Hearts Unlocked

20 - Plan

Chapter 20

Plan

Ako ‘yung taong hindi nagpapahalaga sa mga petsa ng taon. Holiday ba ngayon, may pasok ba bukas, at iba pa. Maski nga birthday ko, nakakalimutan ko na rin minsan.

Ngayon, kinailangan ko pang magpuno ng important dates sa calendar ng S4 ko para hindi na maulit ang nangyari sa 1st monthsary namin ni Caroline. Tsk. Mabuti na lang at may pang-sync ito sa google calendar. Inilagay ko na doon ang inexport kong birthday events from facebook.

Hay technology, you are such a great help! Imbis na magtagal ako ng sampung oras sa pag-save ng , minuto lang ang itinigal nito. Automatic na may reminder one week ahead bawat birthday. Tapos two weeks, at one week at 2 days before sa monthsary namin ni Caroline.

Maliligo na sana ako ng biglang tumunog ang phone ko.

Caroline Reyes Birthday – April 5

WHAT?! Anong date na ba ngayon?? March 29.

Sa sobrang pagkataranta ko, doon pa ako sa kalendaryo tumingin at hindi sa hawak-hawak kong phone. Hayst! Bakit ba sunod-sunod? Naubos na ‘yung ipon ko mula sa mga gig namin. When it comes to her, ayaw na ayaw kong manggagaling ang pera kay dad. Tsk. Paano na ‘to?

Incoming Call – Mike

“Hello?”

“Bro! I miss you na grabe! Dito ka na nga lang kasi. Ang init-init diyan. Woops!! May Cee ka nga pala—“

“Anong problema mo?” Akala mo babae kung tumalak sa telepono. Nakakairita.

“Chil bro! Mababawasan gwapo points mo niyan.” Loko ‘to ah!

End Call.

Wala akong balak makipagbiruan sa kanya, ang laki-laki ng problema ko dito. Tsk. Tsk.

Incoming Call – Mike

Hays! Ang kulit. “Bakit mo naman ako binabaan? Dinudurog mo puso ko niyan eh. Oh my gosh…you’ve unlocked my heart!”

End Call.

Tss! Napanood niya siguro sa internet. Sa ngayon may eleven thousand views na ‘yung ginawa kong proposal kay Caroline sa Who Wants to be a Millionaire. Ako ata nagpataas ng ratings nila.

Nag-ring pa uli tang phone ko pero iniwan ko na ‘yun sa kama. Mas masarap damhin ang tulo ng tubig sa shower kaysa pakinggan ang pang-aasar niya. Sigurado, wala lang magawa ‘yun dun or nakainom. Pasalamat siya malayo siya sa akin kundi baka nabatukan ko na siya.

Tamang-tama lang ang temperatura ng tubig ngayon. Ni hindi ko na kailangan pang buksan ang heater.

Tunog pa rin nang tnog ang phone ko. Hayst! Kainis.

Pinatay ko muna ang shower at nagpunas ng katawan tsaka ko itinapis ang towel sa aking bewang.

“Ano ba kasi kuya?” Isang maling salita at papatayin ko ang phone ko.Subukan niya lang.

“Ikaw naman, hindi ka mabiro! Bawas-bawasan mo nga ‘yang pagka-maseryoso mo. Madali kang tatanda niyan.” 5… 4… Kapag hindi pa niya sasabihin ang agenda niya, ibababa ko na. 3… “Nakalimutan ko kasi ibigay sa’yo ang gift ni mom. Sorry ha! Nawala ko kasi ‘yung note niya.”

“Regalo ni mom?” Mula sa buhok ko, nararamdaman kong binabaybay ng patak ng tubig ang spinal cord ko sa may likuran ko, ganun din sa may abs ko.

“Oo. Sabi niya, ibigay ko sa’yo kapag twenty-one ka na. Bente uno ka naman na ‘di ba?” Oo nga pala, pati edad ko…itinago ko sa kanila – kay Caroline. “1-4-3-8,nandun sa master’s  bedroom ‘yung safe ni mom.”