#لعبة_القدر 💚(روايات ليبية) بقلم الكاتبةBent_benghazi#

الحلقة55

الحلقة الخامسة والخمسون

البنت:: ايواا حبيبي
نا:: جيت مقمعزة
قيس:: بحت فيا ومتفاجئ من انتي شكلك غالطة
البنت:: معقوله ياقيس توا معش عرفتني ولا مراتك تالاك خلاص باهي نحكو بكرا وسكرت
نا:: نبحت ف قيس ومنصدمة والدمعة ف عيني شنوو هضااا
قيس:: والله ما نعرفها نا بروحي متفاجئ زيك
نا:: كيف ماتعرفهش وقالت اسمك لا واخرا اكيده تالاك مراتك.
قيس:: يانوناا كنك ماتبيش تصدقي والله مانعرفها
نا:: دموعي نزلت وصبيت من السرير اصلا كلكم هكي الرجالة خاينين وغبيه الي توثق فيكم
قيس:: نسسسمة ماتكبريش ف الدوه خيرلك قتلك مانعرفهش
نا:: قعدت نمسح ف دموعي منكبرش ف الدوه تحساب روحك بتضحك علياا بالكلمتين هذينا عشان هكي ماتبيش مني عيل مانبينيش نحمل عشان حبيبتك الي بطلقني عشانها اكيده قالتلك طلقها صاح قول اعترف
قيس:: نسمممممة اززززف شنو الي تقولي فيه هضا بعقلك انتي تي عليش بنخونك فهميني
نا:: اسأل رووووحك عليش ماتسألنيش انا وانهرت بالبكاء اخر حاجة كنت انتوقعها منك انك تخوني ياقييس عمري ماوثقت ف حد كيفك عمري
قيس:: قرب مني ومسكني وطي صوتك وواهدي
نا:: دفيته وخررر معش تلمسني وخرر
قيس:: تي والله مانعرفها بيش تبيني نحلفلك عشان تصدقيني
نا:: نمسح ف دموعي متعبش روحك وتحلف بالكذب بعد انكشفت بتحلف
قيس:: عصب ومعش عرف شن يقول تي. يابنت الناس ليش بنخونك فهميني
نا:: لانكم هكي الرجالة متسدكمش وحده ضروري تحبو علي صباياكم
قيس:: نسمة ماتكبريش ف الكلام تحقي فياا مش راجل قدامك لعند نخونك ونحب عليكي
نا:: كانت نار راكبه فياا حاسه قلبي ناار وبدون مانحس بروحي عصبت وقتلا لا مش راااجل مش راااجل
قيس:: انصدم من كلمتي ولا ارادياً يجيني كف لعند وجي برم
نا:: ماسكة وجي ودموعي شلالات ومش عارفه شن صار ومش مستعوبه ان قيس يضربني وليش عشان بنحافظ علي حوشي تضربني ياقيس هذي نهايتها
قيس:: معصب وعروق رقبته ينبضن بالقوه لعند قريب يطربقن. ومسكني من شعري مكنتش متوقع منك هكي بس ابدعتي ابببببدعتي يااانسمة ياااعااقله يابنت مصطفى يامتربيه مش راجل صار مش راجل وقعد يهزلي ف راسي اناا يقولولي مش راجل ومن من مراتي
نا:: نبكي ونتألم قيييس اطلقي اطللللقني مش من حقك تمد يدك اطللللقني را نكلم بابا اططططلق
قيس:: كلمييييه كلمييييه كلميه عشان نقوله شوف بنتك المحترمة المتربية شن تقول لراجلها عشان فرخه حرام قالت كلمتين لعبت براسها
نا:: قعدت ماسكة شعري وبنفكة منه اطللللقني را نعيط اطلق
قيس:: تبيني نطلقك ياعااقله ياارازنه وانا الي كنت نقول نسمة عاقله ومش حتصدق مكنتش متوقع هكي منك
نا:: محوتك فكيت يدي ودفيته اصلاً انا الي غبيه الي وااافقت عليك انااا الي غبيه الي ضيعت محمد من يدي وكنت عارفته يحبني جريت ورا قلبي ونسيت عقلي
قيس:: نسمممممممة ويجيني كف اخرا لعند خشمي قعد دم ومسكني من يدي وقعد يضغط عليهاا متحسفه عليه متخافيش مازال اسبوع علي عرسه تقدري تمشيله ودفني بالقوة لعند طحت ع الارض وخبطت ف حافه الدولاب تلمي دبشك وتمشي لحوش هلك تسمعي فياا ولالا ماتقعدش فحوشي وحده تفكرر ف غيري فاااااااااااهمة وخبطني بكراعه وفتح باب الدار لقا هله كلهم ف الصالة نوضهم الصوت
نا:: قعدت نبكي ومش عارفه ليش درت هكي ومش مستوعبه الي درته
انسام:: خشت تجري بعد طلع قيس ومسكتني من يدي نوناا كنكم شن في
نا:: قعدت نبكي وحضنتها
انسام:: حي علياااا كنكم صوتكم هكي
نا:: قعدت نبكي بشكل هستيري ومنهاره خوكي معش يبيني يانوسا قالي لمي دبشك معش يبيني
انسام:: هوا معصب توا بس قيس يحبك ومستحيل يتخلى عليكي
قيس:: طالع من الدار ومعصب ومش شايف قدامه
باته:: شن في كنكم صوتكم عالي
قيس:: مافي شي خلوني ف حالي
امه:: ضربتها صاح يافضيحتك ياسلوى ضربتها
قيس:: امممممي اززززززف محد يدخل بيني وبين مراتي والا والله نمشي ونسيبلكم الحوش باللي فيه