اسكريبتات ل سلمى ياسر

اسكريبت 10

- حبيبي .. ؟
= قلب حبيبك
- عايزه اقولك على حاجة
= قولي يا ماما في ايه !
- انا كنت عند الدكتور النهارده و.. يعني .. اصل ..
= في ايه يا سلمى اتكلمي

فضلت بصاله ومتردده اتكلم و .. خايفه

- انا مبخلفش ..

بصلي بمنتهي الهدوء وقام قعد جمبي وخدني في حضنه وطبطب عليا

= هو ده اللي انتي خايفه تقوليه ! ايه يعني مبتخلفيش انا مش عايز ولاد انا عايزك انتي ، انتي بنتي وكل حياتي
- بس انت من حقك يبقى ليك عيال ، ايه اللي غاصبك تفضل مع واحده مبتخلفش !
= بحبها ، مش هسيبها عشان بحبها ووجودها ب ألف عيل
- بس ده حقك
= انتي حقي ، انتي بنتي وحبيبتي ، انتي كل اللي يهمني في الدنيا دي
- بس ..
= مفيش بس ، انا بحبك ومش هسيبك ومش عايز عيال انا عايزك انتي

كنت ماسكه دموعي ، مش عايزه اعيط عشان مصعبش عليه ف ميسيبنيش .. بس هو مسابنيش رغم ثباتي
حضنته وعيطت ، انا كان كل حلمي اجيب عيل يشبهله ، يبقى معايا وقت غيابه واحبه زي ما بحب ابوه ، اتحرمت من الحاجه اللي كان نفسي فيها ، مش هبقى ام !

= سلمى
- نعم يا حبيبي
= انتي امي ، حتى لو معندناش عيال انتي هتبقي بنتي وانا ابنك ، الدنيا كلها تهون قصاد دقيقه في حضنك ، الدفا اللي بحسه معاكي مش بحسه مع حد والراحة اللي قربك دي بالدنيا ، متزعليش انا مش زعلان انا عندي انتي و ده سبب كفايه إني احمد ربنا وابقى مبسوط

حضنته اكتر وفضلت اعيط

- انا معاك يا حبيبي ومش هسيبك ، متخافش ماما معاك
= انا بحب ماما اوي
- ماما روحها فيك

نمت في حضنه .. اكتر مكان برتاح فيه في الدنيا دي كلها ، الدفا اللي بحسه بين ايديه مش هلاقيه غير معاه هو .. 💛

صحيت لقيته مش جمبي وسايبلي ورقه

* انا هروح الشغل وهستأذن واجيلك بدري ونخرج نغير جو ، بحبك يا طفلتي *

حضنت الورقه وعيطت ، محدش هيحس ب وجعي ... انا مبخلفش وهو مضطر يفضل معايا عشان ميسبنيش .. !
..
= حبيبتي انتي فين ؟ انا جيت
- انا اهو يا قلبي

" كنت لابسه فستان زهري وفي ورد ابيض وطرحه بلون الورد "

= ايه القمر ده
- يا حبيبي انا حلوة بيك
= انتي حلوة من غير حاجة اصلا

حضنته وسندت راسي على كتفه ، هو ازاي شخص واحد قادر إنه يطمني ويفرحني لمجرد إنه في حياتي كده ، هو ازاي بالطيبة والحنية دي كلها ! 💛

= سلمى
- عيونها
= بحبك
- دايبه والله
..
خرجنا واتبسطنا وكنت فرحانة بيه ، انا مبضحكش من قلبي غير معاه .. هو فرحتي 💛

= لومتي
- نعم يا حبيبي
= ايه رأيك نتبني طفل

بصتله شويه ومش عارفه ارد بس كنت مبسوطه

- دي فكرة حلوة اوي
= خلاص هنروح بكره ونشوف

اتفقنا إننا هنروح دار ايتام ونشوف الاطفال اللي هناك
روحت وانا مبسوطه ، جماعه انتو مش متجوزين ناس قمر زي عبدالرحمن ليه !
نمت في حضنه كالعاده ، مبعرفش انام بعيد عنه .. ازاي كنت عيزاه يسيبني !
صحيت قبله وفضلت بصاله وهو نايم ، ازاي حد حلو كده ! مفيش حد حلو زيه اصلا
قربت منه ولعبت في شعره لقيته فتح عينيه وشدني لحضنه

= مش عيب لما تفضلي تتفرجي على الناس وهي نايمه كده
- ما الناس هي اللي حلوة و زي القمر اعمل ايه
= صحيهم يشوفوكي عشان يعرفو إن القمر بين ايديهم دلوقتي اهو
ضحكت وجيت اقوم لقيته ماسك ايدي
- ايه !
= لسه عايز انام
- لا هتقوم عشان نروح دار الايتام
= امم طيب يلا

روحنا دار الايتام وفضلت العب مع العيال الصغيره وجبتلهم حاجات حلوة كتير

- عبدالرحمن هو انا ممكن اخدهم كلهم
= ضحك - عنيا ليكي

لقيت طفل قاعد لوحده في جمب وشكله زعلان

- مالك يا حبيبي ؟
< مفيش
- طب انت اسمك إيه ؟
< اسمي مَالِك
- انت عارف إني بحب اسمك اوي
< انتي حلوة اوي يا ماما

لما قالي ماما قلبي اتاخد وفرحت اوي ^^

- عبدالرحمن
= نعم يا قلبي
- اهو اللي هنتبناه .. مَالِك
= ايه القمر ده يا صغنن ، هو عنده كام سنه ؟
< عندي 3 سنين يا بابا
= يا حبيب بابا انت

خدنا مالك ومشينا ، الفرحة اللي كنت فيها متتوصفش ، بقيت ماما ، لا واسمه مَالِك كمان ، كان هادي وحنين رغم انه صغير بس كان بييجي يحضني لما اتعب ويقولي ماما حلوة ، كان فاكر اني كده هخف ف كنت بستحمل التعب واعمل اني بقيت كويسه عشان يفرح ويحضني اكتر ، مَالِك ده احلى حاجة حصلتلي لحد ما انتي جيتي ، نورتي حياتنا بعد ما اتبنينا مالك ب 8 سنين ، كان هو عنده 11 سنه وانتي سنه ، كان بيحبك اووي وبيحب يلاعبك ويضحكك ويجبلك اللعب بتاعته تلعبي بيها وكان بيقولي إنه بيحبك عشان اسمك على اسمي * سلمى * ، هو جاي النهاردة عشان يحضر فرحك ويفرحني بيه ، سافر من 5 سنين عشان يدرس واهو راجع اخيرا ، وحشني اوي
< ست الكل بتتكلم عني صح ؟
- مَالِك
< وحشتيني يا لوما
- يا حبيبي وحشتني

فضلت حضناه بعوض الكام سنه اللي غابهم عني

~ وانا يا ماما احضنوني معاكو
- تعالى يا قلب ماما
< بت يا سلمى انتي لسه رخمه
~ انت اللي رخم
- ضحكت * انتو الاتنين حلوين
= عيالك معاكي ف هتنسيني طبعا
- مقدرش يا عبدالرحمن ، ده انت حبيب عمري وابويا وصحابي وابني الاول
= ماما الصغننه 
- قلب ماما والله ، بحبك يا عبدالرحمن ، لو بعد مليون سنه هفضل احبك 💕
= قلبي مش لحد غيرك ، بحبك يا حبيبتي الاولى والاخيره 💕

💛👑 لولا وجودك ما حييت 👑💛
#سلمى_ياسر