ក្រោយពីឈរមើលគូរស្នេហ៍ផ្អែមល្ហែមតែខុសធម្មជាតិមួយគូរនោះរួចមកនាងក្រមុំត្រឡប់ក្រោយដោយមិនបានមើលឱ្យសព្វគ្រប់ទើបជ្រុលទៅបុកជាមួយបុរសម្នាក់។
«សុំទោសផងអ្នកនាង!!»នាយកំលោះមុខស្រស់រហ័សឱនសុំទោសនាងក្រមុំតាមសុជីវធម៌ក្នុងខ្លួនរបស់គេ ខណៈដៃធំក្រាស់លូកយកកន្លែងសម្រាប់ឱ្យនាងបបោសរាងកាយដ៏ស្រស់ស្អាត ព្រោះអម្បាញ់មិញនេះការ៉េមកម្ពប់ទៅលើខោអាវនាងមិនតិចនោះទេ
«ឯងដើរមិនចេ-...Hae GaEun?»HaEun ឧទានឡើងព្រមជាមួយអារម្មណ៍ភ្ញាក់ផ្អើលក្រៃលែង កំណកឈាមចាប់ផ្ដើមកកឡើងជាបន្តបន្ទាប់ព្រោះម្ចាស់រាងកាយបាននឹងកំពុងភ្លឹកជាមួយមនុស្សចំពោះមុខឥតដាក់ បបូរមាត់ក្រហមឆេះប្រែមកជាស្លេកមួយរំពេច បើទោះបីជាមានគ្រឿងសម្អាងមកជំនួយក៏មិនអាចបិទបាំងភាពតក់ស្លុតរបស់នាងបាននោះដែរ
«In HaEun?នាងមកទីនេះធ្វើអី?»ស្របនិងការនិយាយស្ដីពោរពេញទៅដោយថាមពល GaEunទាញដៃកូនប្រុសរបស់គេឱ្យមកឈរនៅខាងក្រោយខ្នងជៀសវាងនាងបានឃើញគេ
«ជារឿងយើង ថយចេញ»ទោះបីជានាងហាក់ខ្លាចរអាជាមួយនាយកម្លោះចំពោះមុខក្ដី ក៏នាងមិនអាចបង្ហាញអត្តចរិកមួយនេះឱ្យនាយបានឃើញវានោះទេ
«មិនគិតមើលកូនខ្លះទេអ្ហេស?»ស្របនិងការនិយាយស្ដីនាងក្រមុំបញ្ឈប់ជំហ៊ានងក់បែរក្រោយមើលទៅមុខកូនប្រុសតាមសម្ដីGaEun និយាយអម្បាញ់មិញនេះ ក្មេងប្រុសតូចស្អាតកំពុងឈរញាុំការ៉េមខណៈទឹកមុខCute Cute ក៏បង្ហាញឡើងមកបណ្ដាលឱ្យHaEun ប្រើក្រសែរភ្នែកស្រទន់ផ្ចង់សម្លឹងឥតដាក់ ក្មេងប្រុសម្នាក់នេះមុខមាត់កាត់មករកGaEunច្រើនជាងនាង ។ HaEunបែរក្រោយបោះជំហ៊ានចេញទៅមុនពេលដែលនាងបានសម្លឹងមើលក្មេងនោះរួចរាល់ នាងហាក់ដូចជាគ្មានចិត្តស្រឡាញ់ទៅលើSoAnបន្តិចសោះ ថ្នាក់នាងជាអ្នកបង្កើតគេដោយផ្ទាល់ទៅហើយ នាងឃោឃៅដល់ថ្នាក់ហ្នឹងរឺ?
«ប៉ាៗអ៊ំស្រីម្នាក់មិញជាអ្នកណា?»SoAn
«ជាអ្នកស្គាល់គ្នាប៉ុណ្ណោះ»GaEun ឧទានឡើងព្រមជាមួយនិងស្នាមញញឹមទើបលើកពរកូនប្រុសបណ្ដូលចិត្តឡើងហើយដើរចេញទៅផ្លូវម្ខាងទៀតដើម្បីគេចចេញពីHaEun ទោះពេលវេលាកន្លងផុតទៅអស់5ឆ្នាំតែនាយមិនដែលខឹងស្អប់HaEunម្ដងណានោះទេ សេចក្ដីស្នេហាវាមានតម្លៃខ្លាំងដល់ម្លឹង? សូម្បីតែកូនបង្កើតនាងហ៊ានយកមកឱ្យGaEunជាអ្នកចិញ្ចឹមថែមទាំងឱ្យនាយលាក់ការរឿងនេះទៀត តើគួរបន្ទោសនរណា?
ជំហ៊ានជើងតូចៗបោះញាប់ៗសម្ដៅទៅបន្ទប់សណ្ធាគារខណៈទឹកមុខរបស់នាងតូចស្លន់ស្លោរហាក់ដូចជាមាន់រកពង់ បបូរមាត់ញ័រតតាត់មិនយល់ថាហេតុអ្វីបានជានាងប្រែអាកប្បកិរិយាមកជាបែបហ្នឹងចឹងសោះ។
(មិនកើតទេ បើម្សៀរGaEunយករឿងនេះទៅប្រាប់Jungkook យើងយ៉ាប់មិនខាន ទាល់តែប្ដូរផែនការ ចាកចេញពីទីនេះសិន)គិតរួចនាងតូចHaEunប្រញាប់រៀបចំយកវ៉ាលីរបស់នាងដាក់សម្លៀកបំពាក់ទាំងប៉ុន្មានញាត់ចូលទៅក្នុងវ៉ាលីលឿនៗមិនបង្អាក់បង្អន់ពេលវេលាឱ្យខាតបង់ទទេរឥតប្រយោជន៍។ ក្រោយពីរៀបចំរួចរាល់នាងដើរមកកាន់ឡានហើយបើកចេញទៅ យ៉ាងណានាងនៅមានផែនការជាច្រើនទៀតដើម្បីបំបែកបំបាក់jungkookនិងTaehyung ឱ្យបាន តែពេលនេះអាចថានាងព្រមលើកទង់សរសិនក៏បាន ព្រោះនាងមិនហ៊ាននៅតទល់យូរនោះទេ ខ្លាចថាGaEunនិងយករឿងកូនទៅបកអាក្រាតមុខមាត់ពិតនាងក្រមុំថាយ៉ាងម៉េច ជាមនុស្សស្រីទុំមុនស្រគាល។
មែនហើយ!In HaEunនិងHae GaEun ធ្លាប់ជាសង្សារនិងគ្នាកាលពីពួកគេទៅរៀននៅបរទេសជាមួយគ្នាហើយក៏ធ្លាប់មានអីៗជាមួយគ្នាច្រើនដងមកដែរ តែមានថ្ងៃមួយគឺGaEunភ្លាត់ស្នៀតធ្វើឱ្យនាងមានកូន។ ដំបូងឡើយHaEunប្រកែកជាមួយនាយថានិងយកកូននេះចេញតែGaEunថាមិនបាច់ទេ ទុកឱ្យគេជាអ្នកចិញ្ចឹមក៏បាន។មុនពេលឈ្លោះប្រកែកគ្នាហើយនាងបានសុំGaEun បែកគ្នាហើយទៅនៅជាមួយមិត្តនាងទាល់តែសម្រាលSoAnរួចរាល់ទើបនាងយកគេមកទុកមុខផ្ទះGaEun ដោយមានសរសេរសំបុត្រថា " នេះជាកូនខ្ញុំនិងលោកគេមានឈ្មោះថា In SoAn មើលថែគេឱ្យល្អ " ។ ចាប់តាំងពីថ្ងៃនោះមកGaEunក៏ស្ម័គ្រចិត្តចិញ្ចឹមអាល្អិតនេះ ហើយក៏ជាពេលដែលឪពុកម្ដាយនាយកាត់កាលនាយចោលដូចគ្នា។
Evening៚
ពេលរសៀលប្រហែលជាម៉ោង5-6 នាយកំលោះជាប្អូនថ្លៃម្ចាស់សណ្ធាគារបានឱ្យបុគ្គលិករៀបចំអាហារពេលល្ងាចនៅលើឆ្នេរនោះដោយបានទិញមួយឆ្នេរដាច់ទុកសម្រាប់ឈុតឆាកផ្អែមល្ហែមរវាងនាយនិងTaehyung។ ដោយសារថ្ងៃមិញJungkookបានដំណឹងពីខាងបុគ្គលិកថាIn HaEun រើឥវ៉ាន់ចេញពីសណ្ធាគារយ៉ាងលឿន តែនាយក៏មិនបានចាប់សង្ស័យអ្វីនោះដែរ ក៏បណ្ដោយឱ្យនាងចេញតាមសម្រួល យ៉ាងបើនាងចេញទៅបានវាមិនល្អទេអ្ហេស ព្រោះនាយអាចមានពេលចាប់ផ្ដើមបង្កើតអនុស្សាវរីយ៍ឱ្យបានច្រើន។
«ហៃយ៉ា!បងចង់ធ្វើអីហ្នឹង?»Taehyung និយាយឡើងដោយឆ្ងល់ជាមួយសកម្មភាពនាយកំលោះជាខ្លាំង សុខៗបែរជានាំគេទៅផ្សារទិញសម្លៀកបំពាក់ថ្មីហើយប្រញាប់ឱ្យអាល្អិតងូតទឹកផ្លាស់ប្ដូរសម្លៀកបំពាក់ឱ្យលឿនទៀត។ ពេលរួចរាល់ក៏នាំគេចុះមកខាងក្រោម ដើរនិយាយគ្នាសុខៗក៏យកខ្សែរមកចងភ្នែក នេះប្រុងគិតអីចង់លេងដូចកាលមុនទៀតអ្ហេស!!
«នៅឱ្យស្ងៀមទៅ ហើយចាំដើរតាមបង» Jungkookបន្លឺឡើងដោយញញឹមតិចៗត្បិតថ្ងៃមួយនេះនាយទន្ទឹងរងចាំវាយូរណាស់មកហើយ។
ប្រអប់ដៃមាំក្រាស់កាន់ដៃតូចស្រឡូនរបស់ថេយ៉ុងជាប់ស្អិតខណៈភ្នែកស្រស់សង្ហារសម្លឹងមើលទៅផ្លូវដែលនាយកំលោះកំពុងតែដើរនោះ។ លុះពេលនាយដើរមកដល់កន្លែងដែលនាយបានរៀបចំ Jungkookស្ញោចស្នាមញញឹមម្ដងទៀតទើបដើរទៅឈរក្រោយTaehyungហើយស្រាយក្រណាត់ចេញពីភ្នែករបស់គេ។
«Wow?បងជាអ្នករៀបចំ?»Tae បែកភ្នែកធំៗសម្លឹងមើលទៅតុអាហារដែលរៀបចំឡើងយ៉ាងស្រស់ស្អាតអមជាមួយភ្លើងពណ៌សរសុីនិងវាំងននពណ៌សរផាត់ចុះឡើងតាមកម្លាំងខ្យល់បក់រវិចៗ Taehyungសឹងតែមិនហ៊ានដកក្រសែរភ្នែកចេញពីកន្លែងដ៏Romantic បែបហ្នឹងនោះទេ។
«ពេញចិត្ត?»
«ប្រាកដណាស់»Tae ញញឹមហាក់សប្បាយរីករាយជាអនេកទើបនាយកំលោះដើរមកអូសដៃគេឱ្យអង្គុយទល់មុខខ្លួន
«នេះញាុំបង្គាទៅ ចាំបងបកឱ្យ» ស្របនិងការនិយាយស្ដីដែលពោរពេញទៅដោយទឹកដមពិរោះ Jungkookចាប់យកបង្គាពីរបីយកមកបកឱ្យអាល្អិតទាំងយកចិត្តទុកដាក់បំផុត។ ខណៈពេលដែលនាយកំពុងតែបកបង្គារ Taeសម្លឹងមើលកាយវិការដ៏ទន់ភ្លន់របស់នាយកំលោះជារឿយៗ ក្នុងចិត្តក៏រំភើប មិននឹកស្មានទាល់តែសោះថាគេអាចនិងមានថ្ងៃនេះ ថ្ងៃដ៏Romantic អាចញាុំអាហារជាមួយគ្នាក្រោមពន្លឺភ្លើងស្រាលៗអមទៅដោយសម្លេងទឹកសមុទ្រ ហាក់បង្កើតបានជាថ្ងៃដ៏ពិសេសមួយសម្រាប់គេ។
«អរគុណ!!»Tae ឧទានឡើងដោយញញឹមមិនបាត់ពីមាត់ក្រោយពីនាយបកបង្គារនោះរួចរាល់ហើយចាប់យកមកដាក់ចានឱ្យគេ តើលើលោកនេះមានបុរសល្អបែបហ្នឹងប៉ុន្មាននាក់ទៅ? បុរសដែលមិនប្រលូកប្រឡាក់ជាមួយស្រីណាផ្សេងក្រៅពីខ្លួន ហ៊ានកែប្រែខ្លួនឯងសឹងតែ360° ដើម្បីមនុស្សខ្លួនស្រឡាញ់ ថ្នាក់នាយមានអនាគតគូរដណ្ដឹងទៅហើយ តែនាយបែរជាប្រកែកដាច់ខាតជាមួយម្ដាយគេទៅវិញ តើនេះជាសំណាងរបស់គេមែនទេ?
ពួកគេចំណាយពេលញាុំអាហារជាមួយគ្នាយ៉ាងមានក្ដីសុខបំផុត ញាុំផង ជជែកគ្នាផង និយាយរឿងក្នុងចិត្តជាមួយគ្នាផងហាក់ដូចជាគូរស្នេហ៍ថ្មីថ្មោងដែលទើបនិងFirst Date យ៉ាងអីចឹងដែរ។
ក្រោយញាុំអាហាររួចរាល់Jungkook បានអង្គុយលេងជាមួយTaeនៅលើក្រណាត់ធំមួយសម្រាប់ស្រូបយកខ្យល់អាកាសដ៏បរិសុទ្ធ។
«Tae»Jungkook ឧទានហៅឈ្មោះមនុស្សបណ្ដូលចិត្តស្រាលៗស្របពេលដែលនាយកំពុងតែអង្គុយឱ្យអាល្អិតពីក្រោយយ៉ាងណែន
«ហឹម?»ដៃតូចស្រឡូនក៏អង្អែលលើកដៃនាយតិចៗត្បិតខ្យល់កាន់តែត្រជាក់ឡើងរួមជាមួយនិងផ្សែងអ័ព្ទទៀតសោតទើបវាបង្កើតបានជាខ្យល់រងាមួយបែបនាពេលយប់យន់ស្ងាត់ជ្រងំ
«អរគុណខ្លាំងណាស់ដែលអូនមិនបោះបង់បង ដឹងទេ?បើបងបែកពីអូនបងមិនដឹងថារស់ដើម្បីនរណានោះទេ ប៉ាបងសម្រាកព្យាបាលនៅប៉េកាំងបងមិនអាចទៅមើលដោយផ្ទាល់បាន រាល់ថ្ងៃអូនជាមនុស្សម្នាក់ដែលអាចឱ្យបងបន្តជីវិតរស់នៅដល់សព្វថ្ងៃ អូនជាកែវភ្នែករបស់បង ជាបេះដូងបង ជាដង្ហើមបង អូនជាអ្វីៗគ្រប់យ៉ាងរបស់បង បងស្រឡាញ់អូនណាTae» មាណព្វរៀបរាប់រឿងក្នុងចិត្តតាមគំនិតដែលនាយបានដៅទុកយ៉ាងយូរណាស់មកហើយ នាយតែងតែចង់និយាយពាក្យនេះឱ្យអាល្អិតបានលឺណាស់ទើបតែថ្ងៃនេះប៉ុណ្ណោះដែលព្រះព្រមប្រទានឱ្យនាយបានសារភាពនិយាយពាក្យពិតចេញមក
«អូនក៏ស្រឡាញ់បងដូចគ្នា បងជាមនុស្សម្នាក់ដែលធ្វើឱ្យអូនស្គាល់ពីស្នេហា ចេះឈឺចាប់ ចេះស្រក់ទឹកភ្នែក ចេះប្រច័ណ្ឌ ចូលមកបំពេញជីវិតខ្វះខាតរបស់អូន អរគុណណាស់» ស្របនិងការនិយាយស្ដីអាល្អិតក៏បែរមកឱបនាយយ៉ាងខ្លាំង តែកែវភ្នែកស្រស់ស្អាតក៏ក្រឡេកទៅឃើញបុរសម្នាក់ពាក់ម៉ាសនិងមួកពណ៌ខ្មៅកំពុងតែតម្រង់កាំភ្លើងមករកJungkook
«Jung ប្រយ័ត្ន»
ផាំង !!
សម្លេងគ្រាប់កាំភ្លើងបន្លឺឡើងឱ្យទ្រហឹងគោលដៅបំណងមករកនាយកំលោះតែបែរជាត្រូវអាល្អិតចំស្មាខាងឆ្វេងទៅវិញ។
«Tae!!»Jungkookស្រែកមួយអស់សម្លេងស្របពេលដែលTaehyungកំពុងសន្លប់បាត់មាត់ឈឹងនៅលើរង្វង់ដៃដ៏សែនកក់ក្ដៅ ខណៈឈាមក្រហមស្រស់ក៏ហូរចេញពីមុខរបួសជាបន្តបន្ទាប់ដល់ថ្នាក់ប្រឡាក់ជោគជាំពេញអាវនាយ
«Taeបើកភ្នែកឡើង កុំគេង Taeហុិក..» ទឹកភ្នែកកូនប្រុសស្រក់ជាលើកទី3ដោយសារមនុស្សបណ្ដូលចិត្តម្ដងទៀត ប្រអប់ដៃមាំក្រាស់ទះលើថ្ពាល់គេស្រាលៗព្យាយាមដេរដាស់អាល្អិតឱ្យភ្ញាក់ឡើងតាមបំណងរបស់គេ កែវភ្នែកក្រហមតែតព្រមជាមួយនិងចិត្តរន្ធត់ញាប់ញ័ររកទីអាស្រ័យពុំនាក់មិនឃើញ
«មានរឿងអី?Tae?»Mekរត់មកមើលតាមសម្លេងកាំភ្លើងដែលបាញ់មិញនេះជាមួយនិង Hazard តែក៏ឃើញថាTaehyungកំពុងគេងលើដៃJungkookដោយមានសុទ្ធតែឈាមហូរដាបពេញផ្ទៃក្រណាត់ក្រាលនោះ
«ពុទ្ធោTaehyung?Hyung ឆាប់នាំគេទៅពេទ្យភ្លាមទៅ»Hazard
«មែនហើយទៅពេទ្យ កុំកើតអីឱ្យសោះណា បងមិនឱ្យអូនទៅ អូនគ្មានសិទ្ធទៅជាដាច់ខាត» បញ្ចប់ប្រយោគJungkookលើកបីអាល្អិតដោយមិនភ្លេចដាក់បម្រាមមិនឱ្យនាយចាកចេញពីខ្លួនដាច់ខាត។
To be continued......