#لعبة_القدر 💚(روايات ليبية) بقلم الكاتبةBent_benghazi#

الحلقة17

الحلقة السابعة عشر

وولعت الآء السيارة وتمشي وتلقا قدامها واحد مصبي ويبحت فيهن ويفنص

الآء:: حي علينا وحي كله منك يافرخة
شهد:: اسسس ردي بالك تبكي مش حيديرلنا شي
الآء:: حي علي امي. حي جاي شورنا
عماد:: قرب عند الروشن امتاع الآء وقعد يدق عليه بعصبيه افتحي
الآء:: كله منك يافرخة وقعدت تفتح ف الروشن وترعش
عماد:: ينفص انزلن يلا بسررررعة
شهد:: نزلت ميدو والله
عماد:: صكري فمك كذا وين كنتن ماشيات ف الليل اه تكلللمي ومن امتا تسرقي ف السيارة انتِ ولا بعد خلطتي عليها خربتي
الآء:: عماد احترم نفسك والا
عماد:: والا شنو انتي اللخرة شن بديري مثلا هضا كله عند وليد فااهمة
شهد:: نزلت دمعتين  عماد والله لولي مدخلها انا الي قعد نزن عليها ونقوللها بسرعه بسرعه عادي حرام والله هيا مدخلهش
عماد:: انتِ سكري فمك ولا كلمة وحسابك بعدين هاتي موبايلك
شهد:: شنووو
عماد:: زي ماسمعني موبايلك واللاب الاسبوع هضا حيقعدن عندي لعند اتأدبي
شهد:: بس
عماد:: مفيش بس احمدي ربك اني محترمك انتي وياها ومضربتكنش
الآء:: لا محلاك وانت ماد يدك عليا
عماد:: شنو
الآء:: شي
عماد:: يلا يافرخة شهد لدارك فوق والفون واللاب نلقاهن ع المكتب امتاعي فااااااهمة
شهد:: مدت شواربها قدامها ورقالها وعدت
عماد:: وانتِ يااأبلة يلا امشي قدامي
الآء:: نعم
عماد:: زي ماسمعتي امشي جيبي دبشك نشيلك لحوشكم سادك قاعده هنا لكي 4 ايام
الآء:: اولا هضا مش حوشك عشان تلزني وثانيا محد طلب منك توصلني
عماد:: لما اديري غلط نكسرلك راسك ونلزك ووليد مش قاعد وعبدالله توا راقد ف امشي قدامي خيرلك
الآء:: عيونها رقرقن ووجعتها روحها ومشت لمت دبشها ونزلت وركبت لاوره
عماد:: سواق بوك انا تعالي قدام
الآء:: هنا متريحه
عماد:: متخليش جنوني يطلعن خيرلك
الآء:: مقلتش ولا كلمة وجت قمعزت قدام

ومشا عماد وشويه هكي موبايلها قعد يرن وهيا متبيش ترد

عماد:: ردي ع الهيك وجعتيلي راسي
الآء:: عيونها دموع ومقالتش ولا كلمة
عماد:: رقيتلا وكر الفون من يدها ورد

الشاب:: كنك متبيش تردي عليا انا تعبت بيش حصلت رقمك بعدها متبيش تعطيني فرصة حرام عليكي
عماد:: تفضل ياااستااد شن تبي
الشاب:: مش هضا رقم الآء
عماد:: بحت فيها وفنص اهااا هوا
الشاب:: ممكن تعطيها ليا
عماد:: لا والله بتركلبي قرون حضرتك امشي اقلب وجك ومعش ترن عليها را والله نعرف كيف نجيبك
الشاب:: انت شن دخلك اها شن علاقتك بيها
عماد:: خطيييبتي واقلب وجك خير ماتشهد علي روحك

وسكر ف وجه وعزق عليها الفون وهيا منصدمة من الكلمة الي قالها وعماد لاحظ الشي هضا عليها انزلي

الآء:: نعم
عماد:: شنو الي نعم انزلي وصلنا
الآء:: اه وجت بتنزل
عماد:: راك تصدقي انك خطيبتي ناقصني غير وحده كيفك تقعد خطيبتي
الآء:: ميته علي وجك ع اساس انا ونزلت وسكررت باب السيارة بااقوى ماعندها
عماد:: ههههههه هبلة