عشقت مجنونة (الجزء الأخير )

الحلقة الرابعة والأربعون (2) ♥️

نظر لها آدم ببرود ليردف بعيون ووجه ساخر ...
_ مش بطال برضه القطه بتاعتي بدأت تخربش ويطلع ليها لسان ....

روان بغضب ....: انت اييييية يا ابني انت عاوز مني اييييية ما تسبني بقي في حالي وحياتي اللي هتبقي احسن من غيريك ... سبني اشوف نفسي بقي بعد ما ادمرت بسببك ....  سبني بقييييي ...

نظر لها آدم بنصف عين لثواني ..

دقائق وقام من مكانه وأتجه ناحيتها ببطئ وتمهل ...

آدم بهدوء وهو علي مقربه منها ...: عاوزاني ابعد عنك يا روان ...!!

روان بإيماء وغضب ...: أيوة عاوزاك تبعد عني وتسبني في حالي وحياتي ... والمرادي يا ريت تبعد عني خالص ... مش عايزه اشوف وشك حتي في حياتي ولا في خيالي تاني ...

أومأ آدم بهدوء ... ثواني وأخرج من جيبه مسدس كبير ... لتشهق روان بصدمه وخوف شديد وعيون متسعه ....

آدم وهو ينظر لها بهدوء وسخرية من خوفها وظنها أنه سيقتلها ...
_ متقلقيش ... انا عمري ما اذيكي ... انا بنفذلك رغبتك ...

روان بصدمه وعيون متسعه ...: ي...يعنني ايه ...؟؟

آدم وهو يمد يده لها بالمسدس ...
_ طلقه واحده بس يا روان ... وهختفي من حياتك وأحلامك لللابد زي ما انتي عايزه ... طلقه واحده بس وهترتاحي مني للأبد يا كل حياتي ...

روان بغضب رغم خوفها وصدمتها ....
_ ايه المسلسل الهندي دا يا آدم ما تفوق يا آدم هو في اي ... ليه بتعمل كدا ولا انت مفكر شغل الصعبنيات دا هيشغلني تاني .....!! لا لا فوق لنفسك انا اتغيرت 180 درجه يا آدم وحرفيا ميفرقش معايا تموت أو تعيش يلا موت نفسك خلي البشريه ترتاح منك ومن ذُلّك وقسوتك وقرفك يلا يلا اعمل كدا والله ما هتصعب عليا ...

آدم بإبتسامة ساخره وحزينه ...: ياااه ... قلبك قسي اووي علفكرة ...

روان بغضب وقسوة ...: من عاشر القوم يا استاذ آدم ...

آدم بخبث وابتسامه ...: انا فعلا هموت ... بس علي ايديكي يا روان ...

روان بصدمه ...: إيه ...!

اتجه آدم لها وعلي وجهه نظره لن تنساها روان أبداً ...

ثواني وسحب يدها إليه ووضع بها المسدس رغماً عنها واوقفها لتكون علي رأسه مباشرةً ....

آدم بقوة وهو ينظر بعيونها ....
_ يلا .... انا عاوز يكون آخر مكان واخر شخص اشوفه يبقي انتي يا روان ... حتي لو انتي بتكرهيني انا بعشقك وامنيتي الاخيره قبل ما اموت هي انتي يا حبيبتي ... اني افضل باصص ليكي كدا بس قبل ما اموت ....