THE PATH FINDING THE CURE (On-going)

PATH THREE

Minator: 'Yung isa riyan iniiwan tayo.

Herabiks: Kaya nga hindi man lang tayo sinama.

Hashababy: >_<

Ang drama talaga ng mga 'to akala mo naman iiwanan ko palagi, ang clingy nilang kaibigan pero mahal ko sila, at itong si Hasha napakatahimik naman, palagi na lang.

Xiridsiritsit: Aarte niyo, sige sa susunod sama ko kayo, okay.

Herabiks: My pleasure baby.

Minator: Oo go, na go, makikita ko din si Bebe Ken ≧ω≦

Xiridsiritsit: Hay nako, sige na balik din ako riyan maya-maya mwa ≥3≤

Hashababy: Sige ingat ^ω^

Minator: Ingat mwa (*'▽'*)♪

Herobiks: Mwa ^o^

Hindi rin nagtagal ang pag-surf ko sa mga social media ko, itinago ko na ang phone ko at saktong dumating na ang tatlo dala-dala ang mga order nila, naghahawak lang ng tray pero mga mukha ng hot, tsk!

Para silang rumarampa sa isang fashion show at parang sanay na sanay pa! Malakas talaga ang karisma nila, isama mo na 'tong mga babae kung makatingin sa kanila para silang ice cream na tunaw na tunaw, ang lalakas kasi ng dating.

Isa rin ang malaking share ng bawat pamilya nila sa BHU kaya naging sikat sila, mga bully, mga ganster, mga lapitin ng babae, mga magagandang lalake akala mo si Chitae ganda lalake. Pero sa totoo lang mala Adonis talaga silang lahat.

"Master Boss, ito na food mo." ngising bungad ni Brind habang ibinababa ang tray na hawak niya, at ganoon din ang dalawa, umupo sila sa harapan ko, ako lang mag-isa rito sa inuupuan ko at silang apat ayun nasa kabilang side kaharapan ko lang sila at nagsisiksikan pa.

Masayang kumain ang tatlo, 'di ko maiwasang hindi mapangiti dahil kahit bago pa lang ako rito may mga tao na ang tumanggap sa akin, at masasabi ko ngang totoo sila. Pero napawi agad ang ngiti ko nang maalala ko na naman ang kalokohan nila.

Matapos naming kumain hinatid nila ako sa room ko, tahimik lang kami sa buong paglalakad ni-isa walang naglakas loob na mag open up ng topic. Nakakagaan ng pakiramdam dahil nakahingi sila ng tawad sa mga naagrabyado nila at pinagtripan nila. Ano pa nga ba ang inaasahan e 'di naka-abang ang tatlo, mga naka ngiting aso pa jusko.

Dahil nagamit ko ang vacant time para sa mga itlog na 'yun, hindi ko tuloy gaano nakasama itong tatlo, saglitan lang ang naging pahinga at pagkukwentuhan namin nila Hasha. Dahil onti na lang ang natitirang free time namin.

Hindi rin nag tagal ay dumating si Ms. Helina. Binalita niya na maaga kami papauwiin, after lunch uuwi na raw kami, as usual meeting na naman sila, puro na lamg meeting or seminar, kung ang ibang estudyante gustong gusto ang walang teacher, well ako hindi!

Mas gusto ko pa na may nag babantay at nag tuturo sa amin kahit nakakapagod at stress na minsan, saya-saya naman. Naghiyawan ang mga kaklase ko sa tuwa, napa-iling na lang si Ms. at iniwan na kami.

"OMG, mall tayo yiee." hay nako ayan na naman po sila.

Sumibol ang tuwa sa mukha ni Hasha na kanina lang napakatahimik, bipolar yata 'to e, kanina tahimik tapos ngayon siya pa ang nauuna.

"Ano tara mall?" pagtatanong ulit ni Hera, at sabay palo sa braso ko, pinanlakihan ko ng mata kaya tumigil din.

"Oo sige na!" dahil sa sinabi ko, nagningning 'yung mata n'ung dalawa, baliw lang? Dahil busog naman na kami nag palakad lakad na lang kami sa buong Campus.