصلا
• قلب الرخم اصلا وبعدين هو احنا مش هناكل ولا ايه
= تحب تاكل ايه حضرتك ؟
• ابغى اقولك هاكل ايه بس استحي
= ما هو لو اللي في دماغي صح هنكد عليك
• انا اسف خلاص
= انت مش محترم
• قلب المش محترم
= انت ايه اللي جايبك بيتنا اصلا ؟
• هي الهانم مش عارفه إني معزوم عندكوا النهارده
= انت معزوم على الغدا جاي من الضهر ليه ؟
• عشان اقعد مع بنتي
= مش هتثبت متحاولش
• طب تعالي بس معايا كده
= في ايه ؟
• قومي بس