الحلقة السابعة والعشرون
الدكتور :: تفضل اجلس
مصعب:: خير ان شاء الله طلعن التحاليل
الدكتور:: اهاا طلعن
مصعب:: وشن عندها
الدكتور:: سكرها كان هابط بكل و هوا الي سبب الدوخة لان زي ماتعرف خطير هبوط السكر والحمدلله ان لحقناها
مصعب:: باهي الحمدلله
الدكتور:: بس في حاجة اخرا
مصعب:: شن في
الدكتور:: لا متخفش مش حاجة تخوف بس لازم تنتبه عليها من يوم وغادي
مصعب:: شن عندها ليش
الدكتور:: المدام حامل
مصعب:: (فرح بكل) متأكد يادكتور
الدكتور:: اهاا متأكد والتحاليل اثبتن الشي هضا
مصعب:: مشكور يادكتور نقدر نطلعها
الدكتور:: اهاا تو نكتبلها ورقة الخروج بس لازم اتابع مع دكتور مختص
مصعب:: اووك ان شاء الله
وطلع عدا خش عليهم ف الدار ويضحك
ماما:: ها طمني شن قالك
مصعب:: لا متخفش مفيش حاجه تخوف هبوط سكر
ميرال:: باهي نقدر نطلع
مصعب:: اهاا تو يكتبلنا ورقة الخروج
ماما:: باهي تمام
ميرال:: حبيبي في حاجة تبي تقولها
مصعب:: اهاا في
ماما:: قول متخوفينيش شن في
مصعب:: لا متخفيش بس ليلو حتجيب خو ولا اخت لعصومي
ميرال:: انصدمت لان مكانتس متوقعة ولا حاسبة حسابها تجيب توا بكل
ماما:: ماشالله ماشالله مبرووك ان شاء الله من الخلف الصالح
مصعب:: حبيبتي كنك مفرحتيش
ميرال:: اه لا شي بس تعبانه شويه
مصعب:: باهي هيا انزلو عشان انروحوا
وطلعوا من المستشفى وطول الطريق ميرال وجها للروشن وداسة بكيتها ومصعب لاحظ الشي هضا بس مبش يحكيلها ووصلوا للحوش وخشت ميرال دغري وركبت لدارها زمان
نا:: اخيرا جيتو شغلتونا عليكم
ماما:: لا مفيش حاجه تخوف هبوط سكر بس
خالتي:: باهي الحمدلله وليدها انسحن من البكاء لولا ميرا مكنش سكت
ميرا:: ياماما كنها ليلو ركبت دغري فوق
ماما:: طلعت حامل ومن اول ماقالها مصعب تغير وجها
ميرا:: حست بزي الغصة ان اختها الي اجوزت معاها جابت وتوا حامل اخرا وهيا محملتش
خالتي:: بلكي تعبانه بس
نا:: ميرو عدي شوفيها
ميرا:: هيا هي
وخذت ميرا عصومي ف يدها وركبت لميرال فوق ودقت الدار وخشت وعصومي من اول ماشاف امه قعد يحرك ف يده يبيها وليلو خذاته واضبطاته وقعدت تبكي
ميرا:: قمعزت تالاها ياليلو كنك تبكي شن في
ميرال:: مكني شي مضايقه شويه بس
ميرا:: مصعب قالك حاجة زعلك بحاجة
ميرال:: لالا بس انا حامل وقعدت تبكي
ميرا:: تي وكان حامل تقعدي تبكي
ميرال:: يااميرو افهميني انا منبيش نحمل توا عصومي مازال صغير والله تعب باهي معش قصيت لروحي
ميرا:: هضا شي كتبه ربي وانتِ لازم ترضي بيه متندريش ع الخير الي حيجي من ورا. البيبي هضا بعدين شوفيني انا اهو قاعده انتمني نحمل وانتِ تبكي عشان حملتي الانسان بطبعه ديما ناقم علي وضعه
ميرال:: حست ان جرحت ميرا اسفه مش بقصدي نذكرك
ميرا:: لاعادي مش زعلانه انا رضيت بالي كاتبة ربي
وقعد عصومي يعيط جعان
ميرال:: قعدت تسكت فيه هاه شوفي حتي عصومي توا معش نقدر نرضعه
ميرا:: قولي الحمدلله بعدين خلاص ساد نكد متنييش ان عرس نونا وعمرها مازعلتنا وتعبت واجد هيا انزليلها
ميرال:: هيا باهي
ونزلن وقعدنا اندربكوا وتغير جونا وليلو رضت بالأمر وحست ان كلام ميرا صاح ومشا اليوم ونضت تاني يوم م الساعة 9 عشان كنت دايرة حفلة حنة ودوشت ولفيت شعري ولبست جينز وبلورة سودا خفيفه وحطيت دبشي ف الشنطة ونزلت لوطا
نا:: صباح الخير
ماما:: صباح النور
نا:: كيف البنات وين
ماما:: قاعدات راقدات فوق
نا:: ورؤى
ماما:: مازال ماجت
نا:: عليك قصة
ماما:: تعالي افطري علي ماجت
نا:: باهي
وقعدت نفطر وبعدها شوية وجت رؤى
نا:: كنك طولتي
رؤى:: مطولتش كنك مازال بدري
نا:: لا مش بدري ناسية ان العباية جت كبيرة نبي انقصها
رؤى:: ييييه نسيتها بكل هيا باهي عمر برا قاعد
نا:: هيا نلبس اشربي بس
رؤى:: خلاص مطوليش وانا تو نطلع
وركبت لبست اشرب ازرق وخذيت شنطة دبشي ونزلت
وركبت ف السيارة
نا:: السلام عليكم
عمر:: اهلا اهلا يالعروسة
نا:: شن اخبارك
عمر:: الحمدلله مبروك ياشفشة
نا:: الله يبارك فيك
عمر:: وين تبن
رؤى:: نبو خياط قبل بعدها الكوافيرا
عمر:: اوك
وشالنا عمر لخياط وقال تو انوتيها بعدين وحطنا ف الكوافيرا. وكان زحمة عليها ورجينا شويه هكي وبعدها بدت فيا وقلتلها ان نبي ميك اب خفيف منحبش الاوفر وشعري مطلوق كانت عادة عندنا حفلة الحنة تطلقي شعرك وف الزفة التسريحة ومر الوقت وانا مش مصدقة ان خلاص قعدت مرات قيس
ماما:: ها يابنات كملتن خلاص
ميرا:: اهاا كملنا من امبدري وطلعنا للجنان
ميرال:: ياماما مش مفروض تبدو تضيفو
ماما:: ابدن باهي خلاص اختكن قريب تجي
شهد:: تعالن يلا يسألن عليكن برا
وقعدوا خواتي يضيفن ف الناس ومولعين اغاني وجو يهبل ومشا الوقت
رؤى:: تجنني ياااافرخة عارفه
نا:: صاح
رؤى:: والله تهبلي
نا:: نجك ليا انتِ الي تهبلي
رؤى:: ها خلاص انرن علي عمر يجي
نا:: لا لا فوتي تو انرن علي عماد
رؤى:: براحتك
نا:: ايوا ميدو
عماد:: نعم
نا:: فاضي
عماد:: كنك تبيني انروح بيك
نا:: ياريت
عماد:: خلاص 10 دقايق ونجي
نا:: اوك نستني فيك
رؤى:: ها شنو
نا:: شويه وجاي
وربع ساعة وجا عماد وروحت انا ورؤى وخشيت وكلهم يزغرتو ويغنوا وصوت الاغاني عالي بككل ومشا الوقت ونا مقمعزة نسمع صوت وحده نعرفها كويس ونرفع راسي ونلقاها مروة
نا:: هيييييي مروة
مروة:: هههههه نونتي ياشينه مبرووك ياقلبي اخيرا خذيتي قيس الي وجعتيلي راسي بيه
نا:: هههه وينك ياقرده ليك وحشة والله
مروة:: انتي اكثر والله
نا:: امتا روحتي
مروة:: اول امس كنك
نا:: خززي عارفه مكنتش نحسابك حتجي
مروة:: خلاص اصلا روحنا بكل
نا:: الله عليك جو تباتي عندي اليوم راه
مروة:: مشعارف نشوف بابا
نا:: تو نكلمة انا
مروة:: كان قدرتي عليه باهي
( طبعا مروة هذي صديقتي المقربة بكل وزي اختي وسافرت من اربع سنين لبريطانيا باتها يحظر )
ومر الوقت وروحوا كلهم. ومروة قعدت ومحوتك اقتنعت باتها قتلا ان ليا زمان عليها وانا مسافرة بعدها وبعد دراما بيش وافق وخشيت جوا وغيرت دبشي ومسحت الميك اب امتاعي ودوشت وصليت العشاء
نا:: هيا غيري تلقي بيجامتك. الي تحبيها ف الرف الثالت
مروة:: قصدك مازلتي مخليتيها
نا:: منلبسش فيها اصلا عشان متقدمش
مروة:: ياخية نجك ليا
نا:: نمشي نجيب حاجة ناكلوها ونجي
مروة:: اوك باه
ونزلت جبت وكال زايد م العشاء وموالح وغازي وشوكلاطات وركبت
نا:: جيت
مروة:: نونا من هضا منعرفش
نا:: وين
مروة:: اهوا الطويل الي ف الصورة جنب عمر
( كان في صورة معلقة ف داري فيها نحنا وعيت عمي وعيت عمتي ف العيد )
نا:: محمد هضا
مروة:: هييييي قصدك هضا محمد الي كان خطيبك
نا:: كيف معمركش شفتيه
مروة:: لا شنو نسيتي مكزتي فيا مبيتيش ادزيلي صورته
نا:: ههههههه اهاا صاح اذكرت
مروة:: خززي معقوله صاحبتك انا وعندك مزز هكي ومتقوليلي عليه
نا:: هاي انتِ فوتيه محمد حساس ساد انا جرحته
مروة:: مش شورك انتِ بيني وبينه لازم انطيحه
نا:: ههههههه مش ساهل هوا راه لكن كان طيحتيه حلال عليك
مروة:: ف فون يرن
نا:: يييه هضا فوني نسيته
مروة:: من
نا:: حبيبي
مروة:: هاتي
نا:: شنو هاتي نبي انرد عليه
مروة:: مفيش هاتي تو انرد انا وكرت الفون مني
نا:: يافرخة جيبي هنا
مروة:: الو
قيس:: طربيقتي
مروة:: احم تفضل من تبي
قيس:: مش رقم نسمة هضا
مروة:: اسمها نسمة صاحبت الموبايل معلش ياخويا بس انا لقيته طايح ف الشارع
قيس:: كيف
مروة:: كان تعرف صاحبته تعال خوذه
قيس:: شن اسمك انتِ
مروة:: عليش
قيس:: حاس صوتك مار عليا
مروة:: هههههههههههههه عليك ذاكرة فيك
قيس:: مروة صاح
مروة:: صاح اها هههه
قيس:: كيف صار امتا روحتي ماقالتليش نونا
مروة:: اول امس روحت هيا بروحها متعرفش
قيس:: باهي ممكن تعطيني حبيبتي
مروة:: لا مش ممكن بكرا اشبع منها اليوم نونا ليا انا
قيس:: غير عطيني نسمع صوتها بس
مروة:: لالا قتلك خلاص اصلا مفروض متحكوش
قيس:: عليك مكر فيكي باهي سلميلي عليها
مروة:: بااااه يلا باي
قيس:: هههه باي
نا:: ياقرده كان عطيتيه ليا والله رايفت عليه
مروة:: اس كذا انا مرايفه عليكي اكثر
نا:: ليا يومين محكيتش معاه
مروة:: يومين ياهبلة ورايفتي
نا:: حتي ساعتين نرايف
مروة:: خفي علينا ياجولييت
نا:: ههههههه يلا خلينا ناكلوا
ومشت الليلة هذي ضحك وهداريز ونذكروا ف ايام زمان ونضت تاني يوم الصبح وجاني شعور غرررريب بكل شعور شين لما تحسي ان هضا اخر يوم لكي في حوش هلك ومجرد ماتطلعي منه تقعدي تجيه علي انك ضيفه وتقعد عندك عيلة اخرا وبدون مانحس بروحي قعدت نبكي
مروة :: بسم الله صبح يافرخة كنك
نا:: اخر يوم ليا هيا
مروة:: نعلياااا تو تشوفي قيس تنسي بككل ليلة عمرك هذي ياهبلة متخليهش بكاء
نا:: منعرفش نمسك روحي
مروة:: اضبطتني خلاص اس
نا:: الساعة كم توا
مروة:: 10
نا:: وقت حي انا بنمشي اندوش
مروة :: اوك
وخشيت دوشت وطلعت لبست سروال اسود وبلوزة لونها مشماشي هادئ واشرب احمر وقعدت انوتي ف الشنطة امتاعي
مروة:: ها وتيتي كل حاجة
نا:: قاعدة انوتي ف الشنطة الي نبي انشيلها معايا للكوافيرا
مروة:: كملتيها خلاص
نا:: افتحي الدولاب تلقي الكاب والكعب حطيهن
مروة:: حتنزلوا في فندق
نا:: اهاا ذكرتيني الشنطة الحمرا هذي امتاع الفندق
مروة:: والباقي
نا:: اصبري تو انرن علي انسام نفهمها
نا:: ايوا
انسام:: اهلا شن تبي بسرعه مش فاضيه
نا:: سكري فمك انا العروس مش انتِ
انسام:: تي غير هيا شن تبي
نا:: نبي انفهمك علي دبشي تو توا نخلي سراج يجيبه لكم
انسام:: باهي
نا:: الشنطة الحمرا المتوسطة هذي يخليها قيس ف سيارته نبي نشيلها معايا للفندق والباقي خليهن عندك بس ردي بالك منهن تو ناخدوهن منكم بعدها
انسام:: اووك باه بس حسبتي حسابك ف الدبش لان مرات تقعدو اكثر من يوم ف الفندق
نا:: لا حسبت حسابي وكان احتجت حاجة تو نجي ناخذها
انسام:: اوك باه
نا:: باي توا
مروة:: انا نبي انروح توا يلا نلحق
نا:: باهي اوك باي
شهد:: نونا نضتي
نا:: اهاا نضت تعالي بيش تقولي لسراج يشيل الشناطي لحوش عمو ابراهيم
شهد:: باهي باه من بيشيلك
نا:: مشعارف تو ننزل نشوفهم
ولبست اشربي ونزلت شنطتي ونزلت خشيت عليهم ف المطبخ
نا:: صباح الخير
ماما:: صباح النور تعالي افطري هي
نا:: هيا
وفطرت معاهم وكان هضا اخر فطور ليا معاهم
ميرال:: نونا بابا يبيكي ف المربوعة
نا:: باهي هيا
ومشيت خشيت علي بابا ف المربوعة ولقيته قاعد هوا وخوتي
بابا:: تعالي ياالغالية تعالي
نا:: شن اخبارك يابابا
بابا:: الحمدلله وين معش شفناكي
نا:: مفيضتش
بابا:: توا ماشية للكوافيرا
نا:: اهاا
بابا:: من بيشيلك
نا:: وليد
بابا:: عيونه تعبن دموع توا انتِ يابابا قعدتي مسؤولة من راجل غيري ومسؤولة عليه حطيه ف عيونك وعامليه بااحترام وردي بالك تنزلي من قيمة قدام الناس. او حتي بينك وبينه وقيس نعرفه كويس وماشالله عليه ومش حيزعلك بس لو صار مستقبلا مشاكل بينكم وهضا شي طبيعي ردي بالك تخلي الناس تخش بينكم لان تخرب حياتكم
عماد:: هههه مازال ماكلمت محاظرتك ياباتي
بابا:: اسكت انت مش شورك
امجد:: هههههه خليه براحته
بابا:: خلي كلامي ف وذانك يابابا والف مبروك واضبطني ونا نبكي
نا:: حاضر الله يبارك فيك
بابا:: هيا خلاص عدي تو اتأخري
نا:: نمسح ف دموعي باه
عماد:: متبيش تسلمي عليا
نا:: مديتله يدي كرني شوره واضبطني وعيونه دموع مبروك يااعليوة
نا:: هههه والدموع ف عيوني يبارك فيك
امجد:: جا اضبطني حتخلي مكانك بصراحه واجد عليا نمشي لروما بلاكن انتن 2
نا:: هههه تفكيت مني
امجد:: لا معقوله ومبروك عليك. وكان الهبل دارلك اي حاجة قوليلي
نا:: يبارك فيك خلاص تم
سراج:: مبروك ياشينه
نا :: اضبطته الله يبارك فيك
رؤى:: نونا هيا وليد يستني
نا:: هيا
بابا:: ربي يوفقك
نا:: رديت اضبطته وقعدت نبكي
بابا:: خلاص ياهبلة
وطلعت انا ورؤى وسلمت علي ماما وخواتي وشالنا. وليد للكوافيرا وكانن في عروستين غيري وتغديت واستنينا شويه وبعدها بدت فيا ووريتها صورة تسريحه بسيطة ع الجنب وميك اب خفيف وقعدت تقولي لا عروس ولازم تكثري بس انا سكرت راسي ومشا الوقت ونا قلبي يدق وخايفه بككل
ماما:: ياميرا انا وخالتك ماشيين للصالة توا انتن مطولنش ساعة وتكونن غادي
ميرا:: باهي ياماما
ميرال:: ماما استنيني طالعه معاكم
ماما:: هيا باهي
ميرا:: ياشودي كنك تبكي
شهد:: الكوافيرا مبتش اديرلي شعري قالتلي عندي موعد اخرا
ميرا:: تعالي تو انقوللها
وعدت ماما وخالتي. ومرات عمي وعمتي وميرال للصالة وقعدن البنات يوتن ف ارواحهن
رؤى:: هيا يانونا خشي ادهني جسمك وتريحي شويه عشان تكملك مكياجك
نا:: باهي هيا وانتِ شن تبي اديري
رؤى:: مشعارف قبل كنت عابية ع اساس صابغة شعري بس شفتي بروحك يومتها عشان الحمل مصبغتش
نا:: بس لونها حلو ونازل طالع لونين
رؤى:: خلاص انا بنمشي نكمل مكياجي وتو نجي
ماما:: ياميرا قولي للفرقة تحط موسيقي امتاع العشاء خلاص بيبدو يعشو راه
ميرا:: باهي ياماما باهي
ميرال:: ياماما عمتي سلوى تبيك
ليث:: يلا ياراجل خليني نسقملك القميص
قيس:: حول تو انديره بروحي معنديش فيك ثقة
عمر:: هههههه غير تعال ياراجل
قيس:: يااعمااد. قوللهم
عماد:: تي سيبو الراجل عريس حرام عليكم
ليث:: غير تعال والله ماني دايرلك حاجة
امجد:: ياقيس الحلاق يستني فيك عشان يسقملك شعرك يلا
سراج:: ياوليد كنك ماجبت نونا
وليد:: مازال مارنت
قيس:: تو انجيبها انا
امجد:: هههه ريح روحك انت
عمر:: نجي معاك ياوليد
ووليد:: لا جو تمام تو نمشي بروحي
رؤى:: نونا خليني نخش نساعدك
نا:: لا خلاص كملت
رؤى:: باهي افتحي
نا:: هيا هي
وفتحت الباب. وصبيت قدامها
رؤى:: عيونها تعبن دموع حياااتي ياخيه ماشالله تبارك الله ربي يحفظك مكأنكش انتِ معش عرفت نعبر
نا:: هههههه سمحه
رؤى:: تي سمحه وبس قيس اليوم حيقعد بلا عقل
نا:: اصلا هوا بلا عقل
رؤى:: بس الطرحه تبي تسقيم تعالي انديرها لكي
نا:: هيا
وسقمتلي رؤى الطرحة ودارتلي العطر ولبست عبايتها واشربها
نا:: وليد معش جا
رؤى:: تو يجي قاعد ف الطريق
نا:: اهوا يرن اكيده برا
رؤى:: تو نطلع نحط الحاجات ونجي
نا:: باه
وطلعت رؤى حطت الحاجات ف السيارة وخش وليد من فم الباب ساعدني عشان نطلع ونركب ف السيارة وولع اغاني وعلاهن ع الاخير ونا قلبي يدق بيطلع من مكانه خايفه ومتوترة وحاسة روحي حنجي طايحه
وليد:: مبروك ياهبلة
نا:: الله يبارك فيك
ووليد:: استني تو نجي انزلك
نا:: باهي
ونزلت رؤى وجا وليد نزلني وخشيت للرسيبشن وقابلتني ماما وام قيس
ماما:: ماسكة البكية ماشالله تبارك الله
ام قيس:: ربي يحفظك يابنيتي
نا:: تسلمي
ماما:: خشيشها للدار العروسة يارؤى عشان نقولو ان جت
رؤى:: حاضر
وعديت انا ورورو لدار وحولت الكاب وسقمتني رؤى وقعدت تقرا عليا ف المعوذات وانا خايفه قريب نموت
نا:: خايفه يارورو
رؤى:: متخفيش الناس كلهم تعرفيهم وقيس من زمان تستني تكوني لاه وطالعه تهبلي ماشالله الله عليكي
نا:: قعدت نهف بيديا علي عيوني عشان منبكيش
رؤى:: اشربي اميه الرقية هذي
نا:: هاتي بسم الله وشربت المية
رؤى:: انا بنمشي نخش وانتِ شويه وتو تجي انسام تخشيكي
نا:: باه
وعدت رؤى وشويه هكي وجت انسام وتضبط فيا وفرحانه مش مصدقه لان هيا كانت شاهدة علي علاقتي بقيس كلها وطلعت انا وياها من دار العروسة وسكروا باب الصالة وصبيت انا قدامه وطفو الضي ووخلوا الضي ع الباب بس بحيث لما نخش انا بس انبان وفتحوا الباب وولعوا اغنية
كل الحلا فيها انجلا واليوم فرحتها صارلو القمر ناطر عمر تيشوف طلتها طلت أميرتتنا بتلاقي وصارت نجمات الليالي تخبي غيرتها
ع دنيا جديدة ياخذها كل همو انو يسعدها ويعيشو الهوى يارب تهني الي حبو واللي قلبها عاشق قلبو والي ختارها رفيقه دربو ويظلوا سوى طلت أميرتتنا بتلاقي وصارت نجمات الليالي تخبي غيرته
ونمشي والمصوراتيه امتاع الفيديو قدامي وتصور فيا وانا قلبي يدق وكلهم يضحكولي وانا. مبتسمة وبس نبي نوصل للمسرح ووصلت اخيرا وركبت وجتني رؤى سقمتلي الفيلو وقمعزت وبدت الفرقة عاد تغني والبنات يرقسن وجن حتي صحباتي وفرحانات ومروة معلقة علي محمد وتمت ادير ف جو قدام امه ومرات عمي عجبتها مروة لان كانت جميله وبعد شويه قالو قيس يبي يخش وطفو الضي خلو الضي عليا. وع الباب وخش قيس وولعوا اغنية
صرتي الي الليلة ياصبية حبك قدر مكتوب عليا وعد عليا احميكي متل الوردة داريكي بروح الروح افديكي والله وحدو شاهد عليا
يؤبرني الي قلبو بيطير من الفرحة وهوا حدي نقيتو وبحبو كتير وشايف حالي ومين قدي
فرقوا بيني وبينو وقلبي يقولي وينو نزلت دمعة من عينو بشوف الدنيا مسودة
وانطرنا كتير اي والله كتير من الفرحة الليلة حاسس قلبي بدو يطير
وخش قيس وكان لابس سروال احمر وجاكة سودا كانت حاجة نادرة بس طالع طرف بكل واللحيه مرسومة ومبتسم وواثق من روحه ويمشي وتصور فيه المصوراتيه وركب ع المسرح وانا صبيت وقلبي يدق ومش مصدقه ورفعلي الطرحة وباسني علي ......... وقعدت القاعة كلها تعيط والي يصفق وانا انحرجت بكل
نا:: حبيبي عيب
قيس:: طبس عند وذني صرتي الي
نا:: نعليا منك
قيس:: هيا مدي يدك
نا:: ليش
قيس:: انبدلوا الدبل ياهبلة تو يقولو ليش مصبيين
نا:: هههههه هيا
وبدلنا الدبل والمصوراتيه امتاع الفيديو تصور. وامتاع الصور تصور وبمجرد مابدلناهن قيس اضبطني
القاعدة قعدت تعيط
مروة :: وسع بالك ياعرييس
قيس:: برم عليها هههههه صبرت واجد
وقمعزنا ووقعدت الفرقة تغني وجو حلو بكل وانا وقيس نهدرزو وسايحين في بعضنا
قيس:: قربي نقولك حاجه
نا:: قربت منه نعم
قيس:: يبوسني علي خدي هذي تصبيرة بس
نا:: هههه اعقل شويه
قيس:: مخليتيش فيا عقل
وهضا كله تصور فيه وبعدها صبينا قصينا التورتة وقعدت تصور فينا ف لقطات وجينا نبو نوكلوا بعضنا وجيت نبي نحطها في فمه قرب مشيت بلدت بيه وحطيتها في فمي بس كانت كبيرة مخشتش. كلها يمشي قيس يمكر فيا ويقرب مني وياكل عقابها الي برا فمي لعند افوامنا لصقن في بعضهن ووجي قعد احمممر والمصوراتيه تصور وعاجبها الجو والبنات يتعايطن ويقولن الليل طويييل ياقيس وقيس قعد يضحك عليا وجتنا امتاع الفرقة وقالت هيا ترقصو وصبينا وولعوا اغنية
بهاللحظة بزات من حدي ماتروحي
بهاللحظة بزات. اتوحدنا ياروحي
يعتبروها رئصة وهيا اول فرصة
بعد سرتي الي تضمك ياروحي
ياحياتي الليلة دخلك
عالابيض شو لابئلك
يااميرة البي انتي
انا البي شو مشتقلك
وحطيت يديا علي رقبة قيس وهوا حط يده علي خصري ووجوهنا ف وجوه بعضنا وهايمين ونرقصوا وفرحانين مش مصدقين وقعدنا نرقص كل مرة علي اغنية وبعدها المصوراتيه قالت ناخذو صور عائلية وجت ام قيس وخواته وصورنا وبعدها ماما وخواتي وصورنا
قيس:: هيا انروحوا
نا:: باهي هيا
وصبا قيس ووسقملي الفيلو ومشينا وبعد جيت نبي ننزل نزل عليا ورفعني ونزل بيا والقاعة كلها قعدت تصفق
نا:: ههههه نزلني ياهبل
قيس:: اس را اندير العار هنا
نا:: هههههه وبسته علي خده
يتبع