THE BROKEN MAN'S AFFLICTION

CHAPTED 12

CHAPTER 12

HINDI MAIPINTA ang mukha ni Blaze nang makasalubong ito ni Happy papasok sa ospital. Madilim ang mukha ng lalaki at masama ang tingin sa kanya na ikinakunot nang noo niya.

Ano na naman ang problema ng isang 'to? tanong ni Happy sa sarili.

Ilang araw na nga silang hindi nagkita dahil pareho silang abala, 'tapos ganito pa siya salubungin. Duty kasi ito palagi at papalapit na rin ang kasal nina Lucky at Blake kaya naman sobrang busy niya.

"Blazey—"

"Bakit si Reigo ang naghatid sa iyo?" Iritado ang boses nito.

Happy sighed before tapping Blaze's cheek. "Remember our compromise? No jealousy?"

Hindi nawala ang sama ng tingin sa kanya ng lalaki. "Bakit kasi kayo magkasama?"

"We're friends," sabi niya, saka nilampasan ito.

Agad naman siyang hinabol ng lalaki. "We're friends too!"

Happy looked at Blaze while walking. "Yes. We are. But you're different. Our friendship is different."

"Explain," Blaze demanded.

Happy rolled her eyes. "Reigo and I don't kiss."

"Really?" Wala na ang inis sa boses nito. "So, ako lang talaga ang nakahalik sa iyo?"

She smiled at him. "Yes. Just you. Now go away, I know you're on duty so be a badass doctor because I'm busy."

"I miss you!" pahabol na sabi ni Blaze sa kanya habang naglalakad siya at tumigil naman ito. "I haven't seen you in four days!"

Nangingiting umikot si Happy paharap sa lalaki habang humahakbang paatras. Nag-flying kiss siya bago umikot ulit paharap at malalaki ang hakbang na tinungo ang kuwarto ni Blake.

Kumatok muna siya bago binuksan ang pinto.

Napangiti siya nang makitang maayos na ang lagay ni Blake. Naghilom na ang mga sugat nito at halatang nakaka-recover na.

"Good afternoon!" nakangiting bati niya kina Blake at Lucky.

"Ate!" Agad na sinalubong siya ni Lucky at niyakap.

Nakangiting niyakap din niya ang kapatid at nang kumawala sila sa yakap ng isa't isa, inilabas niya ang phone na nasa clutch bag niya. Ipinakita niya ang naumpisahan na niyang disenyo sa reception area.

"Like mo ba?" tanong niya sa kapatid. "I can change it if you want another design—"

Napatigil siya sa pagsasalita nang pupugin ni Lucky ng halik ang pisngi niya, saka mahigpit siyang niyakap.

"Thank you so so much, Ate! Sobrang thank you talaga." Ihinilig ni Lucky ang ulo sa balikat niya. "Kung wala ka, baka hanggang ngayon hindi ko pa rin naayos lahat dahil nagbabantay rin ako kay Blakey. Kaya maraming-maraming salamat talaga, Ate."

Lucky's appreciation of her efforts made her smile. "You're welcome. By the way..." Tumingin siya kay Blake na nakamasid lang sa kanila ni Lucky. "Have you tried fitting your tuxedo? Does it fit? Is it okay?"

"Hindi pa," sagot ni Blake, saka bumangon ito at umupo sa gilid ng kama. "Kukunin daw ni Blaze mamaya pagkatapos ng shift niya para makita at maisukat ko."

"That's good." Pagkatapos ay bumaling siya kay Lucky. "Lahat ng dresses ay okay na. Hindi talaga ako nag-leave doon sa boutique ni Mrs. Furrer yesterday nang hindi dala lahat mula sa flower girl to groomsmen." She grinned. "Yes. I pressured them. But I want everything to be done days before the wedding para ang problem na lang is the church design. The food is okay na rin, the cake is fabulous, and everything is going according to plan. So, no worries, okay?" Nginitian niya ang kapatid. "Ako ang bahala sa kasal mo."