Exclusively Dating The Idol | ✓

Chapter 19

Chapter 19

"Naji?"

Napatingin ako sa nagsalita.

It was Justin. What's he doing here?

"Jah?" Nagsalubong ang mga kilay ni Josh. "Anong ginagawa mo rito?"

Suot-suot pa rin ni Jah ang damit na sa tingin ko ay sinuot niya pa mula sa shooting. His makeup is still on, just like Josh.

Ano nga bang ginagawa ng mga 'to rito?

Umirap si Justin. "Ano rin ang ginagawa mo rito? May shoot ka, hindi ba?"

"Kasama ka ro'n, tangek," kaswal na sabi ni Josh. "Tayong lima ang kailangan sa shoot na 'yon. Pero tapos na ako. Kanina pa."

Hindi sumagot si Jah. Lumakad lang siya papalapit sa akin. Nang nakalapit, magsasalita na sana ako pero hinawakan niya bigla ang braso ko at hinila paalis. Gulat na napatingin ako kay Josh.

"T-teka! Josh!" I called him.

"Tss! Ano ba kasing ginagawa ng isang 'yon dito?" I heard Justin mumbled.

"Okay lang ako, Naji!" Nakangiting sigaw ni Josh para marinig ko. "Sumama ka na lang para hindi magasgasan ang cute na mukha ko!"

Sinamaan ko ng tingin si Jah. "Bigla-bigla ka na lang sumusulpot, 'tapos nanghihila pa. Ano ba ang problema mo, ha?"

Lumiko kami sa kabilang side ng building na walang masyadong tao. Nasa dulo na yata kami.

Hindi niya ako sinagot. Pagkahinto namin, may kanuha siya mula sa bulsa sa likuran ng kaniyang pantalon at binigay sa akin.

"Oh, kunin mo," utos niya.

Napaangat ako ng tingin sa kaniya. "Ano 'yan?" tanong ko.

Rectangular at parang papel ang inaabot niya. Pero hindi 'yon ordinaryong papel. May naaamoy pa akong mabango. Scented paper?

Sumimangot siya. "Kunin mo na lang para malaman mo!"

Napanguso ako. Suplado naman. Kinuha ko na 'yon at tiningnan. I flipped it, at doon ko nakita ang nakasulat sa scented paper na 'to.

SB19: Get In The Zone Tour in Manila? So ticket pala ito sa concert nila? Nag-angat ako ng tingin sa kaniya. Nahuli ko ang tingin niya pero iniwas niya rin.

"Sa susunod na araw na 'yan," aniya. "You need to be there, okay?"

Tiningnan ko ulit ang ticket. It's labeled as 'VIP.' Napasipol ako.

"VIP. So sa harap?" Inangat ko ang tingin ko sa kaniya. "Ayoko. Sawa na ako sa pagmumukha mo, eh."

Sinimangutan niya ako lalo kaya napatawa na lang ako. "Ayaw mo? Edi akin na! Bigay ko sa mas willing  na makita ako. Tss!"

Aagawin niya sana mula sa'kin ang ticket pero kaagad kong iniwas. "Sinabi ko lang na sawa na ako sa mukha mo pero 'di ko sinabing 'di ako pupunta."

"So? Pupunta ka na?"

Tumango ako. "Para makita si Josh."