الحلقة الخمسون
وصبيت خشيت للمطبخ حطيتلا فاكهة ودرتلا شاهي خضرا وطلعت لقيته ف الصالة حطيتهن قدامه ومشيت لميت الطاولة ودرت المطبخ وخشيت للمكتب وقعدت نحاول نقرا وعقلي مش معايا بكل وطلعت بنمشي للدار لقيتها مسكرة وجيت بنفتح الباب نسمع قيس يحكي بصوت واطئ ويقول مانبيش نسمة تعرف توا فهمتي علياا خلاص توا صكري ومترنيش انتي تو انا نرن عليكي بعد نلقا فرصة اوك سلام
ونا قاعده ورا الباب ونسمع فيه ومش مصدقه ودموعي قعدن يصبن كيف الشيشمة ومسكت قلبي حسيت قلبي وجعني معش شفت قدامي خلاص معقوله قيس يديرلي هكي قيس الي ياما تعذبت ف فراقه ومنقدرش نعيش بدونه يديرلي هكي وسمعته جاي شور الباب مشيت نجري وخشيت للحمام وقفلت علي روحي وقمعزت ف تركينه الحمام وقعدت نبكي بدون صوت قلبي محروق ونبكي ومش مستوعبة الي سمعته اكيده في حاجة غلط اكيده انا سمعت غلط قيس يحبني ومش حيخوني انا عارفه وقعدت نخبط ف راسي علي ركبيا ونبكي وبعد شويه نسمع ف باب الحمام يدق
قيس:: حبيبي
نا:: ........
قيس:: نونتي انتي هنااا
نا:: بصوت محوتك يطلع نعم
قيس:: كنك ماتردي
نا:: حاطه يدي علي فمي مانبيش نبكي و فتحت الدوش مش فاضيه قاعده ندوش
قيس:: باهي مطوليش نبيكي
نا:: باهي
وخشيت تحت الدوش بدبشي وقعدت نبكي يعني تمشي تحكي معاها وبعدها تجيني وتقولي حبيبي ليش هكي ياحبيبي ليش وبعد نص ساعة طلعت من تحت الدوش ولبست المنشف ومسحت اثر الميك اب الي ساح بالميه وكانن عيوني منتفخات من البكاء طلعت من الحمام ومشيت للدار بسرعة وفتحت الدولاب جاني قيس اضبطني من لاوره ولاول مره مكنش خاطري يضبطني مكنش خاطري يلمسني وجا عند وذني وقالي نحب ريحتك بعد الدوش نحبك كلك وكانت كلماته زي الموس تنزل علي قلبي لاول مره نفكر هل قيس قالها من قلبه ولا مجرد كلمه وقعد ينزل علي رقبتي و يبوس فياا وناا دموعي ف عيوني ومحكيتش ولا كلمة
نا:: وخرته من علياا حول بنلبس دبشي
قيس:: تعالي نبيكي
نا:: قيس تعبانه ومعنديش جو خلاص حول
قيس:: وخر كنك شن في
نا:: مافي شي
وخذيت دبشي من الدولاب وخشيت للحمام ولبست تنورة سودا طويله وبلوزة بيضا وخشتها ف التنورة وجاكة رسمية سودا علي حز التنورة ولبست اشرب اسود وكحلت عيوني ودرت بلاشر وطلعت خذيت شنطتي ونظارتي وطلعت للصالة لبست كندرتي وجيت بنطلع
قيس:: وين وين ماشيه
نا:: بنتمشي شويه ونبي شويه حاجات
قيس:: ونا مش مالي عينك لعند تطلعي بلا ماتقولي
نا:: حشاك وسلحت كندرتي وجيت بنخش
قيس:: كنك
نا:: خلاص معش بنمشي
قيس:: بلا طروح كذا اطلعي تو نمشي معاكي
نا:: لا خلاص اصلا كنت بنمشي بروحي
قيس:: رفع حاجبه وليش بروحك
نا:: نحكي بدون مانبحت فيه مضايقه شويه ونبي نقعد بروحي
قيس:: استغرب من كلامي وقمعز امشي باهي بس مطوليش
نا:: خذيت المفتاح وطلعت
YOU ARE READING
#لعبة_القدر 💚(روايات ليبية) بقلم الكاتبةBent_benghazi#
浪漫رواية ليبية شرقاوية مميزة 💚
