الحلقة الثانية والأربعون
ورقدنا ومع الساعة اربعة ف الفجر سمعنا صوت عياط من الدار الي فيها ياسمين ونضنا نحنا الاثنين نجروا ومشينا للدار ولقينا ياسمين مقمعزة وتبكي وعيالها تالاها منفجعين ويعيطوا
قيس:: كنكم شن في
نا:: قمعزت قدام ياسمين بسم الله كنك
ياسمين:: ماسكة رقبتها وتبكي يخنق فيا يبي يقتلني يخنق فيا
قيس:: من الي يخنق فيكي شن تحكي انتي
ياسمين:: رياض يبي يقتلني
نا:: حبيبتي ماتخافيش كابوس هضا بس تعوذي من الشيطان
قيس:: جيبيلها اميه امشي
نا:: حاضر وصبيت
قيس:: قمعز جنب اخته وخذاها ف حضنه خلاص سلم خيتي فجعتي عيالك كابوس هضا بس رياض ميقدرش يديرلك شي
ياسمين:: قاعده ف حضن قيس وتبكي ظلمني ياقيس وراس عويلتي ظلمني انا متربيه وعمري مافكرت نخونه حتي بتفكيري
قيس:: يمسح علي ظهرها عارفك والله عارفك بتعلميني فيكي وانا مش حيهدالي بال لعند رياض يعرف الحق
نا:: هاكي اشربي سلم خيتي
قيس:: خذا مني الكبايه وقعد يشرب فيها
اكرم:: جا قرب من امه وخش ف حضنها ماما
ياسمين:: خذاته ف حضنها سامحني حبيبي فجعتك
اكرم :: مضبط امه ويبكي
قيس:: نسمة خوذي انس مات من البكاء
نا:: حاضر وقربت منه وخذيته ف حضني وحسيت شعور غريب اول مره نحسه وقعد نهز بيه وسكت دغري تمنيت روحي انا ماسكة وليدي
قيس:: بحت فيا. بعد شافني فرحانه وابتسم
ياسمين:: سامحوني فجعتكم
قيس:: هبلة انتي لو تبي نقعد واعي نقعد
ياسمين:: لا عدي ارقد وراك شغل بكرا
قيس:: خلاص صبي اغسلي وجك هيا
نا:: انوسي رقد ناخذه معايا عادي
ياسمين:: تو يتعبك ينوض ف نص الليل يبي يرضع اصلا
نا:: براحتك وحطيته ع الفراش
وعدا قيس وخش للدار وانا قعدت مع ياسمين لعند رقدت هيا وعيالها ومشيت خشيت للدار ع اساس قيس راقد وخشيت للسرير وعطيته بظهري ودوب مابديت ننعس مانندريش عليه الا وهوا يكر فيا شوره من شعري
نا:: ااااي كنك
قيس:: كرني شوره وعضني ف رقبتي
نا:: احييييه برمت عليه وجا وجي ف وجه كنك فيش تحس واعره راه
قيس:: عشان مره اخرا معش تعطيني بظهرك عارفتني منحبهش اللقطة هذي
نا:: نحسابك راقد
قيس:: لا منيش راقد تعالي نبيك
نا:: اهو قاعده قدامك شن تبي
قيس:: رايفت عليك وقرب مني وجا يبي يبوسني
نا:: حسيت بنفسه ف وجي و كبدي لعبت حطيت يدي علي فمي وصبي نجري للحمام (حشاكم)
قيس:: استغرب وصبا يجري ورايا وقعد يدق ع الباب نونا كنك
نا::كملت وغسلت وجي بميه وفتحت الباب
قيس:: كنك شن صارلك
نا:: انّشف ف وجي ونبكي اكيده واخذه برد
قيس:: باهي كنك تبكي توا
نا:: ماكني شي
قيس:: وااااو قصدك مزلتي تبكي بعد تمرضي
نا:: ........
قيس:: جا يبي ياخذني ف حضنه وخرت
نا:: قيس خليك بعيد عليا
قيس:: نعم مسمعتش
نا:: مش متحمله ريحتك وحق ربي
قيس:: وكنها ريحتي تو قعدت معش ننفع
نا:: مش هكي بس
قيس:: مشا وسيبني وعدا خش للسرير ورقد
نا:: مشيت شربت اميه وجيت رقدت
YOU ARE READING
#لعبة_القدر 💚(روايات ليبية) بقلم الكاتبةBent_benghazi#
Romanceرواية ليبية شرقاوية مميزة 💚
