اسكريبتات ل سلمى ياسر

اسكريبت 9

- سلمااااااة
= إييه بتزعق ليه !!
- فين البيبسي اللي كان هنا ؟
= شربته
- شربتي 3 لتر بيبسي يا سلمى ؟
= ايوه ما انا قاعدة من الصبح لوحدي اعمل إيه يعني
- وقاعدة لوحدك تشربي البيبسي كله ! ما في عصير وفي شيكولاتات اهي في الفريز..  ايه ده فين الشيكولاتات اللي هنا ؟!
= كلتها مع البيبسي
- كلتي كل الشيكولاتات ! انتي عارفه احنا جايبين قد إيه !!
= بالهنا والشفا ليا
- ما ايوه طبعا يا حبيبتي بس مش كده يعني
= انت هتذلني يا عبرحمان بكام شيكولاتاية وبيبسي !
- كام شيكولاتاية ! سلمى إحنا تقريبا اشترينا التلاجة بتاعت الراجل كلها
= ايوه ايه بردو ؟!
- لا يا حبيبتي ولا حاجة ، فين كرتونة الشيبسي اللي بالشطة طيب ؟
= مفيش شيبسي
- مفيش إيه ؟!!
= مفيش شيبسي
- نعم يختي ! ده احنا جايبين 5 كراتين شيبسي !!
= ما انا كلتهم
- يلهوي يامااا ، طب فين ال..
= عبدالرحمن كل الحلويات خلصت ومفيش منها غير دي "" طلعت شيكولاتاية من جيبي "" شيلاهالك لما تيجي
- كتر خيرك يا حبيبتي والله مش عارف اقولك إيه
= متقولش حاجة يا حبيبي هو انا عندي كام عبدالرحمن يعني

* بصلي شويه ومبيتكلمش *

= في إيه يا حبيبي ؟!
- كلتي كل حاجة يا سلمى وسيبالي شيكولاتاية واحدة بالعافية كمان !!
= انت هتبصلي في الاكل يا عبدالرحمن !
- لا طبعا يا حبيبتي مقدرش ، قومي اجهزي طيب عشان ننزل نجيب غير اللي خلص ده
= لا مش قادرة روح انت
- كمان ! يعني خلصتي على كل حاجة وهنزل لوحدي كمان ! قومي يا سلمى لمي حاجتك عشان اوديكي على بيت ابوكي كده كتير
= هتوديني بيت ابويا يا عبدالرحمن عشان كيسين شيبسي !
- كيسين شيبسي !!! 5 كراتين بقوا كيسين !!!
= ما هو بيخلص بسرعة يبقوا كيسين
- قومي البسي خليني اوديكي ل ابوكي و اوفر فلوسي شويه ده انتي هتفلسيني
= لو مش عاجبك طلقني
- عارفة المشكلة في ايه ؟
= ايه !
- إني مقدرش اطلقك
= عشان الفلوس اللي هتدفعها طبعا
- لا ، عشان مقدرش اعيش من غيرك ، يعني ازاي ادخل البيت بعد الشغل ملاقيش مهرجانات شغالة والاقيكي واقفه ماسكة المايك وبتغني كإنك صاحبة الاغنيه وبعدها تشغلي اغنيه تانيه وترقصي عليها وبعدها على طول تشغلي اغنيه رومانسية وتشديني ونرقص سوا ، مين هيأكلني أكل فرافير
= انا بأكلك اكل فرافير ؟ مش بعملك الاكل اللي بتحبه ؟
- بس على طول عايزه بيتزا وكريب وحاجات من برا ومش بتحبي تعملي أكل في البيت
= بس انا بقف واعملك الاكل اللي نفسك فيه وبتحبه ، ببقى تعبانه واقوم اجهزلك الاكل واعمل حاجات كتير بتحبها عشان تبقى مبسوط
- وبتتعلمي الحاجات اللي مبتعرفيش تعمليها عشان بس ترضيني ، عارف كل ده والله وبحبك اكتر كمان ومقدرش اتخيل حياتي من غيرك
= وانا مقدرش ابعد عنك ثانيه اصلاا
-  طب يلا يا ست البنات ادخلي اجهزي عشان نروح نجبلك الحاجات اللي بتحبيها تاني
= مبحبش غيرك
- وانا معاكي على طول ، يلا ادخلي