"Kain na." Sabi ko kay Ezekiel. Tumingin siya at ngumiti sa akin. Tumango siya at ngumiti rin kay Mama. Inirapan siya ni Mama. Pinisil ko ang kamay ni Ezekiel sa ilalim ng mesa at ngumiti sa kanya.
Nasa bahay kami ngayon nila Mama. Alam na rin nila Mama at Papa na boyfriend ko na si Ezekiel at hindi na lang kumibo si Mama ng sinabi ko na iyon. Akala ko nga ay hindi na naman niya ako papansinin pero nagulat ako ng inanyayahan niya si Ezekiel sa bahay. Isama ko raw pag-uwi ko. Pero ngayon naman ay pakiramdam ko na may tensyon sa pagitan ni Mama at Ezekiel.
"The sinigang's delicious, Tita." Ngumiti ako kay Ezekiel. Favorite niya kasi iyon pero ibang sinigang ni Mama. Sinigang na panga ng isda.
"Hindi naman ako magluluto ng walang lasa." Tumango si Ezekiel at ngumiti.
"Mama, pinupuri ni Ezekiel ang luto mo. Favorite niya kasi 'yan."
"So kapag hindi niya favorite hindi niya pupurihin?" Si Mama talaga.
"Titikman ko pa rin po, Tita and I will be very honest with my comment." Ngumiti si Ezekiel kay Mama at halata ko ang pagkabigla ni Mama. "I'm sure all of these food are nice. Saan pa po ba magmamana si Danielle." Umismid pa si Mama.
"I cooked too." Nagsign language pa si Papa. "Try the oysters." Naintindihan naman ni Ezekiel si Papa at kumuha ng talaba. Tinikman niya rin iyon at ginaya ko rin siya. Paborito ko kasi ang talaba lalo na kapag maraming suka.
"Very fresh."
"Masarap, Pa." Hindi ako nagsign language dahil madali lang malip read ni Papa ang sinabi ko.
"Eat." Papa mouthed. Kapag ginagawa iyon ni Papa ay parang narinig ko na rin ang boses ng Papa ko.
Kumain kami ng tahimik. Hindi kumikibo si Mama. Nagtatanong na lang ako kay Mama para pagsimulan ng conversation pero laging isang tanong isang sagot si Mama. Mukhang hindi maganda ang mood niya tapos ngayon pa niya inimbitahan si Ezekiel.
"Ano ba talagang pakay mo sa anak ko, Ezekiel?" Nanlaki ang mga mata ko sa tanong ni Mama.
"Ma?"
"Bakit Niel? Gusto kong malaman. Remember how you hated him when you were younger and I think Ezekiel despised you too. Bakit ngayon na lang ay ganyan? There should be a motive for him. There should be." Mapangmata pa na sinabi ni Mama. Hindi ko akalain na ganito ang mangyayari. Kung alam ko lang sana ay hindi ko na sinama si Ezekiel.
Naramdaman ko ang kamay niya ng pinisil niya ang kamay ko. Napatingin ako sa kanya at ngumiti siya sa akin.
"Danielle surely hated me when were younger, Tita I was very aware of that. But I despised her? That is not true, Tita. I really like her a lot even when were younger." Napatitig ako sa kanya at pakiramdam ko ay nag-init ang mukha ko sa sinabi niya. "And I pursued your daughter because I love her and I think I can make her happy." Ezekiel and his words. I bet I am blushing as red as cherry.
Umiling si Mama at malaki ang ngiti ni Papa.
"You think you can make her happy? How will you make her happy? Nasabi mo na ba sa kanya ang dapat mong sabihin? Alam na ba ng anak ko kung anong pinaggagawa mo sa buhay mo dati at ang nakaraan--"
"Ma!"
"Mama!"
"Tita!" Pipigilan ko na sa pagsasalita si Mama ng dumating si kuya kasama si Eli. Natigilan si Mama. Huminga ako ng malalim. Tumingin ako kay Ezekiel.
