#لعبة_القدر 💚(روايات ليبية) بقلم الكاتبةBent_benghazi#

الحلقة33

الحلقة الثالثة والثلاثون

ماما:: خير ياشينه
علا::  شن اخباركم كل عام وانتو بخير
ماما:: الحمدلله وانتي بخير شن اخبارك انتي وشخبار احمد والعيال
علا:: بصوت مخنوق الحمدلله
ماما:: كنه صوتك هكي
علا:: لا عادي مكني شي
ماما:: تي احكي متشغليش بالي
علا:: انهارت بالبكاء وقعدت تبكي
ماما:: احكي سلم بنيتي كنك
علا:: مضايفه بكل ومحتاجتكم جنبي
ماما:: كنك باهي مش قبل منسجمة وكويسه شن الي غيركم
علا:: قعدت تبكي  احمد فصلوه من الشغل امتاعه لاه بلكي شهر ووضعنا مدهور وهنا كل شي غالي كانت امورنا ماشيه وهوا يشتغل بالراتب امتاعه مكفينا وزيادة توا نحسبوا ف الفلوس بالفلس وزيدي عليها اخرا اني طلعت حامل كيف بنقدروا نديروا مش عارفه واحمد نفسيته زفت وملقش شغل بكل
ماما:: لا حول ولا قوة الله بالله العلي العظيم وسعي بالك وتو تفرج لازم ف الحياة ف ايام قاسيه مش كلها سمحه لازم توقفي جنب راجلك وتقويه واشتغلي حتي انتِ مش عيب الوحدة تشتغل عشان تساعد راجلها احمد تحملك واجد وعمره مازعلك
علا :: والله عارفه ياماما بس قصة حملي هيا الي خربت كل شي فكرت نشتغل بس كل وظيفه نقدم عليه من اسباب فسخ العقد انك تحملي واحمد نفسيته تعبانه وميبيش يدويلي عشان منتنكدش
ماما:: شده وتزول ان شاء الله ليش ماتروحوا باهي هنا باتك عنده معارف واجد وحيلقي شغل
علا:: احمد مايبيش يروح مايبيش شماتت الناس
ماما:: الناس ملهش دخل بحد كان تبي اتبعيهم متعيشيش
علا:: والله ماني عارفه شن اندير والعيال من قبل متعودين يطلعوا. ويشيل فيهم للملاهي ويلعبوا توا معش قدر حتي يشيلهم قيوسي قريب ينهبل
ماما:: باهي لقيتلك حل
علا:: شنو
ماما:: شن رايك نخلي باتك يدزلك فلوس وبعد تستقر اموركم تردوهن
علا:: احمد مش حيوافق عارفته انا مايحبش شفقة حد
ماما:: باهي حاجه اخرا
علا:: شنو
ماما:: سيارتك الي لما تخرجتي جابها لكي باتك ومابيتيش تسوقيها مازالت قاعده ويسوق فيها سراج وهيا من حقك يعني وحتي الكتيب امتاعها باسمك
علا:: باهي
ماما:: نخلي باتك يبيعها ويدزلك حقها بحجة انك تبي تشري سيارة غادي وحقك يعني فلوسك وهكي احمد مش حيوفض لان فلوس مراته هنا فلوسه
علا:: مشعارف تو نشوفه
ماما:: حتي لو رفض اقنعيه انتي وردي بالك من روحك وحامك واعر انتي
علا:: لا المره هذي مش واعر كيف اللخرين
ماما:: باه ربي يحفظكم خلاص سكري سلم بنيتي وديري نفس ماقتلك
علا:: ان شاء الله ادعيلي ياماما
ماما:: ربي يوفقك ردي بالك من روحك ومن العيال
علا:: ان شاء الله سلمي علي بابا والعيال
ماما:: يوصل هي مع السلامة
علا:: مع السلامة

وسكرت علا من ماما وهيا خايفه تقول لاحمد ويرفض ونفس الوقت فرحانه لان لقت حل ومشت خشت للسرير تبي ترقد ع اساس احمد راقد بس طلع مش راقد

احمد:: منركنتي تكلمي
علا:: كنت نحكي مع ماما تسلم عليك
احمد:: عليك وعليها السلام شن اخبارهم
علا :: كويسين الحمدلله
احمد:: باهي تمام
علا:: حمادي
احمد:: نعم
علا:: انا عندي سيارتي ف حوش هلي مازالت قاعده شن رايك انبيعها ونصرفوا بحقها لعند ربي يفرجها
احمد:: رقيتلا لا مفيش هذي كانت ف حوش هلك بس انتي توا ف حوشي بعدين انا مش قاتلك من الجوع
علا:: بس هيا من حقي وم البدايه بابا قالي امتا ماتبيها خوذيها
احمد::  عصب انا منشحتش من حد ومنستنش ف رحمة حد تو ربي يفرجها
علا:: هذي مش شحته هضا حقي
احمد:: خلاص صكرررررري ع الموضوع مانخذش فلوس ولية انا القرش الي يجي من ولية نعن بوه بكل
علا::  علت صوتها بس اناا مش غررريبة انا مرااتك والي ليا لكي والي لكي ليا
احمد:: يااااابنت الناس مشي الليله هذي علي خير ومتخفيش مش حنموتك من الجوع ولو اشتغلت بواب
علا:: انت ليش هكي تفهم ف الموااااضيع. اه ليش يوم واحد يس افهمني يوم واحد بس
احمد:: انا واخذك من حوش هلك عشان نصرف عليكي مش يصرفوا علينا هلك
علا:: ومن قاالك يصرفوا علينا هلي انت ناسي لكي. 3 شهور بلا شغل شويه اخرا معش نلقو بيش ندفعوا اجار الشقه
احمد:: علااااااا خلاص اننننهي.